المقالات
السياسة
ارعى بقيدك يا السيسى
ارعى بقيدك يا السيسى
04-27-2019 12:38 PM



سعيد عبدالله سعيد شاهين


الشعب السودانى من نافلة القول ان نقول عنه انه معلم الشعوب وهذا ليس ادعاء او افتراء او {نفخه كدابه} انما سجل تاريخ الشعب السودانى ليس البعيد بل المعاش منذ اكتوبر 1964 وحتى لحظة {الصب التاريخى} امام القيادة العامة للجيش السودانى وما ادراك ما الجيش السودانى يا سى السيسى
عندما اصدر الشارع السودانى قراره بازاحة الفريق عبود ونظامه عن سدة الحكم بسبب مقتل طالب الذى فجر تراكمات غضب اعمقها السرقة الكبرى التى قامت بها مصر ببناء السد العالى وتهجير ابناء حلفاء الى منطقة لا تداوى الم الفراق او تعويضه بل بلغت انانية مصر {وهى متعوده}حيث لم تتكرم بان يستفيد المواطن السودانى {الغلبان} {الطيب} بمفهومكم الفهلوى.... لم تتكرم بان تمنحه اضاءة لمبه واحده من كهرباء السد
ومرت الايام وشهدت مصر ما شهدت من ملطشة اليهود والاسرائلين لها وكان حاميها الاول الجندى السودانى وشعب السودان لدرجة افساح مكان للقوات المصريه داخل العمق السودانى
وفى غفلة او نقولها بصراحة فى لحظة حكم {اجبن من مر على القوات المسلحه} سرقتم حلايب وشلاتين بل بلغ بك السفه ان قمت انت ايها السيسى فى استفزاز صارخ للشعب السودانى وكانك تريد ان تقنن الامر ولو بخداع نفسك وشعبك لم تمكنك رجولتك الزائفه ان تفعله مع اسرائيل حتى من داخل حدودك معها.... بان قمت بزيارة المنطقة المسروقه من شعب السودان والذى هو مهموم بالهم الاكبر الا وهو ازالة نظام الطاغوت الجاسم على صدره ثلاثة عقود وبعدها ستكون لشعب السودانى كلمته التى ارسل شباب الصبه رسالته لكم رغم انشغاله {بهم} ازالة الطاغوت الجبان البشير ونظامه فقد سجل لكم الشباب زيارة الى سفارتكم بالخرطوم مجملها ان ارعى بقيدك يا السيسى ورد لنا ما سرقته حتى يستمر الود بيننا
باى حق يا سى السيسى تتدخل فى الشان السودانى وان تعطى المجلس العسكرى فترة ثلاثة اشهر لا ياخى نحنا عايزنو يقعد ثلاتين سنه انت ايه حشرك ما انت نفسك استوليت على لحكم بانقلاب عسكرى وازحت من اتت به صناديق الانتخابات بالقوة طيب مش كان يكون عندك دم وتعيد الامور للشعب المصرى بنفس الفترة التى حددتها للمجلس العسكرى ثلاثة اشهر لا دا انت حتى عدلت الدستور عشان اللعبه احلوت لك ولعلم حضرتك المجلس العسكرى الحاكم لم يقم بانقلاب انما هم كعرف الانتفاضات السودانيه منذ اكتوبر فانه تاتى اللحظة التاريخيه ليلتحم الجيش مع الشعب وينهى الامر لصالح الشعب بعدين يظهر انك لم تستوعب الدرس عمليا بالاعتصام امام القياده وترحيب اهل القيادة بهم دى بدرى عليكم تستوعبوها يا عمى ممكن ندخلكم كورس تقويه لاحقا
ياخى بصراحه ده انت بجح بشكل قال ايه جمع شوية افارقه وعمل محضر انو يعيد الحكم بعد ثلاثة اشهر.... {دحكتنى} والله......رقصنى ياعمى
الشعب السودانى بشكرك على رقة قلبك وبيقول لحضرتك رجع لنا حلايب وشلاتين وما تشغلش بالك بشوية العيال بتوع المجلس العسكرى ده احنا شلنا العينوهم فى {الديش} زى ما بتقولو {الديش} ..... السيسى يا بنى نرجوك خلى بالك فى حالك خاصة بعد ان مددت حالة الطوارى المعلنه من قبل ظهور المخلوع بشه بل من قبل جلوسك على المرجحانيه
الشعب السودانى شال عبود بالاضراب والعصيان المدنى وشال نميرى بنفس الاسلوب ودى اذهل العالم اما البشير فحب الشعب السودانى ان يغير طريقة اللعب وكانت خطة{ صب الصبه} وديه بقى لسه انتو فى الروضه مش حتفهمها
ورغم انشغال الشباب {بالصب} الا انه حب ان يقولك يابنى بطل فهلوه ماحدش طلب منك تتحشر فى ما لا يعنيك ورجع لنا حلايب وشلاتين واذا كان عذرك انكم اخدتوها علشان محاولة الاغتيال الفاشله لعمك حسنى مبارك اهو حسنى راح وهم راحوا.. بامر الشعب ونفس الشعب بيامرك بالانسحاب من اراضيه المحتله دانا اخاف من اسرائيل يظهر لى السيسى ولا ايه ياسى عادل امام
باختصار عشان نعيش اخوات ولان كلمة {اخوان} بتعملكو منخوليا رجع لنا حلايب وشلاتين ممكن ولا ديه صعبه
قال ايه قال تلاته اشهر تعليمات للمجلس العسكرى ليغادر لا يحبيبى انت كنت عينته ولا عينته مش عيب تدخل فى الملكش فيه وخليك مع الجماعه اللى عمال تعمل ليهم حالة طوارى كل مره ياخى ماتلمهم عليك وصالحهم فى النهاية هم ولاد مصر
شكرا شباب {الصبه} لقنتموه درس اذا على الله يفهمه وما يعصلج دماغه وتكون ناشفه





تعليقات 0 | إهداء 0 | زيارات 507

خدمات المحتوى


سعيد عبدالله سعيد شاهين
سعيد عبدالله سعيد شاهين

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2021 alrakoba.net - All rights reserved

صحيفة الراكوبة