المقالات
السياسة
تعليقات على عناوين صحف السبت
تعليقات على عناوين صحف السبت
05-11-2019 05:22 PM

على مسؤوليتى

تعليقات على عناوين صحف السبت 11 مايو 2019م

✌🏻 فلنواصل الاعتصام والتظاهرات السلمية نحو القيادة العامة حتي اسقاط المجلس العسكري وازيال النظام ✌🏻

✌🏻 المجد والخلود لشهداء ثورة ديسمبر المجيدة وكل شهداء الوطن ✌🏻

#مدن_السودان_تنتفض
#اعتصام_القياده_العامه
#يسقط_البرهان_ومجلسه
#مدنيه_قرار_الشعب
#الشارع_بس

********************

📰 الجريدة

🔹 البشير يقرّ بالتهم الموجهة له ويقول : أصابتنا دعوة المظلوم

المظلوم براهو انت نسيت الأرواح الازهقتها والقروش السرقتها والحقوق الانتهكتها 😡😡

📰 الجريدة

🔹 الاتحادي الأصل يتبرأ من تحالف أبو قردة

دا لا اتحادي ولا اصل اصل النضال شباب الاتحاديين الحايمين من موكب لي موكب لحدي القيادة ✌🏻✌🏻

📰 الجريدة

🔹 ياسر ميرغني : سئمنا من الوزراء التجار ولن نسمج بذلك

الوزراء التجار والوزراء القتلة والوزراء الجهلة الوجع كتير يا دكتور 😬😬

📰 الجريدة

🔹 البعث يتهم المجلس العسكري بالتشبث بالسلطة

المجلس العسكري دا اصلا جاي يقطع الطريق علي الثورة عشان كدا يسقط هسي ✌🏻✌🏻

📰 الجريدة

🔹 عبد الحي يوسف يطالب بعدم إغلاق الطرق

كدي انت التزم لينا بأنك ما تلغي عقلك لما تجي تتكلم في منبرك الكذوب 😡😡

📰 التيار

🔹 مصادر عسكرية : البرهان يمارس مهامه ولم يقدّم استقالته

البرهان ما من مهامه الحكم عشان كدا لازم يمشي هو ولجنته الامنية بتاعة قوش 😬😬

📰 التيار

🔹 إنزال صورة واسم الرئيس المخلوع من أبراج الشرطة

الشرطة اذا لسة فيها الطيب بابكر وكيزانو ما في فايدة لانزال صورة واسم اللص 😡😡

📰 أخبار اليوم

🔹 المتحدث باسم نداء السودان : فشل قوي (اعلان الحرية) في تشكيل جسم قيادي

قوي إعلان الحرية والتغيير لو ما عندها جسم قيادي ما كان انجزت ثورة يا فالح 😬😬

📰 أخبار اليوم

🔹 تفاصيل جديدة حول فتح نيابة المال العام ملف فساد بيع خط هيثرو

ولميتو في العبيد فضل المولي والرشيد ولا البرهان هربهم برضو 😡😡

📰 الوطن


🔹 الأمم المتحدة تدعو لانتقال سلمي للسلطة في السودان

هنا تدعو وفي كل الدنيا بتدخل عشان تحمي المدنين ولا الكيزان لسة بدفعوا ليهم رشاوي 😬😬

