المقالات
السياسة
أمتار قصاد دم ساح (شعر)
أمتار قصاد دم ساح (شعر)
02-18-2019 04:55 AM

بسم الله الرحمن الرحيم
أمتار قصاد دم ساح (شعر)
كان الهتاف داوي
صوت الرعود ملحاح
دم الشهيد بي كم ؟
يا أيها السفاح
كان السؤال مشروع
كان الحديث الصاح
من أمة موجوعة
تبكي ف جناها الراح
غدراً فقد روحو
كان غالي دمه الساح
كان دخري حوبتنا
شيال تقيلتنا
كان ضي مدينتنا
**************
ما كان سؤال في السوق
بس كان بدور طايوق
لكن عديم الحس
ونظام عديم الدين
لكن عديم الزوق
قاتلنا بالخازوق
حاسبنا قطعان نوق
والدم بضاعة ف سوق
بي مال وطن مسروق
***********
أمتار قصاد الدم؟
وا رخسة الأنسان
يا خجلة الشيطان
وا نكسة الأوطان
في ظل نظام فلسان
لا ذمة لا أخلاق
لا دين ولا أيمان
***********
يوم الحساب قرب
باكر حتسقط بس
دم الشهيد أقدس
وأكيد حتسقط بس
دم الشهيد أطهر
وانت الحتسقط بس

معمر حسن محمد نور
15/ فبراير2019
[email protected]





تعليقات 0 | إهداء 0 | زيارات 293

خدمات المحتوى


معمر حسن محمد نور
معمر حسن محمد نور

مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2022 alrakoba.net - All rights reserved

صحيفة الراكوبة