أخبار السودان لحظة بلحظة من الراكوبة، مقالات سياسية وثقافية

تكريم سائق تاكسي سوداني حاول إنقاذ سعودي بالخرطوم

قررت سفارة خادم الحرمين الشريفين في السودان تكريم سائق سوداني تعبيراً عن امتنانها لموقفه تجاه مواطن سعودي تعرض لوعكة صحية عقب وصوله الخرطوم الأربعاء الماضي.
وأوضح القائم بأعمال سفارة خادم الحرمين الشريفين لدى السودان بالإنابة سليمان بن علي البدير أن المواطن السعودي توفي فجر أمس من جراء الوعكة ويدعى أحمد بن مسفر الزهراني وكان في زيارة سياحية الى السودان وأثناء استقلاله لعربة تاكسي لأحد الفنادق بالخرطوم تعرض لوعكة صحية مفاجئة نقله صاحب التاكسي لأحد مستشفيات الخرطوم في حالة حرجة ما استدعى تنويمه.
وأشار الى ان السائق قام بالاتصال بالسفارة وأطلعهم على حالة الزهراني وسلمهم وثائقه الثبوتية ومبلغ 9500 ريال سعودي وهاتفاً وساعة كانت بمعيته، مؤكداً انه أصر على ملازمة المريض على الرغم من وجود مندوب من السفارة إلى أن فارق الحياة وظل مرابطا مع أسرة السفارة حتى إتمام عملية تسليم الجثمان.
واعتبر البدير ما قام به المواطن السوداني عملاً إنسانياً نبيلاً يعبر عن معدن أهل السودان، مبينا أنه أجرى اتصالا هاتفيا به وشكره على ما قام به من جهد ومتابعة محاولة لإنقاذ حياة الزهراني, ودعاه لزيارة السفارة غداً لتكريمه.
.saudinow

بدون تعليقات
  1. الجمصـــي :

    يا حاج اذا ربنا أداك حاجة لعيالك من السفارة ما تكلم زول
    حكومتنا دي بقت مجنونة تقوم تكابسك فيها زي ما الحصل شئ
    و الله بكرة يملوك دمغات لمن تقول بس

  2. فارماس :

    يستاهل التكريم ….
    غايتو بتمرق ليك بي ارنب كويسة وتبدل التاكسي بهايس ابو سفة

  3. halfanco :

    احنا والله ما محتاجين لتكريم العرب الوهم ديل
    واحنا حتى لو كان يهودى كنا بننغذو
    ودى انسانية الانسان السودانى

  4. مصعب :

    عادي جدا اي زول بيعمل كده معناها السفير ح يتعب من كترة التكريم خاصه الزهارين .لانهم اكثر قبائل السعوديه كرم وشهامه .

  5. صلاح فضل السيد حامد :

    هذا هو سائق التاكسي الذي نعرفه وأكيد هذا السائق ليه زمن بيمتهن هذه المهنة وكنت أتمنى من إدارة التاكسي تكريمه مش السفارة وربنا يزيد من أمثالك ويطعم أبنائك الرزق الحلال

  6. زول مسكين :

    والله يا جماعة سلوك الراجل ده كان بكون سلوك عادي جدا وما حاجة تستحق الاحتفاء لو الزمن زين ,
    لكن نسوي شنو كان المروءة والواجب بقو حاجة تستحق الهيصة والزمبريطة دي كووووولها
    بالجد علي الدنيا السلااااااااااان

  7. سوداني :

    دي الحكوماوات ولا بلاش

  8. ود ضبعة. :

    والله لو سوداني حر بالجد ما بتشيل منهم ولاااااااااااتعريفة لأنه دي اخلاقنا اصلأ ..وهم ما اكتر مننا في الشهامة..

  9. عباس :

    ربنا يرحم المواطن السعودي ويغفر له ويجعل ما قام به سائق التاكسي في ميزان حسناته
    والله الواحد في ظروف زي دي ويعمل حاجات زي دي مفترض يدوه ولاية الخرطوم عديل
    الفرصة دي لو لقاها واحد صغيروني من جماعتنا الماسكين الشغلانة كان ضربها وخلى السعودي في الشارع
    الحمد لله انو الدنيا لسه فيها خير
    لو ناس السفارة خيروك يا سواق التاكسي … قول ليهم عاوز اقامة حرة … او تاشيرة عمرة رمضان وربنا يجازيك على صنيعك

  10. موسى عبد العزيز :

    يا حاج ، يكفيك موقفك النبيل والإنساني ، وانت غني عن كل حطام الدنيا
    طمنتنا انو الدنيا لسة بخير
    وانو في السودان في حاجة اسمها شهامة

  11. محمد الشامى :

    ليس بغريب عت الشعب السودانى فهو مشهور بهذه الكرامه وهو خارج الوطن

  12. الطائف :

    الحمد لله الذي جعل في كثيييييير من اهل السودان الرحمه

  13. abdallah A. :

    دسها من الحكومة عشان ما ياخدو منك ضريبه

  14. علي :

    الحمد لله ما وقع في يد واحد من ناس الحكومة كان عملوا تشليح حتى الكفن كان شالو منه

  15. أبو أمنية :

    سوداني أصيل قام بالواجب وأكثر في زمن قلت فيه المرؤة والشهامة

  16. ودبحري :

    الفينا مشهوده
    دي عاداتنا واخلاقنا رغم الحاله الماديه الصعبه والظروف السيئه

  17. ابو مرافىء :

    ديل اهلى يديك ..الف عافية ويبارك فى اهلك يا اصيل …

التعليقات مغلقة.