المقالات
السياسة
قصيدة " عنفوان "
قصيدة " عنفوان "
03-04-2019 01:18 PM

انشر عساكرك في المدى
قصقص جناحات الصباح
و املا البيوت وحشة ووجع
باكر بعود القلنا راح
.........
ما بنبكي نحنا على بلد
زى خيمة قالعاها الرياح
بلدن بموت فيهو الفرح
و اخضر في ربوعو النواح
بلدن صبح مشلول ضهر
مقدود عيون مكسور جناح
بلدن بيحترف الوجع
و رئيسو بحترف النباح
بلدن سكت فيهو الشدر
و اتكلم الموت و السلاح
.........
باكر تزور دارنا الشمس
في الشرفة يتمطّى الصباح
كل المدن تمرق خيول
زي السيول تملا البطاح
راقصات علي ايقاع عشم
لابسات شموسن زي وشاح
كل المداين تبصقك
تقلع جذورك كالرياح
....
مهدي
الخرطوم
2018
مهدي يوسف
[email protected]





تعليقات 0 | إهداء 0 | زيارات 344

خدمات المحتوى
مهدي يوسف
مهدي يوسف

مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2025 alrakoba.net - All rights reserved

صحيفة الراكوبة