حسين اللعوب على حبال الخسة .
هييي يا نعمة بت صباحي يا بنيتي أنا عمتك شغبة اللحوية رسلت ليكي أبيات شعر من قرية الشرفة دييييك حكمت بيهن على وليدي حسين القالو هبش إخيانك ثوار الشارع لكن يا بنيتي ماني شايفة ناس الراكوبة نزلو أبياتي. آها يا بنيتي أنا بقولن تاني:
يا حسين أنا ما أمك وإنت ماك ولدي
بطنك كرّشت مال البنوك سافي
وجضمك نوفخت دقنك شعر ما في
شفايفك حمّرت ريقك تمصمص في
لمتين يا حسين اشوف شيتك معلق
لا حسين كِتِل لا حسين مفلق
لا حسين ركب في ام زور وحلّق
إنفشيتي حبة يا بنتي وفشيتيني معاك .. يديك دوام العافية والقدرة علي كنس الوسخ من دروب قومك الصابرين ..
غايتو سلخك نضيف .. ما خليتي ليهو جلد تب .. إلا يقوم ليهو جلد جديد .. وشايفك منتظراهو يقوم ليهو جلدا جديد .. عشان تسوي فيهو سلخ المنجل ..
بس إن شاء الله كنتي لابسة جونتيات تخان .. عشان عفنتو ما تتلصق في إيديك !