الأخبار
اخبار افريقيا والوطن العربي
عصابة الشفتة الأثيوبية تهدد بحرق قرى سودانية على الشريط الحدودي
عصابة الشفتة الأثيوبية تهدد بحرق قرى سودانية على الشريط الحدودي
عصابة الشفتة الأثيوبية تهدد بحرق قرى سودانية على الشريط الحدودي


طالبت المواطنين بإخلاء الأراضي الزراعية
03-19-2014 05:55 PM
الراكوبة القضارف: الراكوبة

هددت عصابة الشفتة على الحدود الأثيوبية خلال اليوميين الماضيين مواطني حوالي عشر قرى على الشريط الحدودي بين أثيوبيا والسودان بالترحيل القسري إذا لم يتنازلوا عن بقية الأراضي الزراعية التي أحتلها المزارعون الأثيوبيين منذ العام 1993م.
وتلقى مواطني عدد من القري من بينها قرية (كونري) وقرية (البرنو) و(سفاوة) التابعة لمحلية قريشة بولاية القضارف تهديداً صريحاً من العصابة الشفتة التي تمارس نشاطها الإجرامي على الشريط الحدودي بأن يتنازلوا عن بقية أراضيهم لصالح المزارعين الأثيوبيين الذين استولوا على حوالي خمسمائة ألف فدان زارعي بالفشقة الصغرى وحدها بعد محاولة الاغتيال الفاشلة التي تعرض لها الرئيس المخلوع "حسني مبارك"على الأراضي الأثيوبية وثبت تورط جهاز الأمن الخارجي التابع لحكومة الجبهة الإسلامية فى الخرطوم إبان توجهها الجهادي خارج السودان فى بداية التسعينيات.
وذكر عدد من المواطنين بالقرى المذكورة أن عصابة الشفتة التي يستخدمها المزارعون الأثيوبيين ضد نظرائهم السودانيين عادت مجدداً لتنفيذ عملياتها الوحشية حيث قتلت عدد من المزارعين وتوعدت البقية إذا لم يخلوا الأراضي فوراً.
وأستنكر مواطنو تلك القري صمت الجهات الرسمية على العمليات الإجرامية التي ظلت تمارسها الشفتة ضدهم منذ أكثر من عشرين عاماً.






تعليقات 37 | إهداء 0 | زيارات 8973

التعليقات
#948682 [همباته!!]
5.00/5 (1 صوت)

03-20-2014 10:25 PM
نحنه مالنا بقينه خنق ذي ماقال عادل امام!!!! يعني قاعدين في الحدود وماعندكم رشاشات تحشوا بيها اي حرامي!!! ياخي الكلاش بي 3مليون في الخرطوم!! يعني هناك بيكون بي الق احمر!!! حكومة شنو الراجينها دي حدها طرف الخرطوم!!! ماعنده التكتح جعير ساكت!!! عساكرها حراميه وبتاعين بسنس بس!!! كلوهم دايرين عمارات وبرادوهات!!! لو مالقيتو سلاح اشتروهو من اللمبي !!! قولوا ليهو بيعلينا سلاج بكره يجيبليكم طيارات بس الكمشن بره!! لكن احمينا وادينا مافي!!!!!


#948619 [كرم]
0.00/5 (0 صوت)

03-20-2014 08:00 PM
ده كله من تحت راس علي عثمان المعفن


#948467 [مواطنx]
4.54/5 (7 صوت)

03-20-2014 04:29 PM
علينا الأعتراف بأننا لا نعيش في دولة،نحن نعيش في تعبير جغرافي فقط يتحدث بأسمه مجموعة تملك قليل من المال والسلطة وكثير من الفشل!،هذه المجموعة التي تسمى بالأخوان المسلمين الداعمة لأجندات التفتيت والأقصاء،ستثمن هذه النزاعات مقابل بقائها،لذا فلنودع أبيي ولنودع حلايب وشلاتين ولنودع شرق السودان اذا ظلت هذه المجموعة تتحدث بأسم القطيع!الذي يقطن ويقتات من هذه التضاريس.

أثيوبيا 85مليون نسمة،ومصر فوق ال90 مليون،وهم دول بما يحمله الأسم من معنى!سواء دول نامية دول فقيرة او غيره المهم هم دول تحافظ على سيادتها وحدودها وتتطلع لمصالحها،فهل تظنون بأن هذه الدول ذات الكثافة السكانية العالية سيقفون موقف المتفرج من جيرانهم الذين يعيشون كقطيع الأغنام وهم لديهم توغل وانتشار جذري اثني داخل هذه التضاريس؟!!

