#مدن_السودان_تنتفض كلام عاجل وضروري توازن الضعف بين الشعب والحكومة الي تجمع المهنيين السودانيين (هوووي) شوفوا ما في داعي تاني لحشد المواكب تحشدوا لي منو ولي شنو؟ سقطت هي ولم يبقي من الكيزان شي اول لازم تجمع المهنيين يقرا الواقع السوداني دا كويس طالما هو بمثل الشعب السوداني ولازم يقدم رؤية الشعب السوداني لبناء الدولة وحلحلة المشاكل الاقتصادية والسياسية بصورة جريئة أما هذا الانغلاق في تسيير المواكب سوف يدخله في دوامة لا نهاية لها وستظل البلد في حالة احتقان الناس لا تكون مثالية لازم تكونوا واقعيين وتتصرفوا حسب الواقع حالة الثورة السودانية حالة فريدة ونموذج فريد فعلا الثورة في السودان قامت ولكنها لم تنتهي باستلام سلطة لانها قامت من شعب ضعيف ضد حكومة اضعف تساوي فيه الاضداد بالضعف في حالة تسمي توازن الضعف وهو حالة عكس توازن القوي انا شخصيا ومن وجهة نظري أخر دعواي لمواكب هي بتاعة 6 ابريل 2019 وبس تاني مفروض الناس تبقي عملية وتنخرط لبناء الدولة ومفترض تجمع المهنيين يبدأ في هيكلة وتوعية الناس نحو آلية كيف يستلموا بلدهم عشان يديروها ويمنعوا الكيزان من التسلق من جديد بطريقة المواكب دي الكيزان والانتهازيون ها يلقوا فرصة تاني يحكموا باسم الوطنية وغيرو الحكومة دي سقطت وبقت سايبة ساي هسي البحصل دا تصرفات واجتهادات لمجموعات وجيوب شغالة علي القديم ما في زول بسيطر عليها ولا عندها مرجعية ترجع ليها جيوب في الجيش وجيوب في الامن وجيوب من البوليس لكنهم كلهم مستسلمين للوضع الراهن وضع الخوف من المواكب حاليا الشارع هو البسير امور الحكومة والشارع ايضا فيه الناس ماشة ساااي بدون دليل وتتحرك كيف تشاء الناس كلهم في انتظار قدوم شي لن يأتي ابدا لانه في خيالهم و بس بالواضح كدا الشعب السوداني م شغال بحكومة ولا في حكومة اصلا الناس بتمارس حياتها الطبيعية بلا امل ولا رقيب ولا حسيب التاجر تاجر والتربالي تربالي والطالب طالب والاوسطي اسطي الناس شغالة هي وتصرفاتها وبيحكمهم ضميرهم والامن الاجتماعي لطبيعة النفس السودانية بمعني هسي دي لو جاغت في السوق البلد بتولع وتبقي مليشيات وينحرق كرت الامن الاجتماعي المثبت لينا بلدنا دي قبل كدا أنا كتبت مقالات كتيرة قلت الحكومة بتكون مسيطرة علي هذا الوضع الي أن تعجز عن سداد مرتبات موظفيها من عساكر جيش وشرطة وامن حاليا خلاص الحكومة ما عندها ولا (التكتح) عشان تصرفوا علي الكم الهائل دا والوضع دا طبعا خطير ودا الخلي العساكر ديل امرقوا يقلعوا علي عينك يا تاجر عديل كدا من الناس ودا طبعا حاصل في الخرطوم وغيره ينفردوا بيك ويقلعوا حقك وجات الطواري وصار القوي ياكل الضعيف يا اخوانا م نبقي مساكين حالة الثورة السودانية حالة فريدة ونموذج فريد فعلا الثورة في السودان قامت ولكنها لم تنتهي باستلام سلطة لانها قامت من شعب ضعيف ضد حكومة اضعف تساوي فيه الاضداد بالضعف في حالة تسمي توازن الضعف وهو حالة عكس توازن القوي وعلميا توازن القوي يؤدي الي حالة استقرار مالم يختل الميزان اما توازن الضعف فهو الذي تنتج منه حالة توهان لتكون السودان الآن في حالة توهان لا تقف حائرا أمام وضع البلد لأنك نشاهد الآن أعضاء ينتمون إلى فصيل من الناس لم نعاشر مثله فى أيام سابقة فصيل لن نفهمه ولن يفهمنا لست وحدى على كل حال من يفكر هكذا لا أحد فى عالم الصراع أو اللا صراع بين الشعب وحكومته اليوم لا يعرف المدى الذى وصل إليه ضعف خصمه وفى الوقت نفسه لا يخفى ضعفه أو على الأقل لا ينكره هذا الوضع هو القائم الآن بنفس الوضوح الذي يضمن استمرار الأزمة السودانية بين شعب اصبح فعله مواكب معلنة وحكومة مستسلمة لارادة واقع تفرضه الجماهير التي تشاهد الهرم و لا تصل القمة هذا الوضع ستظل فيه وتستمر إلى وقت غير منظور وبخسائر فادحة علي المستوي الفردي والجمعي وعلي ان يصبح الأمل فيما يبدو أن حال الضعف الذى أصاب الدولة وشعبها كفيل بأن يحقق ضعف أوسع وأعمق من الضعف الذى تبني على أساسه التوقعات مثل توقع ان تبادر قوي من الاجهزة الامنية او العسكرية لتلبية رغبة المتظاهرين من الجماهير باعلان مباشر وجرئ عن سقوط نظام البشير فهذا في حد ذاته اعلان لا يمكن سماعه اذا كانت الامور تسير علي هذا الشكل #سقطت عبد الواحد احمد ابراهيم [email protected]

