المقالات
السياسة
عبد الحي شيخ الفتنة
عبد الحي شيخ الفتنة
04-28-2019 04:40 PM

للسلطة ام قروش دايماً ريالتك سايلة
يا الكوز الخبيث متل البهيمة الحايلة
ما بتعرف وطن و لا شعبو ليك العايلة
عقرانة البطن الليكا كانت شايلة

شعبنا إنتفض وحلفتوا تقتلوا تِلتو
بي مفتي السجم سفك الدماء حللتوا
ثوار البلد في حقكم ما غلطوا
تتحلل فلولكم وين طلعتوا نزلتوا

الميت خرج من شيخكو عبد الحي
والحي إن مرض آخر علاجو الكي
خفَّاش الظُلُم راس مالو رشَّة ضي
و إن شفتَ الرجال ارجع بعيد يا ني

اخوان مسلمون والفتنه دايماً دايمة
اخوان مجرمون وعصاية نايمة و قايمة
اخوان مفسدون وحمارة سارحة و حايمة
بي جاه الحبيب ما تقوم لرايكم قايمة

راح ليك الدرب يا زارع الألغام
وما بطير النعام ، ولا ببقى يوم ضرغام
يوم كتلوا الرجال صَهيَن ضميرك نام
ويوم خرج الرجال ما سمعنا ليكا بِغام

ضياء الدين مدثر رجب
٢٨ أبريل ٢٠١٩/برلين





تعليقات 0 | إهداء 0 | زيارات 645

خدمات المحتوى


ضياء الدين مدثر رجب
ضياء الدين مدثر رجب

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2021 alrakoba.net - All rights reserved

صحيفة الراكوبة