الأعتراف بالمشكلة نصف الحل.


#948231 [ابو محمد]
4.80/5 (8 صوت)

03-20-2014 12:22 PM
(وأستنكر مواطنو تلك القري صمت الجهات الرسمية على العمليات الإجرامية التي ظلت تمارسها الشفتة ضدهم منذ أكثر من عشرين عاماً.)
في الحقيقة الجماعة الارهابية ما فاضية لهذه الترهات والتي تنادي بحماية الوطن !! فهذا الوطن لا يعنيها في شئ !! فهم ينتمون لوطن متوهم يرأسه تنظيم الاخوان الارهابي العالمي لتحقيق الخلافة الراشدة التي ساسوا بها البلاد والعباد طيلة ربع قرن من الزمان !! ولم تكن خلافة ولم تكن راشدة !! وما زالوا يتحايلون للتمكين بما اطلقوا عليه الحوار الوطني وهذا الحوار لا يوافقون عليه الا بعد ان يتم الحصول على موافقة الشعب السوداني الغير مشروطة وحصولهم على ختم عفا الله عما سلف هربا من المساءلة والحساب فهم اكبر من هذا !! ولا يملك احد سواهم حق المساءة والحساب !! وهذه الصغائر مثل احتلال حلايب وشلاتين والفشقة ومطالبة المحتل باجلاء المواطنين عن قراهم !! لا تشغلهم ولا تمثل لديهم اي هاجس على الاطلاق !! وهي اي الجماعة الارهابية على استعداد ان تدق جرس الدلالة على السودان وبيعه والتنازل عنه جزءا تلو الاخر وشبرا وشبرا !! ارضاء ومكافأة لمن يعينها على الاستمرار في السلطة ليتسنى لها الوقت لنفخ الروح في مومياء مشروعهم الحضاري !! والجماعة الارهابية معذورة لانها ما فاضية من تكديس الاموال وبناء الدور والقصور وشراء الفارهات وشراء مواطن اقامة لها خارج الحدود للهروب اليها توجسا من المارد الذي بدأ يتململ ويكاد ان يزلزل الارض تحت اقدامهم !! وما السودان في نظرهم الا ضيعة ورثوها من ابائهم كابرا عن كابر !! وبكل من فيه من بشر وحيوان وشجر ومدر !! والجماعة الارهابية مشغولة هذه الايام بعد ان اتلم شمل التعيس مع خايب الرجا في رسم خارطة طريق الاكاذيب الجديدة التي تعينهم في زيادة حصة التمكين لضمان استمرار المسيرة القاصدة واهو كله لله !!!


#948159 [usama]
4.60/5 (7 صوت)

03-20-2014 11:26 AM
حالنا ذي الجن الكان بيخدم سيدنا سليمان وهو ميت وهم ماعارفين
مافي جيش سوداني
كل الأطراف محتلة


#948143 [kori ackongue]
3.88/5 (4 صوت)

03-20-2014 11:17 AM
Khartoum has brought people from Mali, from Niger, from Northern Nigeria, from Northern Chad, from Hammas, from Egypt, from Afghanistan in 1990s, from Kuwait as many reports are stating that, and if so what is the problem of the Ethiopians to get benefit of what bribes the huge ones the regime of the Islamist Dabbabeen Amirs are getting from similar countries to be really seen Al Fashga at all? let all be of that kind but be sure that our beloved country Sudan is no longer that one.


#948012 [nagi]
4.00/5 (5 صوت)

03-20-2014 09:30 AM
يجيبوا سلاح ويريحوا نفسهم سواء عن طريق النهب او غيروا اي زول مقتدر من المزارعين يشتري سلاح لا ننا للاسف لا نملك حكومة ولا نملك سلطة علي اراضينا الا في المركز والمناطق القريبة من المركز ودونكم دارفور وكردفان وجبال النوبة والقضارف يا سادة الحكومة اضعف مما تتصورون ولكن الخوف الذي عشش في قلوب السودانيين هو الذي يطول في عمر الحكومة متي سنترك الخوف ومتي سنستيقظ من سباتنا العميق


#947979 [المشتهي الكمونية]
4.13/5 (4 صوت)

