المقالات
السياسة
قصيدة.. بري
قصيدة.. بري
03-12-2019 10:20 PM

بري

في القلب يا بري
قلعة نضال وصمود
ديمة بتسُري
اقدل هناك بي شوق
تفتح لك اكبر باب
عرج على اللاماب
وانزل ببري المحس
واغشى البيوت
بيت بيت
في العتمة لا تنحبس
زور بري الشريف
وفي قلب الدرايسة
بالميدان اقيف
واشهد صمود الرجال
ضد الظلم والزيف
يقولوا للمفتري
والمجرم المزدري
سلام وحرية
بالعدل محرية
يا طغمة ما بتقدري
الخوف خلاص اندثر
والغضبة مضرية
يا بري ماكي براك
كل الوطن والناس
بقيفوا ضمة معاك
من بحري لى ام در
تلقي الشباب الغر
تلقي المواكب يوت
كنداكة ....كنداكة
متلفحات بالعز
واصوات هتاف بترز
من فاشر السلطان
لى حلفا ... للتاكا
تسقط عصابة الكجر
ولو طال الزمان
سيستجيب القدر

مامون الرشيد نايل





تعليقات 1 | إهداء 0 | زيارات 703

خدمات المحتوى


التعليقات
#1817017 [مـسـتـر ايــدن]
0.00/5 (0 صوت)

03-13-2019 02:29 AM
مناضل وابن مـناضل . ان ذاك الـشـبل من ذاك الأسـد .


مأمون الرشيد نايل
مأمون الرشيد نايل

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2021 alrakoba.net - All rights reserved

صحيفة الراكوبة