حضن الوطن
06-20-2019 05:57 PM

حضن الوطن
دايرك يا وطن نسمة تفوح تعم كل الناس
وريدك يضوى جباه الغبش أمان وسلام ووفاء واخلاص
وتدوي طبول افراحك وترن اجراس
ونعيش في محنه بالامل احساس بدون احقاد ولا وسواس-
تطرى الصغير وتلوليهو بين يديك وتصبح لعينيهو نور ونبراس-
- وتنادي الكبير وتواسيهو وغيمك عند المحنة يبقي ليهو سند متراس
وتنادي الكبير وتواسيهو وغيمك عند المحنة يبقي ليهو سند متراس
انت للفقير عشي البايتات و زاد وللكرم ساس
ولاهلنا الطيبين وشاح ولباس
ودايرك يا وطن دلوكة عرس لما يدقوها تفرح كل الخلق والاجناس
ولانك ديمة يا وطن بتفرحنا بين مدن ريدك وتجمعنا بين أحضانك
وتشيل ماسينا لما نشقي وتواسينا بين خضرة بستانك
-انت النور لعينيا والبهجه لدواخلنا وفي ارواحنا غالي مكانك
كنا صغار نجري ونلعب في ساحاتك وفي ميدانك
ونشيل عطر كل زهره حانيه من ربوع جنانك
ولما مطرك ينزل ويغمر كل وديانك نفرح ونحس بحبك وحنانك
كنا صغارك عشنا جنه نطوي الليل بمحنه ونحلم ببكره في أمانك
ونصحى في دقشيه من النوم نمشى مدارسنا بهمه بلا أحزان ولا هموم
ونرجع في طهريه نذاكر درس اليوم-
راحت ايام الزمن الجميل المعلوم-اصلو الايام الحلوه ما بدوم
وكنت الوطن الواحدلا مقسوم ولا مزموم ولا مهضوم
ولا ظالم ولا مظلوم
ومنانا يرفرف حلم الوطن الحر لا بينا زعل ولا لوم
وتبقي العبره بالوطنيه والحريه بدون قبليه
ولا لون من نيالا واالي حلفا وللخرطوم

//////

الشاعر ودرجب
[email protected]





تعليقات 1 | إهداء 0 | زيارات 228

خدمات المحتوى


التعليقات
#1836834 [عمر كوستى]
0.00/5 (0 صوت)

06-22-2019 10:15 AM
كلمات روعه---تدعو للامل لوطنا---نتمنى يكون الكل بهذه المعانى والصفاء تحياتى لك شاعرنا ودرجب


الشاعر ودرجب
الشاعر ودرجب

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2021 alrakoba.net - All rights reserved

صحيفة الراكوبة