الراكوبة، أخبار السودان لحظة بلحظة

بائعات الشاي يكذبن مزاعم معتمد الخرطوم

2

كذب باعة جائلون وبائعات شاي واطعمة بمحلية الخرطوم تصريحات المعتمد بوقف (الكشات).

وقال الباعة إن مطاردات موظفي المحلية لهم لم تتوقف بل أصبحت عنيفة ومباغتة وشرسة وأضافوا أن تصريحات المعتمد خدعتنا وعرضنا بضاعتنا مطمئنين لكن الموظفين هجموا علينا فجأة وصادروا معظمها.

وشكن بائعات شاي بشارع الحوادث بالخرطوم من مصادرة أدوات عملهن اليوم وتم نقلها إلى مكتب المصادرات بالعمارات.

2 تعليقات
  1. abdulbagi :

    قال إبن التعاويذى؛-إذا كان رب البيت بالدف ضاربا …فشيمة اهل البيت كلهم الرقص . الكذب والحرامية شيمة الابالسة من كبيرهم لصغيرهم . يسرقون وينهبون المال العام , وشاطرين على المساكين مثل ستات الشاي وتاركين القطط السمان تسرح وتمرح وماهم شركاء معهم في اللهلط واكل أموال الناس بالباطل . الثورة تدق الأبواب , افتحوا لها الأبواب والشبابيك وتنسموا عبير الحرية .اغد للحرية والجمال وأطفال اصحاء.

  2. والله المستعان :

    معتمد شنو الذي يفي بوعده ؟؟
    من هو الاسلامي الوحيد الذي اوفى بوعده .

    في ميدان جاكسون بالخرطوم كنت اقف مع احد بائعي الجرائد المفترشين على الارض .. واثناء مطالعتي للعناوين فأذا بالشاب يلم الجرائد ويجري .. فالتفت فإذا واحد من المحلية يحاول اخذ الجرائد ..

    قلت لبتاع المحالية يا اخي انت ما عندك دين ولا ايمان .. يااخي خلي الراجل يسترزق .. ستات الشاي قلتو شوهن مظهر العاصة اها دا كمان مالو؟ راجل ببيع ثقافة وجرايد وصحف .. يا اخي اعمل معروف يا بتاع المحلية شوف ليك شغل تاني .. شوفوا المجاري الطافحة او النظافة بتاعة السوق بدل تجري وراء ستات الشاي وفريشة الصحف والمجالات.

    قالي يا زول انت مالك خليني اشوف شغلي
    قلتلو : يا اخي خلي الراجل يسترزق ويبيع بدل يلف على عجل حديد
    قال لي : يا اخي داه اغنى مني ومنك.

    المهم بتاع الجرايد قالوا يا اخي انا دفعت لي صاحبك الذي اتي قبلك ؟
    بتاع الجرايد قالي يا اخي خليهم ..ديل كل واحد عايز حقوا بطريقتو مع العلم اني قبل شوية دفعت لزميله

تعليقك يثري الخبر والمقالات .. فبادر به ولا تكتم رأيك أبداً..

%d مدونون معجبون بهذه: