أخبار السودان لحظة بلحظة من الراكوبة، مقالات سياسية وثقافية

كنز من القرون الوسطى في حلفا الجديدة

بشرى الفاضل
في منزل حكومي مخصص لأحد افرد الشرطة بحلفا الجديدة ومسئول صاحبه عن أمن القرية 21 يجري الآن حفر محموم داخل المنزل حتى ظهرت قواعده بحثاً عن كنز! لو كان هؤلاء الباحثون عن الكنز تلاميذ مدارس في مراحلهم الدراسية الاولى وأمرهم مربي الفصل في حصة الجغرافيا بالبحث عن كنز وذهبوا لهذا المنزل واشتبهوا فيه لما كانت هناك قصة. لكن هؤلاء اشخاص راشدون ولأن الظروف الاقتصادية ضاغطة لجأوا لتصديق هذه الخرافة أسوة بزملائهم الذين يجوبون فيافي السودان بحثاً عن الذهب. ولو كان أؤلئك يجدون الذهب فما المانع في ان يجد الباحثون عن الكنز ما هو أكثروأغلى ولعلهم نسجوا حكايات أخرى خرافية حول هذا الكنز ونسبوا حراسته للجن. لكن المنزل حكومي ويتبادل فيه الحفر
(عدد من الرجال الأشداء لعدة أيام، حتى ظهرت قواعد المنزل، دون العثور على شيء، كما لم تلن عزيمة القائمين على أمر هذه الحفريات) فيما يقول الخبر.
واستنكر عدد من المواطنين و رجال الدين تصديق هذه الخرافات، كما استنكروا تبنيها من قبل قيادات محسوبة على الدولة. حكومة ولاية كسلا تعلم كل ما يجري حول المنزل المذكور
أحد المسؤولين بمحلية حلفا من رأيه أن يتركوا هؤلاء المواطنين ليتأكدوا بأنفسهم عن وجود الكنز من عدمه.ولا يستبعد هذا المسئول خطورة ما يجري على أرواح المواطنين، باحتمال انهيار هذا المبنى على رؤوس الذين يقومون بالحفر.ونحن بدورنا لا نستبعد ذلك والواجب وقف هذه الحفريات فمن واجبات هذا المسئول تحري سلامة أرواح هؤلاء المواطنين وعقولهم ايضاً.
ويعتقد الموهومون بوجود الكنز أنه كنز ضخم ويتوقع أن يحل الضائقة الاقتصادية التي تمر بها البلاد.وهكذا أصبحت الضائقة المعيشية شماعة تعلق الآمال فيها على قدرات الخرافات المروسة بالجن!وهذا الامر شبيه بحالات غدعاء بعض المرضى النفسيين بأنهم المسيح او المهدي المنتظر
ولم يفصح هؤلاء الموهومون عن طبيعة هذا الكنز وقيمته التي يبدو أنها جاءت من الحكايات الخرافية لكن الشيء المؤكد أن الضائقة الاقتصادية التي تمر بها البلاد حلها في ايدي شعب بكامله حين يقوم بتصحيح الأوضاع مما جميعه بما يجعل الشعب ينتج لان هناك عدالة اجتماعية لا آلة تبحث بالحفر عن كنز.
[email][email protected][/email]

بدون تعليقات
  1. ود كوش :

    شوف نافع الموسم دا, ماعندك غير الدجل. كفايه غش العباد. لو كان هناك كنز كان اول ناي هم الكيزان من تداء بالحفر. كفايه دجل وشعوذه. بس يا نافع قول الروب المره ده جاتك عديل, المزرعه ما بتلبدك.

