المقالات
السياسة
أم جركو وركاب سرجين (قصيدة)
أم جركو وركاب سرجين (قصيدة)
01-02-2019 04:44 PM




يا ام جركم وركاب سرجين
الخجلة تجيكم بي وين ؟
العار الكلل أبو الوشين
قسماً عظماً يا خاينين
ما بنسمح ترعوا خريفين
أو تبقوا رجال العهدين
أو تركبوا موج الثايرين
وتكونوا كمان القايدين
هانت واللهْ..هانت واللهْ

حاشاه شبابنا يصدقكم
حاشاه في لحظة يقدمكم
أكتافه رخاص للكنداكة
وأشرف من تلمسا إيدينكم
وفدانا دماه ونفديها
لكنها غالية على متِلكم
الداير يبقى الطلقة ف يوم
في التاني ينادي انا جريحكم
الشارع فاير من غيركم
والثورة قطارا اكيد فاتكم
من بدري شبابنا يصوركم
والشعب بوعيه يعريكم
وحالف يجي يوم ويحاسبكم
على كل ضحية يحاكمكم
وحياتنا قصاص من أفعالكم
تنهد سمانا ولا نخت الإيد فوق إيدينكم
تنسلخ النملة إذا في يوم عاهدناكم
هي جملة وحيدة تناسبكم
أن تسقط بس..وعرض أكتافكم
بس تسقط بس ..وعرض أكتافكم
وحتسقط بس..وعرض اكتافكم

[email protected]





تعليقات 0 | إهداء 0 | زيارات 418

خدمات المحتوى


معمر حسن محمد نور
معمر حسن محمد نور

مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2024 alrakoba.net - All rights reserved

صحيفة الراكوبة