03-20-2014 09:09 AM
استعمار الأحباش ولا استعمار الأوباش


ردود على المشتهي الكمونية
[nagatabuzaid] 03-20-2014 10:19 PM
دى-قوية-شدييييييد-خسب-قول-شباب-الراكوبة


#947977 [عادل]
4.54/5 (6 صوت)

03-20-2014 09:07 AM
والله بقينا اهون شعوب الارض لا حول ولا قوة الا بالله


#947925 [ابولكيلك]
4.00/5 (4 صوت)

03-20-2014 08:32 AM
ارسلوا اليهم قوات التدخل السريع بقيادة موسى هلال ولا القوات دى متخصصة فى النهب والسلب واغتصاب النساء وقتل العجزة والاطفال يعنى احسن تاكلوا ناركم وخليكم على الشفتة احسن من زمرة الانقاذ .


#947905 [مدحت عروة]
4.63/5 (4 صوت)

03-20-2014 08:16 AM
اى دولة مجاورة للسودان دى فرصتها لتاخذ من الاراضى وتعتدى على مواطنين سودانيين لان الجيش والشرطة والامن ما فاضين ليهم عندهم مهام اخرى !!!
حاجة غريبة جدا حكومة الانقاذ مفروض تتعامل مع جبهتها الداخلية بالحوار والتراضى الوطنى وتورى المعتدين والمحتلين العين الحمراء والنار وطبعا من ورائها شعب حر ابى!!!!
الانقاذ عار على السودان!!!!


#947890 [amin silma]
2.50/5 (2 صوت)

03-20-2014 08:03 AM
with out nuba and black kingndoms peoples and darfurian theres no so sudan


#947865 [إلا الحقارة]
3.75/5 (4 صوت)

03-20-2014 07:42 AM
هؤلاء في ذمتكم وعليكم حمايتهم من الاحباش والاوباش ولا حول ولا قوة الا بالله يعني يحمو نفسهم بنفسهم دربوهم وادوهم السلاح


#947719 [عمر]
2.75/5 (4 صوت)

03-20-2014 03:24 AM
الحبش نسوا التاريخ ولا شنو ولا بصيدوا فى المويه العكره مع الحكومه وكم جندى الجابوهم بدارفور اقوليهم بحيره تانا دى زاته سودانيه ميه ميه


#947677 [معصور]
4.19/5 (6 صوت)

03-20-2014 12:24 AM
نصلح العلاقات مع الحبشة المصريين يعصرونا
نصلح العلاقات مع المصريين الحبش يعصرونا


ردود على معصور
United States [المشروع] 03-20-2014 12:06 PM
اذن ما في حل غير نعصرهم الاثنين - او نخلي الاثنين يعصرون
لكن ما اريد ان اقول لو انا كنت من ضمن المزراعين والله ما في واحد يشيل شبر واحد وليه منتظرين حكومة تجي تدافع ليهم عن حقهم

European Union [عادل] 03-20-2014 09:05 AM
فى الحالتين معصورين


لينا الله


#947671 [mohd]
4.80/5 (8 صوت)

03-20-2014 12:14 AM
على اهلنا في الفشقة تدريب ابنائهم وشراء السلاح وحماية اراضيهم وانتزاعها من الاحباش

هذه الحكومة جميع افرادها من بشيرها لاصغر حرامي ولص وكلب فيها ليس لديهم غيرة كلهم عبارة عن خنازير وليسوا برجال وانما هم قتلة لصوص لا يهمهم اراضي البلد او مواطنها وهمهم كراسيهم فقط وسرقاتهم وبزنسهم لا اكثر ، على الجميع حماية ارضه بسلاحه وان اعترضهم كلاب الانقاذ فابدوا بهم وغربلوهم واتركوهم للسباع فهؤلاء خونة يجب تصفيتهم فورا من لا يحمي مواطنه وارضه ومن يعذ مواطنه ويحنث باليمين لحماية الارض والعرض كما فعل السفيه البشير فيجب قتله وتصفيته فورا هو ومن معه من الانجاس العملاء الخونة


#947652 [ساب البلد]
4.13/5 (5 صوت)

03-19-2014 11:41 PM
******** قبل شهر تقريبا ******* هناك تعليمات للجيش في الحدود في ذات المنطقة الا يدخلوا في مناوشات مع عصابات الشفة ****** مما تسببت هذه التعليمات في خلاف بين العسكر و الضباط و تم اشتباك فيما بينهم ********


