قصيدة ثورية جديدة - هتافية ابروفنا يا ابروف ياقلعة ثورية

المقالات

السياسة

02-17-2019 10:23 PM

ابروفنا يا ابروف ياقلعة ثورية
مرقت بدون ملتوف سلمية سلمية
مرقت وزح الخوف ضد الحرامية
في شارع الترماج ثورتنا محمية
لا صوت ولاكرباج من ايدو ملوية
في الهجرة نلبس تاج حرية حرية
ابروف بحرنا امواج يبلع رصاص مية
في دلوق نسوي القوق غنياتنا ثورية
عاليات سمانا الفوق زغرودة دغرية
وعتيق يسوي شعر وحقيبة فنية
ثورتنا دار فلاح والغنية شعبية
والراب وناس ابروف القالو لا لا لا
مابقبلو الدية
خالد ابوالروس ماشفت منو دروس
ياحاقد النية
جنك خراب سوبا والدولة منهوبة
إرهاب ودموية*
والبندر المحروق بنارك الفي السوق مافيشا نقدية
كل الإبادة تفوق* في الهامش المسحوق بعد الجماعية
تعذيب كمان خاذوق ياحاقد النية
لاهاي قصادك بس الليلة ماتندس
تسقط وتسقط بس
تمشي الجنائية
جوك الغبش بالصر الماها مكرية
زاحفين عليك في القصر ح يكملو الجية
هسه بلوح النصر وإنت بتفك جرية*
تسقط وتسقط بس
تمشي الجنائية
ابروفنا يا ابروف ياقلعة ثورية
مرقت بدون ملتوف سلمية سلمية*

# تسقط بس
# ثورة المدن السودانية

ابادماك سوداني
[email protected]