المقالات
السياسة
يا حليلها بسمة الطفل الغرير
يا حليلها بسمة الطفل الغرير
04-08-2019 12:15 AM

واقف براك كاتم الأسى تفتٍّش في بسمة الطفل الغرير
قدر ما تحاول تجيب الهنا تلاقي الريح تكسِّر مجاديف الأمل النضير
وجرح الأمل ينزف غزير يحكي لينا معاناة ناسا عرقها دافر هدير
يا حليلو داك الزمن .. وين راح.. وماله أصبح عسير؟؟
كنَّا نجري يحدونا الأمل .. زادنا الفرح .. نجري نبعد من الحزن الأسير
فجأة .. هبَّت علينا ريح الوجع .. والقال بشير … أ صبح نذير
وتلاشت أحلام قديمة واندفق السمن الوفير
العاوزين نبيعه عشان نخضٍّر بيه أرضا صارت هجير
طفشوا كل الشباب .. والما طفش راجي دوره شان يطير
ويا حليلها بسمة الناس القبيل ...
بقيت أعاين عشان ألاقي بسمة ما لقيتها حتَّى في الطفل الغرير
ويا ربي تاني برجع لينا الزمن النضير ؟؟؟
ما أظنه يجينا تاني ... راح خلاص ... والوطن اتلاشى عدمان النفير ....

كتبتها وقد وصل الإحباط منتهاه .... وقد طغى الفرعون وقومه ... ولكن ... لابد لليل أن ينجلي .... ولاحت بشاير الخير ... وتسلل رقراق ضوء علَّه يتلألأ ... ويحيل ظلمة الليل البهيم إشراقا وبهجة وانعتاقا ...





تعليقات 0 | إهداء 0 | زيارات 241

خدمات المحتوى


ب. مجدي علي
ب. مجدي علي

مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2024 alrakoba.net - All rights reserved

صحيفة الراكوبة