#947648 [بني عامراوي]
4.19/5 (6 صوت)

03-19-2014 11:39 PM
قصة حقيقية تبين خيابة الحكومة
قامت عصابة الشفتة الاثيوبية بنهب حوالي 300 رأس بقر من اهلنا البني عامر ، للعلم هؤلاء الشفتة خارج سيطرة الحكومة الاثيوبية ، طلب الرعاة من الحكومة السودانية مخاطبة الحكومة الاثيوبية لاسترداد الابقار المنهوبة ، بعد سنة ونصف مارس اهلنا نفس اسلوب الشفتة واستردوا الابقار المسروقة ، خلال ثلاثة ايام فقط امن وشرطة القضارف اصبحوا يعتقلوا في رعاتنا لاعادة الابقار لاثيوبيا .


#947619 [مجنون ليلى]
4.92/5 (10 صوت)

03-19-2014 10:45 PM
خلاص المخابرات المصرية بدأت الشغل ...


#947570 [AburishA]
4.54/5 (7 صوت)

03-19-2014 09:27 PM
** متى كان هذا النظام البائس يهتم بالمواطن ناهيك عن الحدود !!!

** دا لو شالوا القضارف بحالها يغض الطرف..ما عندوا مشكلة...ما دام بعيدة من الخرطوم !!!

** الزول بموت في شبر واطا في حالة التعدي.. والدولة تفرط في مئات الالاف من....

** الارض هي رمز الكرامة.. اذا فضل للنظام باقي كرامة ....


#947568 [الأبراهيمي]
3.38/5 (5 صوت)

03-19-2014 09:27 PM
سد النهضة وو قفنا معكم !


#947564 [منشى]
4.60/5 (7 صوت)

03-19-2014 09:22 PM
هذا هو صميم عمل الجيش .. ويينك يا بتاع قوات تدخل سريع .. ويينك يا ابو دفاع بالنظر , جماعتك لسه ماقادرين ينظروا للشغله دى و لا هم شايفين السما و عشان مرور اسرائيل اللى برضو ما بشوفوا و لا شايفنوا اصلا ... كدا خلى الشغلانه الجوه جوه دى و شوف شغلك البره و انت شلت بالحيل شغلانة وزير الداخليه اللى ما لاقى شغله و لا حتى مجرد تصريحه ساكت ما عارف يصرح فى شنو و انت و صرمه بتاعتك عملتوها كل مره طله و بله و حرب فى الحله و الفال فى محلو . ناس دمها تقيل زى دم القراض و ما عندها اى حس و لا احساس كلو كلو بآلام الوطن زى دهر ابو قدح .


#947559 [المشتهي الطماطم بالدكوة]
4.40/5 (8 صوت)

03-19-2014 09:14 PM
حبش .. عصابة في الحدود يتوعدون المزارعين بالقتل والإجلاء والإخلاء .
وكذلك حبشيات في قلب الخرطوم محل الرئيس ينوم والطيارة تقع .. بائعات شاي في كل مكان ، وداعرات ينشرن مرض الأيدز والزهري والسيلان بين الشباب العاصمي .
أكيد حكومة أخوان مسلمين السودان تمتاز بالهوان والضعف ولا تملك حق سيادة أراضيها . وفي ظل الغلاء وضيق المعيشة وتبدد آمال وطموحات الشباب ، فتحت لهم هجرات الحبش الوافدة حتى يغوسوا في مستنقعات الرذيلة والفاحشة .


ردود على المشتهي الطماطم بالدكوة
European Union [اللحوي] 03-20-2014 09:05 AM
حبش الخرطوم ليست لهم علاقة بالشفتة .... هؤلاء ناس مسالمين ومتعلمين وبيشتغلوا وأمام أعين الناس ولعلمك عصابات الشفتة هؤلاء موجودن من زمن هيلاسلاسي وهم يسكنون في الحدود وخارجين عن القانون ويمكن السيطرة عليهم من قبل الحكومتين لو كانت حكومتنا جادة. وهذه المشكلة أثارها طيب الذكر والي القضارف السابق كرم الله عباس الشيخ وهدد الحكومة بأنه سوف يقدم السلاح لأهلنا اللحويين في تلك المناطق لإسترداد أراضيهم وحماية ممتلكاتهم.

