أخبار السودان لحظة بلحظة

نموذج لـ"كسير التلج".. خروف يطيح بمسوؤل رفيع في الخرطوم

14

عملت (الراكوبة) أن إقالة مجدي عبد العزيز من منصب معتمد ام درمان، سببها "خروف" قام بتقديمه إلى والي ولاية الخرطوم الجديد الفريق أول هاشم عثمان الحسين، عقب تعيينه والياً.

وقالت المصادر إن معتمد أم درمان مجدي عبد العزيز قام - بمجرد علمه - بتعيين الفريق هاشم والياً للخرطوم بشراء خروف وذهب به إلى منزله وقدمه له كهدية.

وقالت المصادر إن هاشم امتعض بشدة ورفض قبول الخروف، وأمر بإرجاعه إلى مجدي، وبناء على ذلك قرر إقالته، حيث غاب اسم مجدي المقرب من البشير في حكومة ولاية الخرطوم الجديدة.

وكان مجدي مسؤولاً عن المراسم في القصر الجمهوري قبل تعيينه معتمداً لأم درمان.

14 تعليقات
  1. T . A. M :

    ادارة المراسم دى ما اتعلم منها البروتوكولات فى التعامل مع القيادات !؟

  2. دلاي لاما :

    ثلة من المعرَسين ثلة بعضها من بعض. مسكين الخروف

  3. فاتمون :

    الخبر ده ذاته كسير تلج

  4. ابواللمين :

    خروف بس داير تبقي معتمد تاني _ هههههههه _ اسأل المعتمدين اقرانك يعملوا شنو

  5. قرفان :

    يلا يا والي…… أهو انت على كده أخذت صك براءة وقناع زهد وشهادة شرف وطبعاً كلها مزيفة، فابدأ في اللهطي والسرقة والفساد، فقد صرفت عنك الأنظار. أقول هذا لأني – ولست وحدي في ذلك – أجزم أنه لا يوجد شريف واحد في أوساطكم أو بين ظهرانيكم لعنكم الله

  6. Hizaifa :

    الخبر ده مجرد تخمينات لأنه الوالي نفسه لا يملك حق التعيين. كل التعيينات دي بتجيه جاهزة هو يعلنها بس .

  7. جركان فاضى :

    البطل ما بموت…..بكرة بطلع بطل فى فيلم جديد

  8. مجدي الخروف :

    مجدي عبد العزيز
    مجدي الخروف

  9. Magid Mohamed :

    🤞 ومحمد حاتم نائب الوالي قدم له ثور ، وعادل محمد عثمان وزير المالية ارسل بوكس دبل قبينة للمدام ، واللواء حسن معتمد بحري ارسل جمل ، والصادق معتمد كرري ارسل ٢ سعانين ..
    وباقي المعفيين ما عارف بصراحة …
    •• طيب يا فراطيق – لما هو مقرب من الرئيس خروف شنو البكسر بيهو تلج للوالي

  10. Magid Mohamed :

    🤞 ومحمد حاتم نائب الوالي قدم له ثور ، وعادل محمد عثمان وزير المالية ارسل بوكس دبل قبينة للمدام ، واللواء حسن معتمد بحري ارسل جمل ، والصادق معتمد كرري ارسل ٢ سعانين ..
    وباقي المعفيين ما عارف بصراحة …
    •• طيب يا فراطيق – لما هو مقرب من الرئيس خروف شنو البكسر بيهو تلج للوالي .. وهم الاتنين كانوا مقربين من البشير

  11. فاروق حسن على :

    الشهادة لله , اخـبرنى احـد المعارضين للنظام بأن الوالى الجـديد عـفـيـف الـيـد ولا يـتعـاطى الحـرام بكل انواعـه واشكاله .

  12. اللهم احصهم عددا وبددهم بددا :

    خلي بشيله بره التشكيلة، في والي برشوهوا بخروف؟

  13. فجراوى :

    الناس ديل مابرضوا بالقليل ، لو كان تور تورين كان اموروا مشت

  14. القطط السمان :

    الراجل ما عنده مانع لكن شعر بقلة قيمته امام هذا اللص الذي يملك المليارات ويرسل له عمبلوك
    ارسل مجوهرات غالية للمدام
    او قطعة ارض للاولاد
    عمبلوك
    ياراجل اختشي على دمك

رد