المقالات
السياسة
امنحوا حميدتي مساحة للطبزات
امنحوا حميدتي مساحة للطبزات
05-22-2019 03:49 PM

حميدتي ده الناس تديهو مساحة للطبزات..
واضح انو الراجل شايف ناس الخرطوم ديل ناس مدلعين ولسة تصرفاتهم ما واقعة ليهو ولسة هو في حالة اندهاش من البحصل قدامو..يوم داك قال ناس الخرطوم ديل ما حاسين بنعمة الأمان..طبعا هو قصده ما مقدرين نعمة الأمن.. لكنه في نفس الوقت قال انهم ناس مرتبين ومنظمين وعارفين شغلهم ولولاهم كان حكومة البشير استمرت 30 سنة أخرى..

الزول ده متعود يمشي أي حتة عساكرو يحلقو للناس صلعة ويدقوهم بسوط العنج والموضوع يمشي عادي..لمن حصلت الثورة لقى الناس العزل المدلعين ديل ممكن عادي يتشعلقوا ليهو في تاتشراتو زي الما حاصل حاجة..
انا قصدي الناس ما تقوم نفسا معاهو حتى لو تكلم عن الاضراب (اضراب ايه اللي انت جاي تقول عليه..كان عملوها الاشطر منك) أو عن حسم الفوضى بل وتتوقع منو مزيد من الطبزات الى حين استيعابه وفهمه لحقيقة الاوضاع..
دي نفس قصة الشاعر الدخل على الخليفة عشان يمدحه وقال ليهو: انت كالكلب في الوفاء وكالتيس في قراع الخطوب..لمن الناس هاجت كيف تقول على الخليفة كلب وتيس الخليفة قال ليهم كده ادوهو فرصة يعيش بين دجلة والفرات سنة ولمن تم سنة رجع وقال: عيون المها بين الرصافة والجسر جلبن الهوى من حيث أدري ولا أدري.. البيت الذي تم تصنيفه كأجمل بيت قيل في الغزل في الشعر العربي..
حميدتي نفس الشي.. هسة حيطبز كتير لكن يوم من الأيام حيتعلم..

مشكلتنا مع حميدتي مش الدراب القاعد يقولو ده مشكلتنا معاهو أعقد من كده بكتير خالص..
مشكلتنا معاهو في طبيعة قوات الدعم السريع نفسها وعقيدتها القتالية ولمن تتبع الخ الخ والمشكلة دي لن تحل بين يوم وليلة وبتحتاج الى حكمة في التعامل وطولة نفس وقدر كبير من المسئولية والحاجة دي ما تقدر تعملا الا الحكومة الجاية، عشان كده الناس هسة تنسى حميدتي قال وحميدتي ما قال وتسرع بتذليل العقبات التي تحول دون تشكيل هذه الحكومة التي ينتظرها كل الشعب السوداني بفارغ الصبر.

فيسبوك





تعليقات 2 | إهداء 0 | زيارات 1829

خدمات المحتوى


التعليقات
#1830552 [أبو النجا]
0.00/5 (0 صوت)

05-23-2019 04:09 PM
يا محمود ظلمت الشاعر صاحب بيت الشعر الشهير

عيون المها......الخ حينما شبهته بحميدتي ، لقد إلتمس فيه الخليفة عذوبة ورقة لذا بعث به إلي مكان بيئته فوصف ما وصف بكل عذوبة ورقة يتمتع بها.

حميدتي حتي يوم الله هذا ليس له مفهوم للوطن السودان ، فالوطن عنده هو حميدتي ، والشعب هو جنوده الذين يقاتلون مقابل المال له ، وخزينة الدولة هي حسابه الخاص والذي يأتيه من الأرتزاق بإرسال جنوده مقاتلين أو سالبين أو قاطعين للطريق ، هل تري عذوبة ورقة في هذا...؟؟

لا يعرف حميدتي عن الزراعة والصناعة وحب الأوطان شيء حتي يكون ممثلنا ،حميدتي عبارة عن ورطة ورطنا فيها عمر البشير بقصر نظره وحبه اللامحدود للسلطة.


#1830441 [امير حسن]
0.00/5 (0 صوت)

05-22-2019 05:05 PM
حميدتي الان يعمل وينجز ويتحدث ويرسم في ملامح الديمقراطية ولا يابه بالمنظراتيه


ردود على امير حسن
Saudi Arabia [فريد] 05-23-2019 04:11 PM
فاقد الشيء لا يعطيه...

بعض اليائسين رأوا في شخص حميدتي خلاصهم من المجلس العسكري الأنتقالي ومماطلته وتعمدوا أن ينسوا أن حميدتي ماهو إلا قاتل مأجور فكيف له أن يكون رسول الديمقراطية في السودان...؟؟


محمود ميسرة السراج
محمود ميسرة السراج

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2021 alrakoba.net - All rights reserved

صحيفة الراكوبة