وقـول ... مـشـتـهـي زقـنـي ب الأنجـيـرا.

[سودان وضااااااااع] 03-20-2014 08:35 AM
وفيت وكفيت يارجل


#947516 [الكنزي]
4.60/5 (7 صوت)

03-19-2014 08:11 PM
رد لساب البلد اكيد الامن والاستخبارات الاثيوبيه عارفه منو وراء محاولة اغتيال مبارك يعني زي الضغط في حلايب هناك ضغط في الفشقه برضو


#947514 [ود الدكيم]
4.42/5 (8 صوت)

03-19-2014 08:10 PM
بالطريقة دي حيقلعوا حي الزهور ذاتو.


#947513 [بادي أبو شلوخ]
4.60/5 (7 صوت)

03-19-2014 08:07 PM
وين قوات الهروب السريع؟؟ دي حارسة الخرطوم من الطلبة البعملوا مظاهرات.
طيب يا حكومة الهوان على الأقل أدعموا المزارعين بالسلاح والذخيرة بتاعت الجنجويد.


#947491 [ابو عبدالرحمن]
4.60/5 (7 صوت)

03-19-2014 07:20 PM
ووينو عمر البشير الرقاص الفاسق الداعر ووينم ناس المؤتمر الوطني
(البشير يا فاسق يا داعر )


#947487 [مالك الحزين جدا جدا]
4.63/5 (6 صوت)

03-19-2014 07:13 PM
قالوا لمديره الشرطه الاثيوبيه في الحدود , إن السودان سوف يرد على الشفته بالمثل ,, فكان ردها كالآتى (( السودان دائيف ولايقدر يرد )))) ضعبف !!!!


ردود على مالك الحزين جدا جدا
United States [عباس] 03-19-2014 08:32 PM
معاها حق لاننا شايفانا ما فاضين من قتال بعض وكيف الحكومة تتفرغ للحدود مادام كل امكانياتها مشاء الله المتمردين ما مقصرين لاتلوموا الحكومة وحدها المتمردين الذين يسعون الى المناصب والكراسى هم ايضا سبب من اسباب ضعف دولة السودان لذلك كل من هب ودب سوف يتطاول علينا مادام هذا حالنا .


#947484 [البعشوم]
4.16/5 (6 صوت)

03-19-2014 07:06 PM
"جنجويدٌ" علي وفي الحروب نعامة .. ربداء تجفل من صفير الصافر


#947483 [ساب البلد]
4.60/5 (8 صوت)

03-19-2014 07:05 PM
******* ((الذين استولوا على حوالي خمسمائة ألف فدان زارعي بالفشقة الصغرى وحدها بعد محاولة الاغتيال الفاشلة التي تعرض لها الرئيس المخلوع "حسني مبارك)) ****** يا ناس عرفنا بعد محاولة اغتيال "مبارك" المصريين احتلوا حلايب و شلاتين ***** اها الاثيوبين علاقتهم شنو ب "مبارك" ؟؟؟ **** والله شي يحير ****** وين ابريالة ؟؟؟ ***********


ردود على ساب البلد
United States [AburishA] 03-19-2014 09:19 PM
** ساب البلد اخوي.. دا كان رد الفعل الاثيوبي.. محاولة الاغتيال التي دبرها نظام الخرطوم..أثرت جدا على الاجهزة الامنية الاثيوبية وبالتالي على النظام الاثيوبي للدرجة التي اشارت فيها بعض التقارير الاتهام وتواطؤ النظام الاثيوبي.. والمؤتمر كان مؤتمر قمة.. ياخي الكيزان ديل آنذاك خربوا حتى على اثيوبيا.. بس ربك ستر... أخوك كان حاضر!!! لك الود..


#947467 [خالد حسن]
4.44/5 (6 صوت)

03-19-2014 06:45 PM
وين كلاب الامن الاحتلوا ميدان شمبات قبل يومين
ولا وين جيش الخنا الماصي مالنا ودمنا
ووين حراس النظام من شرطه قاهرة الشعب
بلا يخم الكاكي واللابسنو
خبر يجيب الغم .. بلدنا يحتلوه الحبش والحلب ونحن في ظل حكم المخنث البشير وعساكره المخنثين ماقادرين نعمل حاجه


#947466 [نبض التعب]
3.88/5 (5 صوت)

03-19-2014 06:45 PM
ماذا تنتظرون من الذي يُمرّن يوماتي ردفيه الخليعتين بالرقص؟ .. ماذا تنتظرون من سفّاح ولص سرق من أموالكم 2 مليون دولار وتبرع بها بحكومة الشفتة الأثيوبية حتى تبني بها ضريحاً لآية الله الراحل ملس زيناوي؟! .. لو راجين الحقير البشير عشان يحميكم ويحمي أرضكم أقول لكم كما قال لنا الراحل المقيم محمد الحسن سالم حميد: هاكم دي!!.