📰 الانتباهة

🔹 مواطنون يتقاسمون أراضي رجال أعمال ببحري

المجلس العسكري دا لو قرر يتجرجر لسة القيادة ذاتها بتتوزع قطع سكنية 🤔🤔

📰 الانتباهة

🔹 فتح ملفات الفساد في الصحة الاتحادية

شوفوا معاكم الولائية الأكل بيها مامون حميضة حليب الأطفال ودمهم 😡😡

📰 الانتباهة

🔹 سامي سعيد : مراسيم بيان”الإنقاذ” خلت من مصدر التشريع واللغة

اصلا ما في مصادر تشريع في مراسيم لكن دي لولوة اذناب الكيزان في المجلس العسكري 😬😬

📰 الانتباهة

🔹 الدقير : العسكري سيواجه مصير البشير حال رفض تسليم السلطة

ما تتراجعوا من اسقاطوا وكل الشعب السوداني معاكم من أجل الحرية ✌🏻✌🏻

📰 الانتباهة

🔹 الكشف عن إغلاق”بلوفة” محطات مياه بالعاصمة

يعني الكيزان عاوزين يعملوا الحركة الكان بتهموا بيها المعارضة زمان 😳😳

📰 آخر لحظة

🔹 الهيئة : قطوعات المياه بسبب نقص الكهرباء

والكهرباء دي مسؤولية منو يا شمس الدين ولا انت تاجر دقيق بس 😡😡

📰 آخر لحظة

🔹 عبد الحي يوسف : الناس تعاني ومن يزيد المعاناة عليهم”آثم”

معناها انتو كلكم آثمين يا شيوخ الحيض والنفاس بسكوتكم علي قتل النفس 😬😬

📰 آخر لحظة

🔹 جوبا : الدعوات للتظاهر محاولة لاستيراد الفوضى

دا نفس الكلام الكان بقول فيهو عمر البشير وصلاح قوش بداية الثورة 😡😡


📰 الصيحة

🔹 النيابة تبدأ التحقيق مع البشير ورموز الجبهة الإسلامية حول انقلاب 89

ودا هسي بلاغ عاوز ليهو تحقيق من نيابة الكيزان الفاسدة 😬😬

📰 الصيحة

🔹 سفير السعودية لـ”الصيحة : ”500″ مليون دولار ستدخل خزينة”المركزي” خلال ساعات

انا شايف احسن ليكم تحترموا نفسكم وتبطلوا تدخل في شأننا يا بن سلمان 😡😡

📰 الصيحة

🔹 المجلس العسكري يعقد اجتماعًا عاجلاً بشأن المياه والكهرباء والوقود

اجتماعكم دا زي اجتماعات ايلا ومعتز سلموا السلطة وامشوا حلايب والفشقة 😡😡

📰 الصيحة

🔹 توقعات بانخفاض الحرارة وهطول أمطار في بعض الولايات

نحن صابنها حتي لو صبت في رأسنا حمم ما فايتين بدون حكم مدني كامل ✌🏻✌🏻

📰 السوداني

🔹 المجلس العسكري يطلب تفاوضًا مشروطًا و”الحرية والتغيير” ترفض

هو المجلس العسكري ذاتو الاداهو تفويض منو يا شمس الدين بتاع الدقيق 😡😡

📰 السوداني

🔹 فساد بمئات الملايين في قطاع المواصلات بولاية الخرطوم

دا العادي الغريب انو يكون مافي فساد بالقطاعات الحكومية يا كيزان 😬😬

📰 السوداني

🔹 وفد مقدمة الحركة الشعبية شمال والجبهة الثورية في الخرطوم اليوم

والتمن بجيبوهو معاهم ولا بقعد في البنك الاهلي المصري 😳😳

📰 السوداني

🔹 إيران تهدد بتدمير الأسطول البحري الأمريكي

من قمنا إيران بتهدد امريكا واسرائيل وبتضرب الدول العربية 😬😬

📰 السوداني

🔹 الشركة المغربية تنفي تورطها في تهريب ذهب من السودان

نحن عارفين البهرب الدهب من جبل عامر او شمال السودان منو 😡😡

📰 السوداني

🔹 المسجل التجاري يوقف تغيير مديري الشركات ونقل الأسهم

بعد كل السجلات اتغيرت والاسهم اتنقلت مافي داعي للحركة القرعة دي 😬😬

✌🏻 بشير اربجي ✌🏻

✌🏻 Basheer Arbagi ✌🏻





تعليقات 0 | إهداء 0 | زيارات 629

خدمات المحتوى


بشير اربجي
بشير اربجي

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2021 alrakoba.net - All rights reserved

صحيفة الراكوبة