المقالات
السياسة
عمرنا راح في الغربة تَبْ
عمرنا راح في الغربة تَبْ
04-14-2018 12:55 PM




اغتربنا واتنشلنا
عمرنا راح في الغربة تَبْ
ما فضَّل لينا شئ
الاغتراب أخد عمرنا وشبابنا
بينا وبين القبر...فَدْ شبر
كنا بنفتكر نزرع ورود
ونسقيها بالشوق والأمل
وبعد سنين طويله
عرفنا الحقيقة... كنا بنزرع الشوك
ونسقيه بموية سراب
تاني ما تقول لي اغتراب
قالوا الجدّاوي في الخرطوم وصل
حيجينا بالاثنين أو يوم الخميس
يجي بزفَّتو وكمان شُنط جلد
لابس ليهو تترون ولافي شال
وكمان شبط والساعة (سيكو فايف)
وقبل ما تسلِّم عليهو
تحس ريحتو ريحة مغترب جدِّ
يا حليل أيام زمان
أيام اللواري
والقبولاب وام الحسن
وتقسيمات السفنجه
في الباجه والصاجات كَرِبْ
ده حاج سابل وداك ابراهيم سعيد
وعثمان صالح قالو فَرْتك بالقُرير
تقول لي مغترب
الاغتراب ما كان زمان
أيام أخويِ وأخوك
وأبوي وأبوك
أيام أنْ كان القرش
يجيب فول وعيش
والخروف ستين قرش
تقول لي ده ما مغترب
وين الاغتراب...
عشانا فول وطعمية
وإنتو بتتعشو (بوش)
وإيه الفرق... بس في التسمية؟
فول وبوش ما هيه هِيَّهَ
نفس الملامح والشبه
وكمان إنتو موية فول زياده
ونحن فولنا معفّص ذي عجين
بزبالتو ووساختو
بفسادو... ولصوصو
أنا شايف.. سودانا أحسن
أصلو الغربة
ضياع زمن وخراب بيوت
[email protected]





تعليقات 5 | إهداء 0 | زيارات 1976

خدمات المحتوى


التعليقات
#1762524 [izz]
0.00/5 (0 صوت)

04-17-2018 11:49 AM
تما الاخ حمدي ... غربة ضياع زمن وخراب بيوت ...
يبقى اتخاذ القرار بالعودة هو اصعب قرار نواجهه ونختبئ خلف مبررات واهية ك تربية الاولاد وننتظر لغاية يكبرو شوية وووو ...

لك التحية..


#1762153 [البخاري]
0.00/5 (0 صوت)

04-16-2018 11:16 AM
في ليالي الغربة بسهر شوقي ما فارق سهادي

لو نيجيمات حظي تضوي والقى في احلامي وادي

تمرو في نخلاتو ناير زي عقيد في السمحة بادي

كان زماني الحاني غنا والحنين للبلادي زادي

يا بلادي يا بلادي يا بلادي ..


#1761844 [ابوالنيز]
0.00/5 (0 صوت)

04-15-2018 03:43 PM
ربنا يطول عمرك يا قريبي وانشاءالله بعدذهاب الوسخ الما يسمى بالكيزان ديل حنرتاح في سودانا الخير


#1761834 [الوليد ابراهيم عبدالقادر]
0.00/5 (0 صوت)

04-15-2018 03:12 PM
تقول لي مغترب
الاغتراب ما كان زمان
أيام أخويِ وأخوك
وأبوي وأبوك
أيام أنْ كان القرش
يجيب فول وعيش
والخروف ستين قرش
تقول لي ده ما مغترب
وين الاغتراب...
عشانا فول وطعمية
وإنتو بتتعشو (بوش)
وإيه الفرق... بس في التسمية؟
فول وبوش ما هيه هِيَّهَ..



بسسس خلاااص..


#1761540 [مريود]
0.00/5 (0 صوت)

04-14-2018 06:28 PM
بعد أيييييه جيت تصاااااالحني.
العيالو معاهو يصم خشمو.
والعنقالي الله يكون ن في عونو.

أوعا تتورط وتعيش بدون أهلك لو كان فيك باقي رقشة.


حمدي حاج هلالي
حمدي حاج هلالي

مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2022 alrakoba.net - All rights reserved

صحيفة الراكوبة