#947457 [كاسترو عـبدالحـميد]
4.60/5 (7 صوت)

03-19-2014 06:33 PM
اين انتم يا رجال القوات المسلحة ؟ الم تؤدوا القـسم عـند تخـرجكم من الكلية الحربية بالدفاع عـن أرض وحـدود الوطـن ؟


#947456 [الليل]
3.83/5 (7 صوت)

03-19-2014 06:31 PM
والله اذا كان نحن فصلنا دولة كاملة بدون ترسيم حتي الحدود معها.فما بال 500فدان
قايتو ربنا يكون في عونكم يامزارعين لانو اليومين ديل السودان مشغول بحاجة تانية خالص فنامل ان يكون الوضع علي ما هو عليه وعلي المتضرر اللجوء للقانون.
ولا اقول ليكم شوفوا ناس حلايب تبعو مصر باراضيهم الي حين حل مشكلتهم بواسطة الامم المتحده بعد ما يرفعوها هم بانفسهم للامم المتحده طبعا اذا كان متضررين من تبعيتهم لمصر.
وفي حل ثالث نخليه لوقتو


#947446 [ابوجلاجل]
4.74/5 (8 صوت)

03-19-2014 06:23 PM
لو منتظرين الحكومة واطاتكم أصبحت اخلصوا حقكم بايديكم والبادي أظلم أجبن خلق الله الحبش.


ردود على ابوجلاجل
[الحقيقة المرة] 03-19-2014 09:01 PM
يا ابو جلاجل....احصائية اجبن خلق الله الحبش جبتها كيف؟؟؟!!! المعروف مثل دم الخوف موجود في الافارقة واللي انت تحمل اغلب جيناتهم. بعدين كلف نفسك لمدة عشرة دقائق واقرأ التأريخ, الجري والتعليق على الكيبورد ده ساهل طفلة عمر ٧ سنة تقدر على التعليق. الحبش الجبنه ديل هم الدولة الوحيدة الفي افريقيا مستعمر ما داس ارضها, دولة يحكمها اباطرة منذ الاف السنين, الدولة الافريقية الوحيدة الاتجاوزة قارة افريقيا واحتلة فعلياً جنوب شبه الجزيرة العربية, الحبشة كانت منذ اكثر من الف سنة تشكل مع الروم والفرس القوة التي كانت تتسيّد العالم في حينها, الحبش الجنة ديل هم اصحاب اول دولة في التاريخ البشري تتبنى الدين المسيحي كدين للدولة عندما الروم يحاربون اتباع الديانة المسيحية, امشي بلدهم وشوف متاحفهم وتأريخهم الابهر القاصي والداني, انا ما حا اسألك عن تأريخك اطمئن. بس الرقيّ في التعامل واحترام الأخر اذا كان يعني في ثقافتك جبن فانت محق فهم جبناء.


#947434 [عادل السناري]
4.33/5 (13 صوت)

03-19-2014 06:15 PM
وين قوات التدخل السريع يا دجاليين يا جبناء رجالتكم علي المدنيين العزل و طلاب المدارس --- لكن في اماكن النار و الرجال تعملوا رايحيين يا اشباه الرجال يامخنسيين .


#947431 [ساري الليل]
4.19/5 (9 صوت)

03-19-2014 06:11 PM
أيها المواطنون الأحرار قابلوا المجرمين رجل لرجل وبكل ما أوتيتم من قوة لأن ليس لكم حكومة أو جهة رسمية تقف معكم وبدل ما يبيعوكم من الأحسن تشيلوا حقكم بأياديكم ولو انتظرتوا الحكومة أها واطاتكم صبحت لا حتلقوا نفسكم ولا أراضيكم لأن هذه الحكومة آخر ما تفكر فيه أمن وراحة المواطنين



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2024 alrakoba.net - All rights reserved

صحيفة الراكوبة