المقالات
السياسة
المجلس العسكرى كذاب وجبان كمان
المجلس العسكرى كذاب وجبان كمان
06-11-2019 07:13 PM

المجلس العسكرى كذاب وجبان كمان

المجلس العسكرى اعلن عن اجراء تحقيق مع القوه العسكريه التى قامت بفض الاعتصام وانه حصل على ادله ضد عدد من منسوبى القوات المسلحه وسيقدم البعض من الذين فضوا الاعتصام من العسكريين للمحاكمه وان المجلس العسكرى لم يكن لديه رغبه فى فض الاعتصام اى ان القوه التى فضت الاعتصام تصرفت لوحدها وفضت الاعتصام امام القياده (الجزيره)
وبعد ان ثبت امام العالم ان المجلس العسكرى كذاب هاهو المجلس العسكرى يثبت لنا انه جبان كمان فهو يريد ان يتملص من فض الاعتصام ويتملص منه ليضحى ببعض الجنود ...... !! هل هؤلاء قاده عسكريين وفرقاء كمان وفى الجيش السودانى؟ !!! عرفنا القائد العسكرى يضحى بنفسه ويتحمل المسئوليه هذا فى كل العالم وشاهدنا القائد العسكرى عندما يخطىء احد جنوده يتحمل المسئوليه ويستقيل والبعض يضرب نفسه رصاص اذا تسبب الخطأ فى سقوط ضحايا ولكن لم نسمع فى حياتنا بقاده عسكريين كضابين مثل ناس المجلس العسكرى وجبناء لدرجة التضحيه بجنودهم من اجل انقاذ انفسهم يامجلس ياعسكرى انتم قلتم بفخر انكم أمرتم بفض الاعتصام وبررتم ذلك بان هناك ممارسات لا اخلاقيه ولا دينيه فى ساحات الاعتصام ورايت بعينى ان درجة الانحطاط بلغت بكم حد عرض ملابس داخليه لنساء سودانيات (ليراها العالم ) لتثبتوا ان ساحة الاعتصام كانت عباره عن ساحة دعاره ومخدرات وهناك ممارسات جنسيه كانت تجرى فى ساحة الاعتصام وعرضتم بعض الشبان والشابات مخدرين ويغنون ويرقصون فى الساحه (رايته فى قناة السودان الرسميه )
وسمع العالم كله الفريق كباشى وهو يقول ان ساحة الاعتصام اصبحت خطر على امن المواطنين ...... من امر بنشر هذه الأوساخ فى قناة السودان الرسميه غيركم يامجلس العسكرى ؟ الان بعد ان اصبحت جريمة فض الاعتصام ستصل بكم كمتهمين فى محكمة الجنايات الدوليه وان مساعد وزير الخارجيه الامريكى فى طريقه للسودان بداتم التملص منها فى وضح النهار عيب ياقادة القوات المسلحه السودانيه عيب ان يسجل فى تاريخ القوات المسلحه المشرف ان قادتها وبرتبة فرقاء وصلوا لهذا الحد من الانحطاط كان اشرف لكم الانتحار من هذا العار

محمد الحسن محمد عثمان
[email protected]





تعليقات 2 | إهداء 0 | زيارات 675

خدمات المحتوى


التعليقات
#1834672 [ود الجنيد]
1.00/5 (1 صوت)

06-11-2019 10:58 PM
منقوووووووووووووووووووووووووووووووووووووووووووووووووووول

زي ما جاني
والله اعلم
وحق الشهداء ما بنخليهو برضو

كما وردني ولكم حق الراي..

نص الرسالة
حميدتي ولد بلد اصيل وبرئ من ما تقولون وما يمكر الكيزان المجرمين والله علي ما اقول شهيد..