  2. غيور :

    ده تخدير من الحكومة لتمرير قرار زيادة البنزين مش رفع الدعم .. (نحن البندعم مش أنتوا)

  3. adil a omer :

    ده اسمو الفشل المطلق .. وحيث ان الرجال فى بلدى وسائر بلاد المسلمين فشلوا فشلا زريعا فنوصى بتسايم مقاليد الحكم والاداره الى النساء

  4. الجمصـــي :

    هو عليك الله قول لقو يعني خلاااص كيزان الشود ديل أمناء وحا يحلو بيها مشاكل السودان
    ذكرتني الخريطة الكنتورية و قرية الرميتاب ..عالم وهم

  5. Shah :

    وأبو العفين ده دمعتو جارية مالو؟ عشان قنع من الكنز؟

  6. أبو مجداع :

    ناس نافع الدرب راح ليكم في الموية ونحن ما ببنسى نبذة واحدة كل كلامك مكتوب غايتو نصيحتي شوف جنبة أدفن فيها دقن قبل ما تتجاسف سيب قلة الأدب بتاعتك دي وشف ليك طريقة مخارجة والله العظيم ما بنخليك إلا تطلع من أقطار السموات والأرض يا أبو العفين

  7. مهران :

    داير يقول ليهم الحل فى الزراعة

  8. ابوشريف :

    ضائقة ما ضائقة ,,, ضائقة ما ضائقة ,, زنقة ما عاريف ايش ,, زنقة ,,
    يا اخوانا أنا بسأل سؤال ,, أين مليارات الدولارات من البترول ,, وأين مليارات المغتربين من الدولارات , وأين مليارات الجنيهات من الجمارك ,, وأين مليارات الجنيهات والدولارات من الزكاة ,, اضافة الي المرور والنفايات وووووووو وهكذا ,, والله يا أخونا فلوس لا يستطيع احد ان يحصرها عدا ,, بالله لو كانت هذه الاموال موجودة في ايدي امينة , هل سسوف تكون هناك ضائقة ؟؟؟ أين ذهبت هذه الاموال ولمصلحة من ,,
    الرسول عليه الصلاة والسلام يقول ,, كل جسم ينبت من حرام فالنار أولي به ,, ولا تحسبن الله غافلا عما يعمل الظالمين ..

  9. سودانى :

    رد على الجمصى ماذا تعرف عن قرية الرميتاب التى ذكرتها فى تعليقك …!

  10. الحقيقة :

    الكنز الحقيقي في السودان هو الانتاج الزراعي والحيواني ودول الخليج تستورد الخضروات واللحوم والفواكه من دول أمريكيا اللاتينية ونحن نحتاج الى نهضة زراعية وحيوانية وبتقنيات عالية بدلا من العمل التقليدي القديم والحمد لله لدينا بحوث زراعية وحيوانية وللأسف لا يجد لها طريق للتطبيق ولكن المسئولون لا يخططون لمصلحة البلاد بل لجيوبهم وأصهارهم ، أما الذهب الحقيقي فهو موجود في جبال وباطن أرض (أرض الحجر) جنوب وادي حلفا بحوالي 90 كيلو متر وفي هذه المناطق تم انشاء مناجم الذهب أبان الحكم الانجليزي ولكن للأسف غمرتها مياه السد العالي بما فيها أعظم آثار النوبة …

  11. adel :

    هذا يذكرني بقصة مرت علينا في المرحلة الابتدائية عند جمع أب ابنائه عند مماته وقال انه ترك لهم كنز في ارضه ولم يحدد المكان وبعد موته قام الاولاد بحفر كل شيء ولم يجدوا شيئا وعندما شاهدوا الارض امامهم وهي محفورة قالوا لماذا لا نقوم بزراعة الأرض بعد ما بذلنا هذا المجهود وفعلا قاموا بزراعتها وكان الانتاج وفيرا واصبحوا من الاثرياء وعندئذ عرفوا حكمة ابيهم.
    واعتقد ان الجماعة سيقوموا بزراعة الارض بعد انتهاء الحفر وعندئذ يعرفون حكمة الحكومة.

  12. abubakr :

    سيد الرايحة يفتش خشم البقرة!

