المقالات
السياسة
يا خال البشير
يا خال البشير
05-05-2019 11:03 PM

يا خال البشير
الفصل الجنوب وقربانو كان التور
ما بكون إلا كوزاً عنصري ومغرور
القلب الحقود ما بنفعوا الدكتور
ودوس الكوز حساب و قانون وبالدستور

يا خال البشير امسك عليك جقليبك
ود اختك وقع وحالفين جوارو نجيبك
وبرهان ما بحِلّك وحميدتي ما هو طبيبك
فرتقتا الجنوب و كان كلو من ترتيبك

كم قطة وقطط زيك سُمان سارحين
وزيك كم شيوخ بالفتنة متفولحين
جاييك القصاص ثوار نا جد واضحين
ابشر بالعذاب قرَّب اوانو يحين

يا كوز السجم أمنع سفاهة وجوطة
ضليت الطريق شفت الخلوق مبسوطة
زفراتك هديك زي البشير مزعووطة
والشجرة الخبيثة سقطت زي المسخوطة

كيزان السجم فرعون وكم هامان
روحتوا العيال لي سيدكو بن سلمان
إنقشع الظُلُم ما بتلقوا تاني امان
شيطان الفتن ما بكون حكيم و لقمان

غايظينك شباب صَبّوها شان الثورة
المقدور وقع ما بتنفعك جاعورة
والفلم انتهى طلع الحُكُم ماسورة
و في حق الشباب يا شيخنا صوتك عورة

من وين القروش من أين ليكم هذا
تخريب البلد سميتوا كيف انقاذا
من هذا الدمار ماذا جنيتم ماذا
والدين الحنيف شوهتوا صورتو لماذا

دخلتوا البلد في فتنة الدجال
برهان اوحميدتي ما بلحقوك يا خال
سبحان الكريم من حال يغير حال
و الخان البلد ما بهزم الأبطال

ضياء الدين مدثر رجب
٥ مايو ٢٠١٩/ برلين





تعليقات 0 | إهداء 0 | زيارات 1052

خدمات المحتوى


ضياء الدين مدثر رجب
ضياء الدين مدثر رجب

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2021 alrakoba.net - All rights reserved

صحيفة الراكوبة