المقالات
السياسة
دعاء رمضاني على الظلم و الظالمين
دعاء رمضاني على الظلم و الظالمين
07-12-2013 01:57 AM

يا جرحي يا دامي
متين تقوم تبرأ
عشان نحارب الليل
و نضاحك القمرة

و حياة عيون النيل
الأصلو ما هو بخيل
وحياة شموخ توتيل
و نغمة الترتيل ... بهواك يا سمرة

تائه فقدت دليل
باكي و دموعي تسيل
انا شوقي ما هو قليل
انا حبي أصله أصيل
للغابة و الصحرا

طال الزمن بالحيل
متين تهيج يا نيل
ذي عادتك انت قبيل
تركب نواصي الخيل
و عينك دوام حمرا


ما زلنا منتظرين
رقصة أسد في عرين
نطلق سراح الدين
البطعم المسكين
و البرحم الفقرا

يا ربي يا منان
أحفظ بني السودان
أجعل حياتهم أمان
ثم أجعل الكيزان
للمفسدين عبره


زاهر أحمد
[email protected]





تعليقات 0 | إهداء 0 | زيارات 1205

خدمات المحتوى


زاهر أحمد
مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2022 alrakoba.net - All rights reserved

صحيفة الراكوبة