شكيت محنك يا الواتساب الخطير!
04-13-2015 07:07 PM

image
انتخابات الاصم على الهواء مباشر!

أنا مبتهج على الآخر مع الواتساب منذ الصباح الباكر متابع اخبار وصور مراكز اقتراع السيد الاصم البهيجة . لا اكاد ارفع عيونى من جهازى الحبيب وهو يضحكنى وينورنى . طفت مع شباب الواتساب مراكز الاصم الانتخابية مركز مركز . ووقفت معهم عند موظفى الانتخابات . النائمين نوم العوافى . ووقفت عند الكراسى الفاضية والكراسى الفاضية. كنت متصور اجد بعضا من جماهير حزب غردون باشا البالغ تعدادها اكثر من عشرة ملايين عضو . ما لقيت غير المراكز الفاضية وموظفى الانتخابات النائمين . لقيت شوية نسوان ظاهر عليهن انهن لا فى عير السياسة او فى نفيرها لكن تكفيهن شوية كشكشة . مبروك للسيد الاصم مقدما على هذه البداية الموفقة ونقول له تعيش وتأخذ غيرها . الذى اخترع الواتساب ده اجره عند الله ان شاء الله مكين. عشان قطع لسان الكذابين وقلل الكذب بالبيان بالعمل – مراكز فاضية واصم مياخد شلوت فى قدومو. تانى تجى الحلة . اما ابو العفين الذى تباهى بالاقبال الجماهبيرى على صناديق الاختراع فهو معذور الراجل فاقد توازن. خلية مرفودة ونسيب مرفود والحال السياسى واقف مثل حمار الشيخ فى العقبة – تحسبو لعب.

ويا شباب الواتساب واصلو الشوت ضفارى . عاوزين نبتهج ونغنى ونقول حبل الكذب قصير.

علي حمد ابراهيم
[email protected]





تعليقات 5 | إهداء 0 | زيارات 4334

خدمات المحتوى


التعليقات
#1247095 [nice_lunch]
2.60/5 (7 صوت)

04-15-2015 07:31 AM
استخدام الواتساب طريقه جيده لفضح النظام....على الجميع تصوير مساوئ الفساد و ارسالها الى الجهات والصحف الشبكيه مثل الراكوبه لكي تكون هناك توثيقات وأدله متنوعه على نتائج الفساد لحظه بلحظه.


#1246252 [مكمل نهضة!!]
2.54/5 (7 صوت)

04-13-2015 11:37 PM
ماعليك صوتك عندنا!!!!!


#1246231 [بت البلد]
2.60/5 (7 صوت)

04-13-2015 10:36 PM
ثم ماذا بعد هذا السقوط الاتوماتيكي ؟؟؟!!!! أقترح على المعارضين وكل الشعب السوداني أن تكون الخطوة التالية العمل على تنظيم الصفوف والانخراط في تشكيل حكومة انتقالية ... ألم يكن سقوط خصمك انتصار لك ؟؟؟ نعم وهو كذلك : اعملوا على ترتيب بيتكم يرحمكم الله ... اليوم نرفع راية استقلالنا ويسطر التاريخ مولد شعبنا ياااا اخوتي غنوا لنا ... غنوا لنا ... اليووووم


#1246147 [Salah Ibrahim]
1.80/5 (11 صوت)

04-13-2015 07:52 PM
يا سلام على الأخبار الجميلة التي تدخل البهجة إلى النفس. شكراً أهلنا في الوطن الجميل على هذه المقاطعة. شكراً أستاذ علي حمد إبراهيم


#1246136 [قصي]
2.57/5 (10 صوت)

04-13-2015 07:18 PM
صدر قرار ملكي كل موظف في مركز الانتخابات ان يصوت عن 5000 مواطن سوداني يعني الليل كلوا خج


ردود على قصي
United States [السفير] 04-15-2015 05:40 PM
يا قصى تعليقك حلو...يعنى نجمة نجمة الليل نخجو هههههه


علي حمد ابراهيم
علي حمد ابراهيم

مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2022 alrakoba.net - All rights reserved

صحيفة الراكوبة