اول شئ اعرفكم بنفسي انا كنت واحد من قوات الدعم السريع برتبة ملازم من كتم واهل حميدتي اهلي وعلاقاتي بكثير من الاخوة في قوات الدعم السريع كبيرة ومستمرة اتصلت علي اخي وصديقي رائد في الدعم السريع من اقرباء حميدتي القريبين جدا وقريبي انا برضو موجود في الخرطوم لما اتكلمت معه كان في الجيلي تحديدا بعد السلام واستعادة بعض الذكريات والحديث الجميل دخلت في الموضوع واستحلفته بالله ان يحكي ماحصل في القيادة وهل هم من فضوا الاعتصام وقتلوا المعتصمين لاني انا ايضا كنت من المتأثرين جدا بالموضوع وكنت مصر اعرف الحقيقة لاني اعرف حميدتي جيدا اذا وعد لا يخلف بالساهل وحديثه واضح طول فترة السنين القضيتها في الدعم السريع خصوصا انني سمعته وقال لن نفض الاعتصام ولو عايزين نفضو مابنغدر بنجيكم عديل نقوليكم عايزين نفض الاعتصام وكلمة حق اقولها في حقه والله طول فترة عملنا في الدعم كان بنصحنا ويهددنا عديل ماتعتدوا علي اعزل وماتقتلوا الا من يحمل سلاح ويقتلكم البشوفو قتل وثبت عليه شئ بحاكموا
حتي لو كان عبدالرحمن اخوي وفعل ذلك كثيرا فيمن تحاوزوا في دارفور وجبال النوبة عاقب كثير مننا في ناس اعتدوا علي الزرع وليس البشر
نرجع للموضوع سألت صديقي وقريبي ماحصل
في فض الاعتصام
حاول يتزاوق مني لكن اقنعته بي حديث له معزة بيننا وزكريات جميلة قال لي اتصل علي بعد
الساعة 12 بالليل
قلت ممكن يكون معه ناس سكت وودعته
الساعة 12 وعشرة دقائق بالضبط اتصلت عليه
ما رد دقيت تاني بعد خسمة دقائق رد علي قلت
ليه احكي طوالي وده كلامه مافيه زيادة ولا نقص
شوف يا اخوي .... والله حميدتي شايل هموم الجبال ماتشيلها واقوليك بالواضح اتورطنا عديل كده لا قادرين نطلع لا قادرين نستمر والكلام كتير وله ما قبل فض الاعتصام لكن ندخل في موضوع فض الاعتصام حميدتي رافض فض الاعتصام تماما بالعكس كان بمدح شباب الاعتصام وكان الاعتصام امان ودعم لنا وحميدتي لو عنده نية يفض الاعتصام كان شاركنا في فض التظاهرات من الاول ومن بدايتها لكن كان رافض نهائي ضرب العزل او قتل انسان اعزل زي ما انت عارف ايام كنت معانا
لكن انت عارف في الفترة الأخيرة ما حصل في الدعم السريع من تهجين وكسر جهاز الامن معنا والفرقة الجهادية الخاصة..
دي ما حضرتها انا سالتو عنها قال لي ديل اسلاميين متشددين قيادتهم عليا ومدربين علي مستوي عالي جدا خصوصا في القنص الرصاصة لو وجهوها للعين تمشي العين ..
نرجع لي حديثه ماحصل في القيادة يا .... اخوي حصل ضغط كبير جدا علينا من القيادات والتيارات الاسلامية وبعض الشخصيات التي تدعمنا بعد تضخيم شباب كولمبيا والله نحن كنا عارفين قد يحصل شئ بتكبير موضوعهم لكن ما كان ظاهر هناك تمرد داخل قواتنا من الاجهزة الاخري المهم اتفق الجماعة في جهاز الامن بتولي المهمة وطرد شباب كولمبيا فقط دون المساس بالمعتصمين من كبري النيل الازرق فوق حتي القيادة حتي لا يثيروا الشعب والمجتمع الدولي وخصوصا العالم كله نظره علينا لكن انت عارف الاعيب الحركة الجهادية اتفقوا ان يقوم بالمهمة 700 فرد فقط بالخراطيش وعدم حمل السلاح الا من عدد 20 فرد فقط لحماية البقية اذا دعي الأمر وحتي لا يحدث اي احتكاك او اقتراب من محيط الاعتصام
وافق برهان وحميدتي وكان كباشي فقط علي علم بذلك حسب ما عرفنا لاحقا البقية لم يستشارو في الموضوع ناس ياسر وصلاح .
والله هذا ماتم تماما لكن الجماعة الاخرين كان مخططهم شئ تاني انا طبعا كنت في مقرنا في
