المقالات
السياسة
صُبُّهوها تالت ورابع
صُبُّهوها تالت ورابع
04-22-2019 02:06 PM

يا الشعب العظيم، اوعاكا لا تتغرَّى
الغدرك زماااان ، (الكوز ) بعاود الكرَّة
والمكتوب ببين، من المعنون برَّة
صُبَّها إعتصم ، شان بكرة ما تتذرَّا

إحذر كل كوز يتلوي متل الدابي
وإحذر( بغبغان) المذهب الوهابي
صلِّي على الحبيب للثورة أبقى صَحَابي
وإحذر كل زول عن ثورتك متغابي

اخوان الشهيد ، صُبُّوها تالت ورابع
العسكر حَرَن ، لي بشة لسَّع تابع
من دم الشهيد، دفَّاق غضبكم نابع
في عين الحسود صُبُّوها سادس وسابع

قدام أرمي بس، قدام وراك إعدام
قد جاك الصِقِير، فوق إعتصامك حام
إن درتا الدفاع، لازم تكون هجَّام
يا ولد البلد، أصدر بيانك هام

يا أروع شباب ، صُبُّوها وإتلموا
ما تنسوا الشهيد كان الوطن همُّو
واصلوا الاعتصام، درب النضال تِمُّوا
والكوز الخبيث، اسقوهو من سِمُّو

ضياء الدين مدثر رجب
الاثنين _٢٢ أبريل ٢٠١٩ (برلين)







تعليقات 1 | إهداء 0 | زيارات 346

خدمات المحتوى


التعليقات
#1825551 [ابو جاكومة ود كوستي]
2.88/5 (4 صوت)

04-22-2019 04:09 PM
تسلم يا حبيب منتهى الروعة والله. وصدقني الكيزان راحت عليهم الشعب دة واعي وعارف الاعيبهم كويييس وما عندهم طريقة. لك التحية مجددا.


ضياء الدين مدثر رجب
ضياء الدين مدثر رجب

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2021 alrakoba.net - All rights reserved

صحيفة الراكوبة