أخبار السودان لحظة بلحظة

إبعاد محمد حاتم سليمان نائب رئيس المؤتمر الوطني بالعاصمة

6

بالتزامن مع الإعلان عن حكومة ولاية الخرطوم، يوم الثلاثاء، جرى في هدوء تام إبعاد رجل الحزب الحاكم القوي، محمد حاتم سليمان من منصبه نائباً لرئيس حزب المؤتمر الوطني بالعاصمة.

وينص دستور الحزب الحاكم على أن يشغل الوالي -تلقائياً- منصب رئيس الحزب في الولاية.

ووصف الكاتب الصحفي، عبد الماجد عبد الحميد، في لقاء مع قناة “سودانية 24” إبعاد سليمان بأنه أحد أكبر المفاجات السياسية التي صاحبت الإعلان الحكومي.

ويسيطر حزب المؤتمر الوطني على غالبية الحصص الحكومية استناداً على انتخابات 2015 التي قاطعتها قوى معارضة رئيسية.

وأعلن والي الخرطوم الفريق أول شرطة هاشم عثمان الحسين، عن حكومة جديدة مكونة من تسعة وزراء وسبعة معتمدين.

وسبق وأن أعتذر سليمان -الذي يقال إنه صاحب نفوذ كبير في الحزب وداخل صفوف الحركة الإسلامية- عن قبول التكليف بتولي حقيبة ولائية، مفضلاً البقاء في منصبه في الخرطوم.

وفي وقتٍ سابق، برأت المحكمة العليا، سليمان من تهم بارتكاب تجاوزت إبان رئاسته للتلفزيون.

6 تعليقات
  1. أبو أبرار :

    بكرة بشة يعينو في منصب يقضي فيه علي الاخضر واليابس مبروك المنصب الجديد يا حتومة

  2. البخاري :

    محمد حاتم باكياً على منصبه المفقود:

    حجبوه من عينى

    وضاروه حاسدنى

    بقو بينه ما بينى

    لا أدرى ما ذنبي

    منعوه من حبي

    وبعدوه من قربي

    وابو لا يبارحوه

    حجبوه من عينى

    إلا من قلبي لا

    ما قدروا حجبوه

    وشر البلية ما يضحك.

  3. والله المستعان :

    الاسلاميين ديل زي نابت الضريسة .. ما يتفكوا من رقبة الحكومة دي

    ديل الله لو رشوهم بي مبيد ما يفوتوا الحكومة وعن طريقة الدهنسة والتخفي والتلوي تاني بجو راجعين ..
    الترابي طردوه بالباب … بقى يتلولو ويتحرق مرة مع المعارضة ومرة مع الحكومة وقام عمل حوار الطرشان عشان يورط الحكومة ويجي داخل بالشباك ولكن المنية عاجلته فقط على طموحات الظالمين
    لم يبقى من الظالمين التمكينيين تجار الدين الا الزبير وجماعته وديل اخطر ناس

    طبع دل طعبعا شغالين مع عمر البشير زي توم اند جيري

    البشير ما عايزهم لكن خايف منهم يقلبوا نهار السودان الى ليل اسود .. والمعروف ان الدولة المجاورة كلها ادخلها الاسلاميين في ليل اسود حالك الظلام

    واول واحد يسلموه للجنائية لتفعل به ما تريد .
    .
    يقال والعهدة على الاسافير ان لديه منزل في الطائف مستأجر لسفارة دولة خليجية بتسعة الف دولار ان كان في السنة او الشهر ما بعرفه.

    لكن قالوا الوالي الجديد جنو وجن الكيزان .. شغلوا نضيف جداً عايز ناس شغل وليس ناس لولوة
    لو كان الكلام ده صح .. نسأل الله سبحانه وتعالى العلي القدير ان يعنيه ويسدد خطاه .. ويهلك الظالمين

  4. جنرال زمان :

    كلهم حرامية

  5. koj :

    حسبنا الله و نعم الوكيل
    ذرية بعضها من بعض
    سيسد مكانه واحد أجعص منه و يبتلى أهل به في مكان آخر و حسبنا الله و نعم الوكيل
    اللهم أحسن خلاصنا بأحسن حال

  6. الفنجري :

    قوي في شنو؟
    دا واحد حرامي .
    طالما اعتقد انه اكبر من الحزب ….
    بالطبع هو ليس اكبر من نافع وعلي عثمان او حتى عبد الغفّار الشريف.
    . عهد النفوذ في المؤتمر الوطني قد ولى وللأبد.
    البقاءوالقوة والنفوذ لزول واحد فقط .

اترك رد

لن يتم نشر عنوان بريدك الإلكتروني.

شكراً لك على التعليق...