سلاطين الزمن الاغبر 04-24-2013 06:32 AM يااااااا
سلاطين الزمن الاغبر
يااااااساطير الفهم
الودر
الراح مابرجع
غير الحق مااافي
شيتا برجع
وغير لي الله
مابننذل ولي غير الله
يمين ما بنركع
لوغابت شمس العزة
علينا
لي اولادنا حتما تطلع
ويطلع بدرا كامل
يقلب لون اليل
ابيض وانصع
يسطع نورك يا هادينا
برقا يشلع
يشلع راس البيت المبني
مكاجر
فارز نفسه
من خلق الله والناس اجمع
شحدت المولي
ترجع يوما تلقى مشلع
مالا توه دربه
ومن محل ما فات
لازم يرجع
عزا مبني بي حق
الغير قايلو
بينفع
بي حق ابواتنا
وحق الشفع
حق المابعرف
يكتب اسمه
والولدو صغير
لسه بيرضع
من صدره امه
صبرا يشفع
حق المرقوا وخلوا
بيوتهم محل
ماراحوا
طعم الموت
وريحة النار
وصوت المدفع
وشيخ الحلة مرق
حفيان وابو
الجنيات قلبه مقطع
يقطع رزقك
محل ماتقبل
ويوجعك
قلبك زي ما خليت
بلدي موجع
حق الناس
ياكل حقك
ياااكل
ياااااكل
لمن يشبع
وربنا قادر
يعكس الآيه
ويرزق الناس
من باب اوسع
ياهو رجانا
ومابنتذلا
ولغير الله
حلقنا يمين
لي زول ما بنركع
يااااااوطني
.......................لام
سلوى محمد عبدالله
[email protected] |
خدمات المحتوى | سلوى محمد عبدالله مساحة اعلانية الاكثر مشاهدةً/ش الاكثر تفاعلاً |