المقالات
السياسة
قصيدة في فجر الخلاص ، وفي انتظار بيان قوات شعبنا المسلحة
قصيدة في فجر الخلاص ، وفي انتظار بيان قوات شعبنا المسلحة
04-11-2019 10:45 AM

كل العصابة سجون من طه لي هارون
لاعوف ولامجنون
لا إنت تمشي القصر وانا بي هنا ومسجون
ثورتنا حتي النصر جذرية ماشة عديل
والشعب مابنغش والباقي من القش
ينجز بل يتحش
ولا يبقي منك وش يامسخ وعقلو قليل
من كوش وارض النيل
ياعز جدودنا قبيل
واولادك المانجيل
وكنداكة شادة الحيل
الليلة تم النصر والفرحة قادلة عديل
ثورتنا لينا الفخر والمجد في ابريل
ديسمبر الممهور بي دم شباب الجيل
شهداءنا يا ابطال ياضونا الفي الليل
خالدين دوام الدهر يالكنتو لينا دليل
والكانوا مسجونيين واللسة مجروحين
والجسمو لسة عليل
والعامل التأمين في الأرض متخفي النصر لاح وجميل
تعب النضال كذلال بعد النصر يازميل
الليلة ظهر الحق مرق الظلم قال طق
مكسور وهو ذليل
والطاغي خر سقط وارتحنا من ظلمو
وكذب نفاق وعبط
وبلدنا حر ونبيل
لاكوز ولا اركوز يحكمنا بالتضليل
تمشوا الجنائية والدرب لسة طويل
ثورتنا مابتقيف ضد الكذب والزيف
وبلدنا يبقي نضيف من أي ذرة كوز
ضوق بلدنا نزيف
أبريلنا يا ابريل ديسمبر الإزميل
ينحت غضب كالسيف والشعب راكب خيل
والجيش معاو كالسيل
مابقبل الخدعة بل يمسح الدمعة
والثورة واصلة شليل




حمد محجوب محي الدين





تعليقات 0 | إهداء 0 | زيارات 473

خدمات المحتوى


حمد محجوب محي الدين
 حمد محجوب محي الدين

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2021 alrakoba.net - All rights reserved

صحيفة الراكوبة