3 | 0 | 1993

• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

دا كلام شنو الكاتبوا الزول دا هسي .. قل بسم الله

دا الكلام .
ياخى لافض فوك ونور الله عليك .
لانو دايما افكر : الشباب والنساء نسيج هذى الثورة واساسها
قاموا ليس بواجبهم فقط بل بواجب كل قوى السودان وبيضوا وجه وسمعة السودان
والسلطة على انهيارها فيها الخوف والمصلحة والخبث مع انسداد الافق ..
طيب دايما السؤال : القوى السودانية السياسية المعارضة عايزة تتحرك متين وكيف ؟؟؟؟ في مبرر هذيل يتداول بانو الحشد لابد يكون كبير ومليونى !! صحيح الكلام دا . لكن عايزين منو يعمل ليهم الخطوة دى ؟؟؟؟؟؟ ليه ما يشاركوا بانفسهم و يحشدوا قواعدم بصورة واضحة ومباشرة ؟؟ .
ماعارف ليه ما يعملوا كدا ؟ حقيقة !!
احيان اقول هل هى العصاية القايمة والراقدة ! ولا مشاركات السلطة بتخلى القلب خفيف ؟
فليعلم السودان كله معارضة وحتى بحكومته ,,, انه موصوم باقبح مسمى لامة وشعب
وانه ماشى على شئ اقبح !! ولا يستثنى الاشبابنا الثوار الان بالشارع وبالحراك ومعهم اتحاد المهنيين بقيادته , وحتى منتقديه الافضل ان يخسئوا او يقوموا بدور فاعل اكثر من مجرد التزمر وانتظار الحل على اكتاف الشرفاء المنهكين ديل !!!
لابد من تحرك القوى السياسية يناسب المرحلة ودورهم على الاقل ليبيض ساحتهم

أنت في خربطاتك دي تحاول إرسال رسايل مسمومة تهدف بها للتخويف والتثبيط:
- انا شخصيا ومن وجهة نظري أخر دعواي لمواكب هي بتاعة 6 ابريل 2019 وبس
- الناس لا تكون مثالية لازم تكونوا واقعيين وتتصرفوا حسب الواقع
- تاني مفروض الناس تبقي عملية وتنخرط لبناء الدولة
- هسي دي لو جاغت في السوق البلد بتولع وتبقي مليشيات وينحرق كرت الامن الاجتماعي المثبت لينا بلدنا دي
- اول لازم تجمع المهنيين يقرا الواقع السوداني دا كويس طالما هو بمثل الشعب السوداني ولازم يقدم رؤية الشعب السوداني لبناء الدولة وحلحلة المشاكل الاقتصادية والسياسية بصورة جريئة.
شفت رسالتك مكشوفة كيف

الاكثر مشاهدةً/ش

الاكثر تفاعلاً