المقالات
السياسة
راجي العجين يخْمَر (شعر)
راجي العجين يخْمَر (شعر)
08-12-2018 08:36 PM

بسم الله الرحمن الرحيم
راجي العجين يخْمَر (شعر)
(1)
واقف في آخر الصف
راجي العجين يخمر
باكر بترجا دقيق
لو لســه تتصبر
تسمع كلام أوهام
(أزمة ومصيرا تمر)
الأزمة فيك إنت
رضيان طِعيما المر
لا شعرت إنه الذل
والحالة ما بتسر
وكرامتك إتهانت
وسكاتك إنت قهَر
( 2 )
فالح على الفي الصف
لا عرفت وينو الفيل
لا فرزت وينو الضل
يا أيها المسكين
لى متين حتتحمل
يا أيها المغدور
يوماتي تتبهدل
ما قدرت يوم تزعل
حد ما السكات ما يطول
بفتح شهية الغول
والأزمة تستفحل
( 3 )
ما عليكا بي ترشيح
أو خرق لي دستور
خلي العصاية تعوس
وتفصل الدستور
ما عليكا بي أحزاب
رضخت لدكتاتور
لم الجموع تهدر
باري الصدور بتفور
انت العليك الرك
ما تكون سَكوت مكسور
في إيدك انت تكون
سيد مهاب وهصور
أو ترضى بي ها الحال
وتعيش ذليل مقهور
معمر حسن محمد نور
12 /8/2018





تعليقات 2 | إهداء 0 | زيارات 687

خدمات المحتوى


التعليقات
#1801719 [محمدوردي محمد الامين]
5.00/5 (1 صوت)

08-13-2018 08:25 AM
حد ما السكات ما يطول
بفتح شهية الغول
والازمه تستفحل


تصوير فني شعري راقي ، بس الازمه استفحلت لمن (بي غادي )


معمر حسن محمد نور
معمر حسن محمد نور

مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2022 alrakoba.net - All rights reserved

صحيفة الراكوبة