المقالات
السياسة
نداء إلى الشرفاد من ضباط، ضباط صف وجنود قوات شعبنا المسلحة البواسلنداء ومسدار
نداء إلى الشرفاد من ضباط، ضباط صف وجنود قوات شعبنا المسلحة البواسلنداء ومسدار
04-06-2019 11:38 AM

نداء إلى الشرفاد من ضباط، ضباط صف وجنود قوات شعبنا المسلحة البواسل:
............
يشهد التاريخ إنحيازكم دوما لجانب الضعفاء والمسحوقين من بنات وأبناء شعبنا الصابر الأبي في جميع نضالاته المرير ضد الأنظمة الدكتاتورية المتسلطة. اليوم يتطلع شعبنا نحوكم للإنحياز إلى جانبه في نضاله السلمي النبيل ضد أسوأ دكتاتورية عرفها عبر تاريخه الطويل وذلك لدعم ثورته للإطاحة بها وحماية موكبه المشهود يوم السبت السادس من أبريل، في ذكرى إنتفاضته الباسلة ضد حكم طاغية آخر.
كلنا أمل في إنحيازكم لجانب شعبنا للإطاحة بأبالسة الإنقاذ وإقتلاع نظامهم الفاسد والظلام من جذوره. وقتها ستغني وتزغرد لكم كنداكاته "يجوا عايدين"، كما سبقتهم إلى ذلك الفنانة عائشة الفلاتية فخرا حينما عاد أسلافكم منتصرين من معركة "كرن".
........
مسدار:
"يجوا... عايدين"!!؟
........
من دون كلام عايدين
الشعب قال عايدين
يوم السبت عايدين
انتو الوطن والشعب
ليهم دوام حارسين!!
.........
يوم السبت يوم زحف
لي صفوفو مدعوين
يوم الشباب هبو
جيش الوطن مابلين
دعم الشباب واجب
ونهاية للتمكين....
وهزيمه للسفاح...
ولكل تاجر دين!!؟؟
.........
يوم السبت مشهود
ليهو الشباب جاهزين
الطلعو كنداكات...
حتى الصغار طالعين
الكل مرق بره....
نحو القصر زاحفين..
سلميه... سلميه
بي جيشنا محروسين!!
.........
دايمن تكونو سند...
وكت المحن راكزين
ما بترضو حكم الذل
والله الكلام الشين..
والله ساعة الجد...
كم شلتو سفاحين!!؟
........
يوم النصر قرب...
بي جيشنا مطامنين
يوم الخلاص قرب..
يوم الحقوق بتبين..
سودانا يتحرر...
بي جيشنا منصورين!؟
.........
جيش الوطن والشعب
ليهو القلوب بترين
من أرض هذا الشعب
والله ديل جايين...
كل القنع قبل....
قال ديلا مو نافعين
بنقولو أرجع تب....
جيش... الوطن...
ما... بخون....
لا هم مشحودين....
عبد الفضيل والماظ
ديل الشهود حاضرين...
والله أرجع تب....
بي جيشنا منصورين!!؟؟
........
إبراهيم الكرسني
فجر الخميس
٢١٠٩/٤/٤





تعليقات 1 | إهداء 0 | زيارات 520

خدمات المحتوى


التعليقات
#1821302 [حنانة العايدية]
0.00/5 (0 صوت)

04-06-2019 12:13 PM
يا الكرسني الشاعر
شعرك رغيف فاخـــر
يتغدو بي في ام بل
ويتعشو في ام بادر


إبراهيم الكرسني
إبراهيم الكرسني

مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2022 alrakoba.net - All rights reserved

صحيفة الراكوبة