|
6 ابريل ..الواحدة ظهرا ..
04-06-2019 02:27 AM
يوم آخر سمح من أيام ثورتنا المنتصرة ..وعلى قدر اهل العزم تأتي العزائم ..والطوفان البشري في يومنا ذاك ..خلع سفاح مايو..وفي يومنا هذا يؤكد ..العزيمة والاصرار على (تسقط بس)..
غدا ..السودان الوطن الواحد ماقد كان وما سيكون ..والثوار في الموعد ..وفي الموكب ..والساعة ثورة ونص ..والوجهة الى حماة الوطن عسكريا ..والمغزى اكده الهتاف التاريخي جيش واحد شعب واحد ..والمغزى ان جيش السودان في لحظات الشدة والبأس ..يختار الشعب على السلطة ..
غدا ..ينطلق كل الناس - الا قليلا - الى حيث المراكز والاماكن المعلنة ..سلمية كانت وسلمية تبقى ..والقلوب الشجاعة هزمت الآلة القمعية للنظام ..لأكثر من 115 يوما ...من النضال والبسالة ..والنصر النهائي على الابواب ..
غدا ..السودان الوطن الواحد ..الثورة التي ستنهي 30 سنة من الفساد والاستبداد ..
غدا السودان الوطن الواحد حيث دماء الشهداء تنير الطريق الى المستقبل المنشود
غدا السودان الوطن الواحد ..والحرية والسلام والعدالة شعارنا في وجه اعداء الشعب ..المرتبكين المنهارين معنويا ..الرجافة بتشديد الجيم ..الذين سيسقطون بالضربة القاضية الفنية .
غدا ..نريهم كيف هو الثبات على المبدا ..والاصرار على الحرية ..والوطن في حدقات العيون ..والسودان ماقد كان وما سيكون ..
غدا ..يوم ..يسطر مآثر جديدة للشعب السوداني ..وتأريخ باحرف من نور ..تقراها الأجيال من بعدنا ...
ابدا ما هنت يا سوداننا يوما علينا ..غدا نكون كما نود ....
نلتقي في صباحات الثورة ..تصبحون على وطن ..
|
خدمات المحتوى
|
كمال كرار
مساحة اعلانية
الاكثر مشاهدةً/ش
الاكثر تفاعلاً
|
0 | 
0 | 
755
