المقالات
السياسة
منشور توعية
منشور توعية
04-16-2019 04:49 PM




أولاً نترحم على أرواح شهداء الثورة ربنا يتقبلهم و الدعوات بالشفاء للمصابين و الجرحى الحمد لله الثورة نجحت و منتظرين تحقيق المطالب و عشان البلد تمشي لقدام لازم كلنا نساهم في الموضوع دا كل مواطن عنده دور :-

1.المعتصمين في الميادين : يواصلوا إعتصاماتهم و ضغطهم لحدي ما تتحقق المطالب ، و يجب عليهم أيضاً المحافظة على المكان نظيف و مرتب عشان نعكس سلوك حضاري راقي.
2.المجلس الإنتقالي : يجب أن يستجيب لمطالب الجماهير و تكوين المجلس المدني بتمثيل عسكري في أسرع وقت و يتشاوروا يتحاوروا مع بعض و يوصلوا لتفاهمات ، و بالنسبة للجانب الإقتصادي يجب فتح القنوات الرسمية لتحويلات النقد الأجنبي.
3. الأحزاب : الثورة دي ثورة شباب ما عاوزينكم تسرقوها بالبارد كدة يجب أن يكون تمثيل الشباب هو الأغلب في الحكومة الإنتقالية ، و المفترض الأحزاب ذات الأفكار و الأيدولوجيات المتشابهة تحاول تتفق مع بعض و تندمج و تتوحد في حزب واحد يعني مفروض السودان دا ما يكون فيه أكتر من 4 أحزاب.
4. المواطنين : يجب عليكم العمل على الإنتاج و عدم الإعتماد على أشغال العائد السريع الما لتضيف حاجة للبلد و للإقتصاد الوطني مثلاً زي شغل السمسرة و المضاربة في العملة و الأشغال الهامشية.
5.المغتربين : عليكم العمل على مساعدة و رفع إقتصاد البلد بالتحويل عبر القنوات الرسمية و عدم التحويل عبر السوق الأسود حتى لو الفرق بيناتهم يكون 10 أضعاف لازم يكون في حس وطني عشان أهلنا البيعانوا بسبب تدهور العملة و عدم ثبات سعر الصرف.
6. الدول الخارجية : (عربية، أفريقية، أجنبية) يجب عليكم إحترام إرادة الشعب و عدم التدخل في الشئون الداخلية و التعامل و العلاقة معاكم تكون على أساس تبادل المنافع و المصالح المشتركة غير كدة لا ، عشان ما تجوا تمنوا علينا في يوم من الأيام عملنا ليكم و فعلنا ليكم مع إنه السودان عمل لبعض الدول كتير و أفضاله عليهم كتيرة
لكن برضو ، إذا كان ليكم أهداف أخرى إحتفظوا بيها لأنفسكم.

#وطننااا حنبيهوا برااانا حتى لو عانينا أفضل لينا من الذلة و المهانة و عارفين الموضوع عاوز صبر بس أفضل لينا و لعزتنا و كرامتنا.
فضلاً و ليس أمراً أي واحد يقرأ المنشور دا و مؤيد كلامي أرجو منه مشاركة المنشور

م. فيصل محمد سيد إبراهي





تعليقات 0 | إهداء 0 | زيارات 215

خدمات المحتوى


م. فيصل محمد سيد إبراهي
 م. فيصل محمد سيد إبراهي

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2021 alrakoba.net - All rights reserved

صحيفة الراكوبة