المقالات
السياسة
سقطت تاني ..
سقطت تاني ..
04-13-2019 01:51 PM


محمدعبدالله برقاوي

بعد.. ما سقطت نص ..نص..
وجونا جماعة الزول بالدس..
برضوالشارع فاض بالحس ..
فهم اللعبة ..و زاد مِنرص ..
قال للعبث الحام ..بالنص ..
تسقط تاني وتسقط بس ..
لا كيزاني.. ولا مندس ..
*****

نحن الشعب الما..بننغش..
شفنا الحية تفرفر كش..
قاعدة.. تتاوق تحت القش ..
****
وعمك داك الكان رقاص..
دخل الضل الفاكرو..خلاص ..
رسم الخطة وبشويش نطه..
فوق الحيطة وقال بتخطى..
سيل البشر الغمر الوادي..
يسقي الوعد الراجي بلادي..
وفرح الغد اللينا بنادي..
***
وسقطت بى تنسيقنا البارع ..
بين الفطنة وساعد الشارع..
وصوت الثورة اللعلع فارع ..
****
بهرنا العالم بالتنظيم ..
بالسلمية ..هدفنا عظيم..
لا تخريب ..ولا تحطيم ..
صوتنا موحد..دون تقسيم..
سقطت تاني وسقطت بس..
لاكيزاني ..ولا مندس..
****
الخرطوم..12/ 4/ 2019





تعليقات 1 | إهداء 0 | زيارات 333

خدمات المحتوى


التعليقات
#1822856 [المندهش السوداني]
0.00/5 (0 صوت)

04-13-2019 04:48 PM
شكراً أستاذ برقاوي قصيدة معبرة وموزونة وأسألك يا برقاوي أين البنت الروضة التي كتب عنها أحدهم في عمودك هذا وعلق عليها المعلقون فقد وصف لنا الراحل مصطفى سيد احمد (البنت الحديقة) ونريدك ان تصف لنا (البنت الروضة).


محمدعبدالله برقاوي
محمدعبدالله برقاوي

مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2024 alrakoba.net - All rights reserved

صحيفة الراكوبة