  13. بت بيت المال :

    أستاذنا بشرى الفاضل..طيب قولك شنو فى الحصل لى أنا وزملائى العاملين بسجن النساء بأم درمان…تم تفريغ السجن من النزيلات وتم توزيعنا نحن الضباط من النساء والمشرفات على السجن..السبب وحسب ادارة السجن لاعادة تأهيله وتنظيمه..نحن الغشيمات قلنا الحمد ليك يارب..أخيرا ادارة السجون سمعت لينا بعد ماصوتنا بح من الحالة السيئة للسجن..نفذنا النقل بكل أريحية..وكل يوم شايفين الكراكات داخلة ومارقة…الحمد لله أخيرا ح نلقى مرحاض نظيف…بعد كم يوم قرينا فى الجريدة..قال ايه اجتماع بين معتمد أمدرمان وادارة السجن عشان يستمعوا لتنوير ..قلنا ومالو..نسمع تنوير أمين حسن عمر..ولو انو ح نطلع منو مافاهمين زى مادخلنا..التنوير ماكان أمين أو بدرالدين أو عبدالعاطى..لا..التنوير من الفكى (بلة)!!!…وعرفنا من الجرايد انو المعتمد جاب (بلة) عشان يعمل تنوير عن الكنوزوأطنان الدهب المدفونة تحت سجن النساء بأم درمان..وهو ذهب مصقول ومختوم ومكتوب سنة تصنيعه حسب كلام حاج بلة..وقال انو مدفون من زمن كررى!!! عرفنا انو بلة ده ذاتو هو القال لمعتمد حلفا حكاية الدهب اللى تحت بيتو..الانت كاتب عنها..يقال لأنو الحكومة عندها نقص فى العملات الصعبة بعد ذهاب عائدات البترول وعائدات رسوم نقل بترول الجنوب فكرت فى بلة…فيحلها الحلة بلة..وياناس الدهب فى أبوحمد وكردفان ودارفور وحدود ليبيا والنيل الأبيض تعالوا راجعين أم درمان والجماعة جهزوا محل الأكل والنوم فى ميدان الخليفة والمواصلات ساهلة والحكومة الحتحفر..لازيبق أحمر ولا أصفر لأنو بلة قال الدهب مختوم وصافى وجاهز للتصدير…الاشاعة الجديدة انو فى دهب تحت سجن كوبر وتحت مسجد النيلين..موضوع سجن كوبر بتحلة..لكن وزير المعادن منتظر ناس فقه الضرورة فى الرابطة الشرعية عشان يحلو ليه هدم مسجد النيلين…ياخ ديل أكلو مال النبى ح تغلبهم فتوى زى دى..سؤال لغازى سليمان:- نحن الشغالات فى السجن عندنا نصيب فى الدهب ده ولا لأ..أوعة تقول لينا (الترابة كالت خشمكم)!!! ياناس الراكوبة لو سمحتو..هو الزول الفى الصورة ده ياهو (بلة) البتكلمو عنو؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!??!!!!!!!!!!!!

  14. فاروق بشير :

    الافلاس والعجز بلغ منتهاه.

  15. سعد البركلي :

    رايكم شنو يا سلفيين ويا انصار سنه ويا علماء السلطان
    حكومتكم صارت مصدقه الخرافات
    كنز ما اداك ما كنز
    الفكي بله … رايكم فيه شنو
    تقدروا تقولوا للسلطان دي بدعه وخرافه
    ليه ما قلتوا للسلطان دي بدعه وخرافه و وو
    ولا عشان دي ولي نعمتكم
    الفكي بله سوف يحل ليكم الضائقه الاقتصاديه … بله يا بله … الزاد الطين بله
    وسوف تستمروا في العيشه في نعيم ورفاهيه ذي ما اكلتوا اموال البترول وعمتوها قصور
    انتظروا بله انا معكم منتظرون

  16. sahi :

    دا ايه التخلف دا؟ طيب ماكان بله دا يقول ليهو كن فيكون يعني يقول للكنز اطلع فيأتيه صاغرا بدل الحفر والتراب والكتاحه دي

  17. shambo :

    رد على بت بيت المال، ومالو لو أكلوا مال النبي، مش حبيبهم.

