كلنا أحمد
02-20-2019 02:13 PM

مهداة إلى روح الشهيد الأستاذ أحمد الخير عوض الكريم

يا أستاذ في خشم القربة
مين بتخيل يوم في الدنيا
واحد يقتل من علمنا
من ربانا ومن هذبنا
من خلانا نقرأ ونفهم
معنى الدنيا ومعنى الدين
نعرف حق الوطن الواسع
ونحفظ حق الجار السابع
ونعيش طيبين
ويا أستاذ شكرا ليك
علمتنا كيف نعيش الدين
بإخلاص ونكون صادقين
و نعاشر الناس بإحساس
نحب الناس كل الناس
-1-
من غير تميز بين الأجناس
***** *****
يا سكان القربة القالوا كلنا أحمد
يا ثوار الوطن الحدد
دم الشهداء فجره الأمجد
أحمد كان الطيبة الفينا
الديمه وريفه وشايلة ثمار
وأحمد كان النبض العاصي الما بتهدد
و أحمد راكز ما بنهار
و أحمد كان لمسارنا مسار
ولهب الثورة البقت نار
حرقت وحه الخان أمجادنا
و خان الأمة وخان الدار
وأحمد فات لربه شهيد
وكان في موته حزن شديد
عمَّ الناس في كل مكان
ونزل قيمة كلْ إنسان
-2-
عرف الرحمة والإحسان
وأحمد عاش في حياته رشيد
وكان بالحيل إشراقه عيد
وأحمد فات لربه سعيد
مات إتوهج جوه الطين
لكنه إتوسد قلب الناس
ويا أم احمد ولدك ثار
ضد الظلمة و الفجار
ولدك عايش بين الناس
بين الدمعة والأنفاس
وكان أستاذ بالجد حساس
راقي ود ناس

محمد عثمان الزبير
[email protected]
13/2/2019م







تعليقات 0 | إهداء 0 | زيارات 426

خدمات المحتوى


محمد عثمان الزبير
محمد عثمان الزبير

مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2024 alrakoba.net - All rights reserved

صحيفة الراكوبة