الكوز إبنعوف بي نبض الشباب، سقطت وتسقط تاني (بي دم الشهيد سقطت، وتسقط تاني) يا عوض ابنعوف هذا الشباب متفاني في حب الوطن شايل غرام وأماني والكوز الخبيث ما اظن بكون سوداني الجيش الأصيل فيهو الرجال ما قِلة معقول يا ابنعوف، نفس الوجوه والشلة الجرح الوطن كيفن بداوي العِلة تسقط تاني بس، تسقط حكومة الذلة يا عوض إبنعوف فتِّح عيونك قُشَْا في ساس و يسوس ظاهر شبكتك طاشَّة الشعب الجسور من تاني ما بتغشا والوطن العزيز أعداءو إنت وبشَّة الكوز إبنعوف خايب رجا البرجاهو النقصو البشير في غفلة جاء وتماهو في الكون الخداع ما شفنا كوز خلاهو ويا شعبي الأسد بحكم عرينو براهو ضياء الدين مدثر رجب الجمعة ١٢ أبريل ٢٠١٩ / برلين [email protected]

1 | 0 | 522

• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

لا فضّ فوك أخى ضياء: صدقت: الأسد يحمى عرينه براه... وربما كان هذا من أجمل إشراقات هذه الثورة المباركة المجيدة المظفرة ، أنها لم يكن لها أي بعدى إقليمى أو دولى ، من أي نوع...
نرفع القبعات ، رغم برد برلين العجيب اليومين ديل ، نرفعها لهؤلاء الشباب الثائر ...
وعشت ياسودان...

الاكثر مشاهدةً/ش

الاكثر تفاعلاً