المقالات
السياسة
يا برهان وحميدتي
يا برهان وحميدتي
04-30-2019 11:55 PM

يا البرهان اقيف و كلِّم معاك حميدتي
عريان الوليد لو بي الريال مُتغتَّي
في شان البلد ما تلعبولنا غُمُتِّي
والهمبت حلايب ما بجوز يغيظنا ويفتي

الجيش للدواس وما لي قلم و كرَّاس
ضيَّعنا السنين في الرِّمَّة والحُرَّاس
الشعب إنتفَض وشبابنا ركبوا الراس
و الموية بتروووق وتكضِّب الغطَّاس

المابي الصُلُح يا فردة هو الخسران
وريسكم قبيل بالسلطة كان سكران
بلينا البشير والدور على الحِيران
ادونا الوطن لا لف ولا دوران

يا البرهان اخوي اسمعها مِنَّا نصيحة
بيَّاع الوطن والله ما تفتيحة
السترة ان مشت تبراها ديمة فضيحة
من كوز السجم شمينا فيكم ريحة

ردولنا الوطن شان يدخل التاريخ
يا عسكر كفى نقَّة وعواس وطبيخ
في صفا وانتباه ما بنفع الفرشيخ
بني آدم بفوز لو عندو مخ ومخيخ

ضياء الدين مدثر رجب
٣٠ أبريل ٢٠١٩/برلين





تعليقات 1 | إهداء 0 | زيارات 859

خدمات المحتوى


التعليقات
#1826922 [محمود]
0.00/5 (0 صوت)

05-01-2019 01:45 AM
شكرا يا أخ ضياء (من برلين) على هذا النظم الرصـين

الكيزان شـتتونا في جميع بقاع الارض

لا يوجد بلد في الكرة الأرضية يخلو من أبناء السودان

نسأل الله أن يجمع الشمل إن كان في ذلك خير


ضياء الدين مدثر رجب
ضياء الدين مدثر رجب

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2021 alrakoba.net - All rights reserved

صحيفة الراكوبة