المقالات
السياسة
حكومة النهب ..تسقط بس
حكومة النهب ..تسقط بس
03-05-2019 01:33 AM

حرت المزارع حواشته والحكومة تتفرج .. واشترى من حر ماله تقاوي القمح والحكومة لا تبالي .. واشترى المبيدات والاسمدة من قروشه ..ونظف الحشائش ..وسقى المحصول بي قروشه ..وحاحى الطير والحكومة نايمة ..ولما حان وقت الحصاد حضرت الحكومة بجيشها وأمنها ..والهدف سرقة المحصول ...بالواضح وليس باللفة ..

ومنع السدنة المزارع من بيع قمحه في السوق . بالطريقة التي يريدها ..ومنعوه من طحنه وبيعه كدقيق ..ومنعوه من توفير مونة العام ..في بيته ..ومنعوا الدقاقة من دخول الحواشات ..وقالوا للمزارع ما قاله المحتال في عزومة الدجاج المحمر في سالف العصر والاوان ...يفرضون علي المزارع بيع الشوال ب 1850 جنيه وسعره في السوق 2500 ...والدفع بالشيك وليس كاش والشيك في هذا الزمن بلا رصيد ..يعني ورقة ساكت ..وهكذا يريد النظام بالطوارئ نهب قمح المزارع ..والنظام لا يدفع اي جنيه للمزارع في كافة العمليات الزراعية ..لكنه يريد الاستيلاء علي المحصول بعد الحصاد ..بالقوة الجبرية ..
وكما قاوم الاهالي بناء السدود ونزع الاراضي فان المزارعين في خندق الثورة وشعارهم تسقط بس ..
وتسقط بس معناها ان تعود الزراعة كما كانت ..قطن وقمح وذرة ..وادارة مسؤولة ..وصناعة تحويلية ..وصادرات وفيرة ..
وتسقط بس معناها ..التمويل الحكومي للزراعة والسعر المجزي للزراعة ..
وتسقط بس معناها عودة اتحادات المزارعين الشرعية وكفالة الحقوق ..والمطالب ..
وتسقط بس معناها ..عودة مشروع خور ابو حبل وجبال النوبة ..والمشاريع التعاونية في حلفا الجديدة والنيلين الازرق والابيض .
وتسقط بس معناها ..محاسبة من سرقوا اصول مشروع الجزيرة ومن تآمروا علي العمال الزراعيين وملاك الاراضي ..
وتسقط بس معناها الغاء اتفاقيات بيع الاراضي للسعودية وتركيا وقطر ..وغيرهم من حرامية ما وراء البحار ...
تسقط بس يعني تسقط بس ..





تعليقات 0 | إهداء 0 | زيارات 1036

خدمات المحتوى


كمال كرار
كمال كرار

مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2024 alrakoba.net - All rights reserved

صحيفة الراكوبة