المقالات
السياسة
ورطة حميدتي
ورطة حميدتي
06-02-2019 05:45 PM

ورطة حميدتي

كل ما تلوح بوادر اتفاق بين المجلس العسكري وقوى التغيير حميدتي فاهم كويس منصبو ده حا يروح يقوم يطلع ويطربق ويورجغ ويبعد الناس عن الاتفاق ويخلق جو غير صحي
بل وبما اوتي من مال يسعي لاعادة انتاج البشير في ثوب جديد عبر خلق شعبية زائفة من المرتشين من الادارات الاهلية وتجار الدين
ويمضي يتحدث في امور تنفيذية بما لا يفهم وخلفه اعلام يطبل ويعيد نفس القوالب الخبرية للعهد البائد زي .. حميدتي يوجه بصرف تلات رواتب ..حميدتي يوجه بإعادة تاهيل السكك حديد .. حميدتي يتعهد بمكافحة الفساد
سكة حديد حميدتي ما بفهم فيها ولو كان بتتأهل بتوجيه ما كان ثرنا على البشير ..ده طريق طويل من وضع الخطط والبحث عن البدائل والتمويل ده شغل بتاع صنايعية مؤهلين لن يكون على راسهم و لن يخضعوا لتوجيهات واحد زي حميدتي
بعدين مكافحة الفساد شغل شاق من الارادة والعزيمة والتاهيل بما لا قبل لحميد تي من استيعابه
هناك بعض الارزقية بحاولو يصوروا للناس إنو حميدتي ذكي نقول ليهم ذكاءحميدتي قد يكون مفيدا في معرفة دروب الصحراء او سلالات الابل او حتى تكتيكات حرب الغوريلا ولكنه لن يفيده في ادارة الدولة او حتى تدريب الهلال مثلا
وللبيقول نصبر عليه حا يتعلم وبجيب مستشارين نقول ليهم بلدنا دي ما حقل تجارب نحن مش عازين صاحب خبرة وتأهيل و كفاءة بس نحن من بينهم عايزين المبدع والخلاق والقادر على تقديم حلول استثنائية سريعة تمرق البلد دي من ورطتها
انشط السودانيين في السياسة ياهم الناس الفي النت ديل حقو تركز مع خازوق البشير ده شوية ... الزول عادي يجهض الثورة ويرجع الناس لظلام احلك من عهد البشير.
#مدنية





تعليقات 0 | إهداء 0 | زيارات 1483

خدمات المحتوى


الهادي بورتسودان
الهادي بورتسودان

مساحة اعلانية




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2024 alrakoba.net - All rights reserved

صحيفة الراكوبة