المقالات
السياسة
الخضر ولدى-- مهداة لكل ام شهيد
الخضر ولدى-- مهداة لكل ام شهيد
07-16-2019 05:43 PM

الخضر ولدي---تحكى حال كل ام شهيد
ياني صابر رغم البي
وفي جواي ياعشاي ديمة طاريك أجمل شىء
كنت صغيري البلوليك في نهاري وليلي
وضحكاتك بتسري من عينيك لعيني
وبحنية أقرا في خديدك بتقول ليا
يمة أنشاء اللة أكبر وتشوفي سعدى وترضي علي
واوديك بيت اللة وترجعي وتبقي لدنياي ضي
وأفرح بيك مثل ماكنتي زمان بتفرحي لما تطبطبي فوق خديَا
ما أصلو حنانك هو الدائم هالة حواليا
يوم وراء يوم و لقيتك قدامي صبي
تقالد وتوادع وتجمع في وليدات الحي
ياكا الخضر ولدي كنت ركيزة لي
وينو وعدك وكنت بدور أشوف يوم سعدك وأخَت هلالك في جبينك بايدي
حليلك انت ياجني حليلك انت ولية عن ازماني
غبت
كنت لدنياي فرح ولجواي مرح
ومالي الدنيا عليا
وفجأة رحلت عن عيني
وسبت الدنيا أم طريق نى
وأصبحت دموعي وراك تسيل
ونبض قلبي بقي شويَ
والعبرة خانقني من صدري
لشفتيَ
ولو الزمن بنسي الاحزان انا يا زمن الحزن فاض بيا
بكاي في جواى ساقية تدور ما عرفت نفسي ميت ولاحي
بوداعك اللة يا جنى وبسأل اللة يوم الجساب يلاقيك بي////

الشاعر كمبال ودرجب//الدوحه
[email protected]





تعليقات 0 | إهداء 0 | زيارات 298

خدمات المحتوى


الشاعر كمبال ودرجب
الشاعر كمبال ودرجب

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2020 alrakoba.net - All rights reserved

صحيفة الراكوبة