من يتحدثون عن الحرب الاهليه في السودان وانها لن تحدث ونحن غير اليمن وغير سوريا وليبيا والعراق !! نحن شعب "معلم"ونحن شعب "واعي"ونحنا شعب عندنا "ارث سياسي عريق "ووووو وكثير من العبارات الرنانه.. ترديد هذا الكلام هو من قبيل دفن الرؤوس في الرمال..ويجافي الحقائق على الأرض .. ماهو تعريف الحرب الاهليه ؟؟ هل توقفت الحرب الاهليه في السودان منذ الاستقلال ؟اذا استثنينا الفتره من 1972 الي 1983 فترة اتفاقية اديس ابابا بين نميري والأنانيا ون بقيادة جوزيف لاقو.. هل الحرب الاهليه لاتصبح حرب أهليه الا اذا راينا هذه الميليشيات تقتل الشباب في شوارع الخرطوم؟؟ حرب الجنوب كم مات فيها من الأبرياء ؟اليست هذه حرب اهليه ؟ كل من عاش في الجنوب وعايش حرب الجنوب يعرف تماما كمية القتل والإباده لقرى كامله فقط لان رصاصه انطلقت من داخل تلك القطيه او من خلفها..ثم انفصل الجنوب وراح لحال سبيله... ماذا يحدث في دارفور؟؟أليس هؤلاء من هذا الشعب المعلم صاحب الإرث السياسي ؟؟رحم الله الدكتور خليل ابراهيم عندما ساله المذيع ،لماذا اتيتم للقتال في الخرطوم؟كان رده جئنا الخرطوم يا عزيزي ليعرف اهل الخرطوم بمشكلة دارفور ومدى مرارتها لانهم لايعرفون عنها شيئا !! جنوب كردفان وجبال النوبه والنيل الأزرق ..ماذا يحدث فيها ..اليست حرب اهليه؟؟ باختصار يبدو فعلا اننا عايشين في اوهام ..نحن سبقنا اليمن ليبيا والعراق وسوريا في الحرب الاهليه ..لكنهم تفوقوا علينا بالإعلام الاعلام الاعلام..العربي والغربي ....وايضا تفوقوا علينا في اعلام الموبايلات والهواتف الذكيه ومواقع التواصل الاجتماعي ..فظهرنا وكاننا نعيش في جنة الله في الأرض والأمن والأمان وهم في الحروب الاهليه !! نحن ياساده في حالة حرب اهليه لعشرات السنين راح ضحيتها مئات الآلاف..والان بدأت هذه الحرب الاهليه تتسرب للمدن بمافيها العاصمه الخرطوم..ليس لان البشير كان حافظا للأمن ،بالعكس نظام البشير اكثر نظام ساهم في اشتعال هذه الحروب الاهليه وتسليح هذه الميليشيات التي ستحرق ماتبقى من السودان ..لذلك زاد التوتر وزادت ضربات القلب ..وزاد الكلام عن هذا الشعب المعلم!!!نحنا ياساده لا شعب معلم ولايحزنون ..وهذه الحرب التي حصدت الآلاف في الأطراف وشردت وحرقت واغتصبت هي في طريقها للوسط النيلي .. اصحاب عبارة "نحن شعب معلم"الا اذا كان المقصود انو الالاف في دارفور والجنوب وجنوب كردفان والنيل الأزرق "القاتل والمقتول "ليسوا من هذا الشعب المعلم.. هذا الكلام قد لايعجب الكثيرين والمتفائلين لكن الحقائق على الأرض عسكريا وسياسيا تشير الي ذلك.. اخيرا اهلنا بيقولوا شنو؟ "اسمع كلام البيبكيك ولا تسمع كلام البيضحكك" انا حزين لما يحدث في بلادي وأكثر حزنا على المستقبل المجهول د الصادق عبدالله..ايرلندا

2 | 0 | 528

• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

حقيقه والله

الحرب في الجنود و مافي زول طلع مظاهرات
الحرب في دارفور وابادة جماعية برضو مافي زول طلع مظاهرات ضد النظام
الحرب في الشرق برضو مافي زول طلع مظاهرات

قبضو اولاد الناس في الشوارع إلزامية وبرضو مافي زول طلع مظاهرات ضد النظام

الشياطين تكبرت وجبرت بسم الدين في الارض

والله يعلم الثورة دي رحمة
والبحصل الان كامن رحمة رغم صعوبة الوضع

انت قادر تتخيل البلد اذا ماكان في ثورة
او
رئيسك حميدتي

يازول الناس تحمد لله سندهم وفتح ليهم عيونهم علي الحق
وصولهم المرحلة دي

الجنجويد نتيجة طبيعية كأنو برة واتجاهلنهم الان دخلو جوي شي طبيعي
الناس ثبت وتاخذ حقها
وراء مافي تاني
ديل منتظرين فيك فرصة
وكور واحد اتحاسب مافي

السودان كان ماشي هاوية مايعلم بيها الا الله

انت فاكر هاتخد حريتك وعندك ماضي ثقيل ذي دة كدي اونطي

لاز موت ولازم موجة
الثورة شغالة
محتاجة الان وبسرع فرصة قوة تحميها

الاكثر مشاهدةً/ش

الاكثر تفاعلاً