مساعدة حكومة الإنقاذ في قضايا التحول الديمقراطي
ونعود مجدداً لكاتبي المفضل الصحفي العلامة النحرير الملحق الإعلامي الاستاذ النابغة مصطفي البطل ..إليكم هذا الحوار الذي دار بيني وبين الوالد الضرير الفحل
الوالد : ياخوي انت زولك بتاع لندن عمل شنو في موضوع التحول الديمقراطي .
ودالفحل :والله يا ابوي اهو الزول ده شغال يحاول يوصل المؤتمر الوطني بالشيوعي وكده
الوالد : يعني انت يا ولدي شغل التعرصة ده عاوز ليه ماهية بي ٦ ارقام زي ما قال صاحبك
ود الفحل : يا ابوي خلي عندك الفاظ لو سمحت
الفحل : الفاظ شنو وكلام فارغ شنو ..الناس جيعانة وواقفة من صف الرغيف لحدي صف الصلاة وتقول لي الفاظ !!!!!
ود الفحل :الله غالب
الفحل : ٦ ارقام دي يعني شنو في 100.000 وفي 999.000 زولك ده كان بصرف كم في اميركا قبل ما يشتغل شغلة الوساطة دي ؟؟
ود الفحل :علمي علمك يا ابوي ..
الوالد :طيب لو ماك عارف مالك فاقع لينا مرارتنا بي مقالات كاتبك (الل.......) ..
معذرة كلمة بذيئة ما بقدر اكتبها ولكن بمعني مثلي الجنسية
انا :يا ابوي انا ما جبرتك تسمع ..والشعب السوداني ما مجبور يتابع ما يكتبه البطل
ود الفحل :زولك ده بيصرف ماهيته ام ٦ارقام دي من وين ؟
انا :حكومة السودان ..ودافع الضرايب السوداني
ود الفحل :طيب أقفل خشمك ده وامش جيب لينا الغداء
طبعاً الوالد رفع العكاز وانا طوالي اتخارجت ..سمعته يطنطن يقول ..ده لو البطل يشتغل كده ومال الخايب بشتغل كيف ؟؟؟؟؟؟؟؟؟؟
يا عزيزي وسندي وشيخي الديمقراطي مصطفي البطل ..نحن نستظل بظل الحرية والديمقراطية الذي وعدتنا به ..واصل مساعدتك لعصبة الإسلاميين لإخراجنا من هذه اللجة الي رحاب ما وعدتنا به أيها البطل ..لا تلتفت لا للفحل الكبير ولا لمناضلي الاسافير المأجورين ..خسئوا جميعاً عندما قالوا قبل سنين عديدة ان هناك فساد وتجاوز مالي وسياسي واداري كبير علي أعلي اجهزة الدولة ..هذا كذب وافتراء علي قطط في جهاز الدولة هزيلة ..ومن ضعفها تحتاج إليك يا سيدي البطل في مساعدتها ..اعلم انك لا تهتم كثيراً بقضايا الفساد المالي مادام مرتبك السداسي ينزل بحسابك شهرياً..هذه رسالتي إليك ان كنت تهتم بقضايا الفساد السياسي والاداري والا ان يكون كل ذلك باطل حمبريت من اختراع مناضلي الكيبورد
ونحن من مؤسسي الإتحاد لأفريقي في كرة القدم..ونحنا..ونحنا....الخ ....في النهاية طلعنا ولاشئ مجرد شعب جعان وفقير ومريض ،،،والسبب يا الطاهر أنتم إخوان مسلمون على مؤتمر وطني....الخسة والدناءة يا أستاذ الطاهر أن تكتب للشعب بمثل هذه الكتابة الجميلة وقلبك يكون معلق مع الإخوان المسلمون والمؤتمر الوطني....حقيقة انا لا أعرف ما بداخلك لكن الكثيرين يقولون أنك منهم وفيهم لكنك عامل فيها معارض
يا أستاذ الطاهر
نحن الأكرم و الأنبل و الأشجع و الأجمل و منتجاتنا الأحسن و ماؤنا الأعذب و النيل العذب هو الكوثر و الجنة شاطئه الأخضر و كل هذه الأوهام التي ظللنا نرددها جميعا دون استثناء و الوهم الأكبر بأن السودان يصلح لأن يكون سلة غذاء العالم و هناك عشرات الأقطار أكبر منا مساحة صالحة للزراعة و أكثر مياها و أحسن تقنيا بمراحل كثيرة و أقل فسادا و أكثر جدا في إنجاز العمل و اتقانه و ليس بها حكومة إنقاذ مثل التي نتمتع بها نحن لم يدع أي منها هذا الشرف و لنقل هذا الطموح ومثال تلك البلاد روسيا - أمريكا - البرازيل - الأرجنتين - أستراليا - جنوب أفريقيا - الصين إلخ..و لم أسمع من أي مصدر أن أحدها إدعى حكاية سلة غذاء العالم هذه و الآن طلعوا لينا بأننا عندنا أنظف و كمان أجود رمال في الكرة الأرضية... حاجة تفجر الرأس
ألا لعن الله الجهل و الوهم و البلاهة و كلها في بلادنا مكللة و مجللة بالفساد