|
يا بشَّة العِفين
04-25-2019 02:52 AM
يا بشَّة العفين
يا عمر البشير* فرتق زمانك ولَّى
رشَّوك الشباب* وروكا كيف البلَّة
راح ليك الرقيص،* ظنيتو ما بتخلّى
في حبل الشنق** تتعلّى ما تتدلَّى
قنصوك الشباب ، خرطومنا ثوري ثوري
لو ناسي الشهيد، عاوزين قصاصو ضروري
احبابك جفوك، باباح خلاص كافوري
وينهم ناس وداد، باباح قصر جمهوري
قبضوك* يا العفين، ورجعت تاني لكوبر
و ديسمبر هتف ، أبريل رجَع وأكتوبر
ودعت النعيم، وين تاني وين* تتبوبر
جاييك القصاص ،* اقدر عليهو إتشوبر
سجنوك يا بهيم* ، إنت وكلاب السُّرَّة
على نافع* خِرِس، وشردت كتايب العِرَّة
شوف عيني الشباب، كفت (الكويز) الفِرَّة
والشجرة ام زقوم، سقطت على الحِمبِرَّة
يا* عمر البشير هذا الشباب عملاق
وروك بالبيان* ما هم شذاذ آفاق
الكوز الخبيث لي بلدو دايماً عاق
شن لمَّ الحنيف بي دينكم العولاق
ضياء الدين مدثر رجب
٢٥ فبراير ٢٠١٩/برلين
[email protected]
|
خدمات المحتوى
|
ضياء الدين مدثر رجب
مساحة اعلانية
الاكثر مشاهدةً/ش
الاكثر تفاعلاً
|
0 | 
0 | 
902
