|
(بار ....قرد الغلوتيه)
04-06-2019 02:28 AM
(بار ....قرد الغلوتيه)
من كوستي ولي عن حلفا
وسواكن واقفه ابيه...
نيالا بحير العزه
ورفاعة تخلف الكيه...
البورت وسواكن بدري
زالنجي تراها عصيه...
سنجة وسنار يابشه
الفاشر والغربيه...
في كل قياده بنهتف
حريه سلام وعداله
ونطالب بالحريه.....
يوم سته
عقدنا النيه
شان نطلع مليونيه....
وهتافنا يهز الشارع
نتمسك بالسلميه...
ابروف الشجره وبري
والثوره العباسيه...
الديم ناس جبره الساده
والقبه مع القطعيه...
دايرين العاصمه تمرق
و(الجاح)مابدورلو وصيه...
سان جوزيف اهل الكتمه
واللهب الفي الردميه....
في كل عواصم الدنيا
مارقين نهتف سلميه...
ام در بتصيح يا لندن
بار قرد الغلوتيه...
الدامر عطبره بربر
خليك يا شندي شويه...
استني مع الحصاحيصا
بنجيبكم للدلوكه
والدنقر والصقريه...
|
خدمات المحتوى
|
محمد الحسن أبنعوف
مساحة اعلانية
الاكثر مشاهدةً/ش
الاكثر تفاعلاً
|
0 | 
0 | 
1166
