|
من غشّنا ..!!
02-02-2018 02:39 PM
بلا أقنعة
من غشّنا..
رَسولنا قال والقول صَحيح..
ما مِنّنا..
كاذِب يُجمِّل في القَبيح..
بالباطل المال يستبيح..
بي مُوية الدهب النفيس..
يطلي الصفيح..
باعنا الوهم همو الغِنى ..
كيفن يكُون زولاً سَوي..؟
كيفن يكون زول مِنّنا..؟
طفّف موازين المتاع..
ما أوفى للكيل عِند المباع..
رَبِح الدُنى..للأخرة باع..
خسارة (للويل) قد دنا..
خالف مواثيق ربنا..
من غشّنا..
كيفن يكون زول مِنّنا ..؟
وقّع مواثيق الشرف والانصياع..
حقّق شُروط الإتباع..
تابع إبليس اللعين وضميرو باع..
بالباطِل المال استباح..
يكذِب يغُش يجنيها أرباح
زوّر تواريخ الصلاح..
خالف معايير القياس..
ما زال يعاير بالرطُل..
بدل المِتر شغال ضُراع..
يحلف كذِب بي ربنا..
باطل بياكُل حقنا..
ورسولنا قال من غشّنا..
ما منّنا..
الجريدة
|
خدمات المحتوى
|
زاهر بخيت الفكي
مساحة اعلانية
الاكثر مشاهدةً/ش
الاكثر تفاعلاً
|
0 | 
0 | 
843