جبل اولياء ما مشيت بس الحصل الساعة واحدة صباحا دخل بالبوابات الغربية للقيادة مجموعة كبيرة من جهاز الامن تقدر بحوالي 800 فرد بزي الدعم السريع وسحبوا افراد الجيش من القيادة وبواباتها وفيهم 100 فرد او اكثر لبسوا لبس الجيش وقعدوا في البوابات افراد الجيش التم سحبهم من البوابات ماعارف مصيرهم والله سالتو انا بكونوا كتلوهم
قال لي اما كتلوهم او محبوسين في مكان سري والله اعلم .. طيب كمل الحصل
ايوة قبل ساعة الهجوم بفترة الجماعة قالوا اسحبوا قوات الدعم السريع حتي لا يكون هناك خوف او هلع في حدود القيادة فقط قليل من المرتكزين في نقاط معينة وبعيدة وده سبب تواجدي اما في حبل اولياء وكثير من جماعتنا ..
الجماعة اعدوا عدتهم وفي لحظة واحدة جو متحركين ثلاثة افواج الاول من جهة جياد والثاني اتجمعوا في الخرطوم جوة حوش الاحتياطي المركزي والثالث جاء من كرري جماعة جياد والاحتياطي المركزي جو لابسين لبس شرطة جهزوه قبل فترة من مصنع كيو سور وجهزو عدد 200 عربية تقريبا بلا لوحات من مصنع جياد ومخازنه واكد ليك يا ودالخالة والله ديل ما تابعين للدعم نهائيا تبع الفرقة الخاصة الكتائب عددهم 2700 تقريبا منهم 20 قناص جروا طلعوا مدينة البشير الطبية والباقين من جهاز الامن والدبابين وجماعة زولك المكروه عرفتو هارون القال بحاربنا بيهم ايام مشكلتو معانا دخلوا بعرباتنا جماعة كرري كلهم لابسين دعم سريع ديل جزء منهم جاء بي بحري والاخر بي شارع النيل كانوا ظابطين الوقت عشان ماتحدث اخطاء اختصر ليك دقوا المعتصمين والقناصة اشتغلوا من فوق الما يجري ويقيف كلو استهدفوه والعصي والخراطيش والضرب جماعة هارون حقد شديد الجماعة التحت كانوا ما قتلوا زول فكو نار في الهواء وعشان ما يثبت شئ عليهم احتياطيا من التصوير المهمة قام بيها القناصين وحدة الرماية من العمارة فوق وتقريبا في كم واحد تحت برضو ضربوا بس الاغلبية من القناصة وبعد ما انتهوا عملوا حظر علي المنطقة لي حدود بري والخرطوم جوة وكتمو المنطقة كلها لما انتهوا من
كل الاثار سريع واخلف ليك بالله يا ..... والله كل الحصل ده نحن ماكنا عارفين ولا حميدتي وبرهان
ما عارفين لكن اسيكنا وبقينا امام الأمر الواقع ضرانا التهجين والان نحن بين خيارين اما نقتل اونقتل مع المهجنين وعددهم كبير يمكن اكتر مننا واما ناكلها ونسكت وقريبنا ما عارف يعمل شنو
والله بطنوا طامة ولا قادر يطلع يقول حاجة كل القالوا اتصرف انت يا برهان ورطونا بس قايتو
نحن مستعدين لاي حاجة في اي وقت وسمعت
من الجماعة قالوا ممكن ننسحب برة الخرطوم
وحميدتي لو انسحب شايف افضل المهجنين
بضعفوا لو جماعة الجيش شدوا حليهم وبقدر
عليهم براهم هم معتمدين علينا بس يا .... انت عارف الجيش لو دق الجهاز والكتائب برانا مابنقدر عليه لو قلب علينا وده المشكلة المحيرة زولنا.
اسئلتي ليهو في مسجونين زي صلاح قوش ونافع وعلي وباقي الجماعة قال لي والله بي عيني ماشفت زول مسجون منهم واللعبة كبيرة علينا كلنا ربك يستر ارجع لي تاني بديك الاخبار.

سالتو الناس البدقو في الشوارع بلبسكم ديل منو قال لي جيش احمد هارون

طبعا ده الحصل كله كما رواه لي واستحلفتو بالله وانا كنت بسأل وبستفسر اثناء الحديث والله كتبتو عشان الصوت مشكلة ماعايز ادخل في مشكلة مع الاهل او صاحبي واستاذنتو في النشر كتابة اتردد شوية واقنعتو بدون ذكر اسماء وتفاصيل دقيقة وقلت ليهوبفيدكم لي قدام لما الامور تتضح
وافق بالنشر
منقووووووووووووووووووووووووووووووووووووووووووووووووول
#سوداني


#1834658 [SUDANESE]
1.00/5 (1 صوت)

06-11-2019 09:28 PM
ديل كيزان ممكن يعملوا اي حاجة


محمد الحسن محمد عثمان
محمد الحسن محمد عثمان

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2021 alrakoba.net - All rights reserved

صحيفة الراكوبة