مافي حكومة !!
04-18-2013 10:27 AM

،، صدقوني مافي دوله ،،
والله مافي حكوووووووووووووووووومه ،،
،،
أزمة غاز ،،
أزمة مويه ،،
أزمة جازولين ،،
أزمة دقيق ،،
أزمة ثقه ،،
اعتقالات بالجمله والقطاعي ،،
وحديث فارغ عن الحوار وما الي ذلك ،،
اتفاقيه (عرجاء وعوراء) في الدوحة ،،
عطش في مشروع الجزيره ،،
توقف كل وسائل الإنتاج المحليه ،،
حرب مدوره في 10 ولايات من اصل 17 ولايه ،،
فشل لجنة الحكومة في إقناع المحس بسد كجبار ،،
بلد وانقسمت النص عديييييييييييل كده ،،
وتلاته مناطق مهدده بالانفصال ،،
قيم وراحت ،،
أخلاق واتدمرت ،،
اغتصاب أطفال مدوووووووور ،،
النقرز سواطيرم تتطاقش عينك عييييينك ،،
حلايب كانت محتله غصب واسي اهدوها لمرسي ،،
ناس الهايسات والكريزات براهم وبي مزاجم بقو التذكره ب3 جنيه ،،
عشان تركب مواصلات او حتي لو عايز تأجر افمجاد تقيف لما كرعينك يخدرو ،،
معدات حوادث مستشفي بحري البنك حجزا ،،
مستشفي جعفر ابن عوف اتكسر ،،
سعر علبة الاموكلان يحصل 90 جنيه ،،
سعر البنقو وشريحة التلفون ارخص من طلب الفول ،،
كل مقدرات الشعب تتباع جملة وقطاعي ،،
عدد الشباب المهاجرين يتزايد بعجلة تزايدية مخيفه ،،
جامعة الخرطوم تنحدر من رقم 3 في العالم الي فوق ال5000 عالميا ،،
،،
اسي بالله دي حال بلد فيها حكومه ؟؟
،،
طيب ياشعب ياسوداني هوووووووووووي شنو الفضل عشان الناس تزاكر و تمتحن ؟؟؟؟؟!!!
[email protected]






تعليقات 8 | إهداء 0 | زيارات 1897

خدمات المحتوى


التعليقات
#641846 [التجاني مصطفي]
0.00/5 (0 صوت)

04-19-2013 06:06 AM
انا لاانعي هذا النظام البائس .. فهو ميت سريرياَ .. ولكن انعي الشعب السوداني .. يأخوانا الفاتحة علي روح الشعب السوداني .. وربنا يحسن إليه ويغفر له


#641617 [شباب التعبير من أجل التغيير]
1.00/5 (1 صوت)

04-18-2013 05:39 PM
أزمة قلق حتى الفلق
وأزمة ضمير حتى المشير
وأزمة زمان حتى المكان
وأزمة شقاق حتى النفاق
وأزمة مصير حتى النصير


#641505 [أبوعلي]
5.00/5 (1 صوت)

04-18-2013 02:54 PM
الكــاتب: طيب ياشعب ياسوداني هوووووووووووي شنو الفضل عشان الناس تزاكر و تمتحن ؟؟

أنا معاك ! مافي شي فضّل
بس أنا أسأل : شنو المكسب؟
وأجيب:
اقتناع المواطن بأن لا صلة للأخوان المسلمين بالدّين
انتهت (حدوثة ) تجريم من يخالفهم بسلاح التكفير والتضليل
في غباء: أنتحر وانكشف مئات الألوف من الكيزان والمنافقين والمنتفعين
انتهت الطائفيّة (سبب البلاوي والانتكاسات ) وكفر بها الكلّ
نشأت أجيال من المظلومين لا يعرفون ( إماما) أو(سيدا) يدخلهم الجنّة ويمنحهم البركة
تغيّرت رؤى العامة عن كذب الرأسماليّة واستعبادها للشعوب عبر حكومات الركوع والخنوع
تبدّل الكثير واتولد الجديد ، واستنارت العقول
نعم عشنا عقودا من الذّل والظلم والقهر ، وتفتيت الوطن
لكنّها دروس وعبر لقيادة سفينة سودان الغد في الدرب الصحيح
درب الحريّات والديمقراطيّة والوطنيّة الصادقة
وسيتلاشي تأكيدا: الكيزان والطائفيّة وأحزاب الفكّة وكلّ من سار على درب الفساد والتخريب


ردود على أبوعلي
Russian Federation [أبزهانة] 04-18-2013 10:27 PM
اتفق معك ابو علي في المكسب الذي جناه الشعب ( بس للاسف من بعد خراب مالطا و تفتيت البلد و دمارها اخلاقيآ و اقتصاديآ ) .. و قد سبقك الراحل محمود محمد طه و آمن عليه الراحل نقد .. في مقولة دعوا الكيزان يحكموا البلد كي ينشروا غسيلهم بيدهم ..


#641496 [محمد]
0.00/5 (0 صوت)

04-18-2013 02:47 PM
ما قلت الا الحقيقة لكن شعبنا منوم مخدر من الكذب والتضليل والارهاب، من الجوع ورهق الاجسام والارواح. لك الله يا وطنى.


#641489 [ابو الليل]
0.00/5 (0 صوت)

04-18-2013 02:36 PM
قال صلى الله عليه وسلم في اشراط الساعة(( ... اذا وسد الامر لغير اهله فانتظر الدجال ...)) اهو حاكمننا عصابة همها الاول والاخير تدميرنا والله. اللهم لا تواخذنا بما فعل السفهاء منا يااااااااااااااااااااااااااااااااااااااااااارب


#641461 [مروة التجانى]
4.00/5 (1 صوت)

04-18-2013 02:06 PM
صح لسانك يا بوشى

الأسلوب الكتابى جميل


#641326 [KHALID]
0.00/5 (0 صوت)

04-18-2013 12:04 PM
الكلام الاتقال ده كله مظبوط وفي محله ، بس أنا عندي سؤال ومعذرة لأنه تخريمه وبره الموضوع ، متين كانت جامعة الخرطوم الثالثه أو حتى العاشرة في العالم ؟؟ متين ؟ في أي سنة ؟؟ وما هي الجهة التي أعدت قائمة التصنيف ؟ ليس تقليلاً من شأن هذا الصرح العظيم ولكن من باب التحقيق وعشان الكلام يكون علمي ودقيق وحقيقي.


ردود على KHALID
Russian Federation [ابو الليل] 04-18-2013 02:39 PM
الراجل دا قصدو بالرقم مش المركز نفسه عشان تحقق معاهو ... المعنى المهم انها كانت مقيمة عالميا ...وين اسي مع الشرطة والبنقو الجواها دا ...


#641273 [الغاضبة]
4.72/5 (9 صوت)

04-18-2013 11:15 AM
ما فضلت اي حاجة يا بوشي، لكن الرجال وييييييييييينهم، هسع يجوك المعلقين اياهم يطاقشوا يقول ليك الكتابة ليك شنو .....

الفكرة وصلت يا بوشي وكلامك صح مية .... وكتار المعاك.... والنصر قادم ان شاء الله


محمد حسن بوشي
مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2024 alrakoba.net - All rights reserved

صحيفة الراكوبة