ثورة هامش
07-22-2019 03:23 AM

ثورة هامش

رغم الحرق والموت بالجمله

صباح مساء غارات وقنابل

ورغم سكات الناس في المركز

وفي الزنزان كلباش وسلاسل

نحنا الهامش ..ثوره..وصبه

فينا عزيمه دوام متواصل

محال تهزمنا عقول العسكر

يسقط راجل وينهض راجل

*** ***
ما بين احمد.. وبين حاج احمد

بات ميزان التنميه مائل

إتقسم كل موارد الهامش

أضحت أرضه مرتع ساهل

بترولو ، ودهبو ، وكل خيراتو

في جيبوهم راقده دوام متكاسل

وكمموا كل أفواهنا الصارخه

وكافئوا كل مداح الجاهل

*** ***
كل الهامش دون استثنا

بطون وافخاذ.. شعوب وقبائل

قوموا معاي بالوحده نشمر

ضد الجور والحكم الباطل

شان الظلم الأرسي قواعدو

لازم يسقط ويصبح زائل

ونعدل ملينا بالقانون

حريه سلام.. عاجل.. لا آجل

*** ***
ونبني قرانا بأصلب طوب

ويبقي جمالها الشغل الشاغل

يلانا نلملم كل أطرافنا

ونمضي خطانا.. دون فواصل

قطارنا الثائر ما بتتوقف

وبكره ح نسحق عرش القاتل

أحمد أبكر محمد علي
القاهرة يوليو 2019
[email protected]





تعليقات 0 | إهداء 0 | زيارات 191

خدمات المحتوى


أحمد أبكر محمد علي
أحمد أبكر محمد علي

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2020 alrakoba.net - All rights reserved

صحيفة الراكوبة