  18. سمبر :

    ايها المغترب – او سمبر كما توصف لدى سماسرة الاراضى – لاتشترى الارض الا والمنز معه

  19. مساليت :

    ابو العفين على وشك الهروب الى ماليزيا

  20. بومدين :

    حينما ينداح ويتفشي الجهـل والتخلف .. وتباع الأوهـام فـي سـوق الله اكبر .. ويسيطـر عـلي مسـرح الحـدث ، والمشهـد بصـورة عـامة ، أساطين الأفـك والدجـل والشعـوذة ، وعـتاة دهـاقنة النصـب والإحـتيال !! .. عـجبوني ولاد الكـيزان .. لـبسـو البدل والقمصـان .. ركـبو الهمـر والتوسـان .. سـرقو الـبلـد مـن زمـان .. مـن نيالا لـي قيسـان !!!!.

  21. سويكت بن راضى :

    هذا زمانك يا مهازل فأمرحى ,و والله فعلا إن شر البليه مايضحك !!والله المستعان!

  22. لقمان الحكيم :

    تعتزم شركة شخارم بخارم لاستخراج واكتشاف البترول والكنوز في اي مكان المحميه والغير محميه من الجن وغيرهم عن اعتزامها التعاون مع الحكومه في استخراج الكنوز وفك السحر والمربوط وجلب الغائب الخ

  23. ابوالجعران :

    في غابر الزمان يحكي ان رجل حكيم قد اوصي ابنه بحفر الحقل جوار منزلهم لان به كنز ثميييين واان يفعل ذلك اذا ما ضاقت به الحاجه والعوز والفقر وقد كان فاخذ الابن بحفر الحقل شبرا شبرا ولم يجد شئ لا كنز ولا ذهب حتي اتي عليه موسم الامطار وقد هيئت الارض من كثره الحفر للزراعه فما كان من الابن الا بعد ان اعياه الجهد ان قام بزراعه الارض ونتيجه للحفر العميق اتت الارض اكلها اضعاف مضاعفه من الثمار فباعها الابن واكتشف حكمه ابيه من زعمه لوجود الكنز وعلم ان الكنز ما هو الا زراعه الارض بحرفيه ولكن في عهد التقاوي الفاسده والمبيدات المنتهيه الصلاحيه وحاصدات البنك الزراعي الغير صالحه ولف حبيب احمد مختوم وبراءه المتعافي وعدم مسؤليته عن اي اخفاق في وزارته وكثره الجبايات والاتاوات والرسوم علي المزارعين وضيق ذات يدهم وغلا المحروقات لا اري الا ما يري الحالمون بكنز حلفاء لفك الضايقه التي بها الوطن الذي مزقته الحروب والتفرقه والمحسوبيه والفساد المحمي لا اري الا ظلمات بعضها فوق بعض في باطن الارض وفي فضاءها ظلمات توالدت من الظلم والفساد الذي ضرب مواضع العفه الجهاز القضائي وشهداء الزور ومراكذ الشرطه والقتل والسحل وهيئه الحج والعمره وديوان الذكاه وهيئه الاوقاف عندما يضرب الفساد مواضع العفه علي الارض السلام

  24. الجمبقلى :

    هاههههههههههههههههههههها.جغجغجغجغجغ.شخشخشخشخشخشخ شخشخون ،علينا جاى ،معانا اقوى جنى
    فى الشرق الأوسط وأفريقيا ،الفازوز يعرف كل كنوز الأرض منذ عهد نبى الله سليمان ،نتعامل مع
    الجميع ،حكومات ،معارضه ،شركات ،أفراد خاصة ناس المؤتمر الوطنى ،تخفيض خاص لوزير الماليه
    السودانى ومحافظ بنك السودان ،هذا العرض لا يشمل دولة جنوب السودان ،

  25. سمبر :

    اين الايمان بالله الواحد الاحد عالم الغيب والشهاده

التعليقات مغلقة.