الأخبار
اخبار افريقيا والوطن العربي
أكثر من ثلاثين ضابط من الأمن الشعبي ينشقون عن الموتمر الوطني
أكثر من ثلاثين ضابط من الأمن الشعبي ينشقون عن الموتمر الوطني
أكثر من ثلاثين ضابط من الأمن الشعبي ينشقون عن الموتمر الوطني


أعلنوا انضمامهم لحركة غازي صلاح الدين صباح اليوم
04-27-2014 08:54 PM
مدني- خاص الركوبة

أعلنت مجموعة تقدر بمئة شخص من قيادات المؤتمر الوطني بمدينة ود مدني عاصمة ولاية الجزيرة ضمنهم ثلاثين من ضباط الأمن الشعبي انشقاقهم وانضمامهم لحركة (الإصلاح الآن) بقيادة غازي صلاح الدين.
وكشف مصدر مقرب من منشقين ان الحدث يمثل ضرب كبيرة لحزب المؤتمر الوطني خاصة في جانب الثلاثين الذين يمثلون الامن الشعبي باعتبارهم ممسكين بكل الملفات الخاصة بالتنظيم وان الوطني ظل يتعرض لضربات موجعة في عموم ولاية الجزيرة منذ ان تولي الزبير بشير طه الشهير( بالزبير تاه) الذي قرب له الفاسدين والمفسدين مما أحدث تلاعب كبير بأموال وشئون الولاية التي كانت تسمي قلب السودان النابض.
ويذكر ان غازي صلاح الدين الأعلى عن قيام ندوة في مدينة ود مدني خلال اليومين الماضيين ترحيباً بالكوادر التي انضم له سوف يتحدث فيها عدد من القيادات على راسهم غازي نفسه.






تعليقات 30 | إهداء 0 | زيارات 24564

التعليقات
#1622964 [أبو أحمد]
0.00/5 (0 صوت)

04-04-2017 01:04 PM
الأمن الشعبي كان يعمل تحت إمرة إبراهيم شمس الدين وقد كان من ضمن مهامه مراقبة آداء أفراد ما يسمى بجهاز الأمن الوطني ومسئول عن كثير من الاغتيالات وسط الطلاب وفي المظاهرات ..من قادة الأمن الشعبي المرحوم علي أحمد البشير وقد كانت له مشادات ومنازعات قوية مع جهاز الأمن لدرجة أنه قام يوما ما بالهجوم على معتقل كان فيه بعض أفراد الأمن الشعبي تم إعتقالهم من قبل جهاز الأمن العام وكسر باب المعتقل وحرر المعتقلين وقد تولى كذلك ملف التحقيق في محاولة إغتيال حسني مبارك... بعد وفاة إبراهيم شمس الدين الذي كان يوفر الحماية لجهاز الأمن الشعبي ظل قادة الأمن الشعبي ملاحقين من قبل جهاز الأمن العام أيام صلاح قوش وتمت مطاردة علي أحمد البشير ومضايقته إلى أن تمت تصفيته عياناً بياناً أم ناظري زوجته وأبنائه


#988037 [عزالدين السر الرميلى]
0.00/5 (0 صوت)

04-29-2014 12:08 AM
يقع مقر الامن الشعبى فى الخرطوم 2 شمال مقابر فاروق وهناك مقرات فى شارع59 العمارات وسوق نمره اتنين...وادم قوى بكون منهم....مقر شعبه ولايه الجزيرة بحى المنيره ومديره يسمى خالد المك


#987996 [nagatabuzaid]
5.00/5 (1 صوت)

04-28-2014 10:40 PM
يا دكتور غازى صلاح الدين اصلاح كان صحى بتصلحوا خموا لينا والى الخرطوم خمة مصلحة قبضوا لينا الحراميو بتاعينه وتربيتوا ليهم على اللصوصية قبيض القبور اودعوهم السجون بس اوعوا من سجن شالا لانه سجن الرجال والمناضلين الابطال اها كان نفذتوا المهمة الاصلاحية دى يبصموا ليكم بالعشرة انكم اصلاحيين انا غايتوا ما ببصم ليكم ولا لاى زول من بنى كوز سابقا او حاليا او لاحقا


ردود على nagatabuzaid
United Arab Emirates [عباس ركس] 02-13-2017 12:47 PM
لو معتهما كلمة حق ماتفرقوا بهذه الطريقة ,,,

الواحد تلقاهو وزير اكتر من 10 سنوات ويجي في النهاية يقول ليك الناس ديل فاسدين ,,


اما انو غبي ونحن ما عاوزين اغبياء يجوا يتشاطروا علينا ,, أو منافق وفقد المصلحة وعاوز يعمل فيها معارض , وده أسوأ طبعا ,,,

غازي اكتر من 10 سنة عامل فيها ابو الفهم والدين ,, انفصل مع الشيخ الهالك واختلف مع الشيخ الهالك وعاد للحكومة واخيرا عاوز يعمل فيها مصلح !!!!


#987755 [وجع راقد]
0.00/5 (0 صوت)

04-28-2014 05:09 PM
الأمن الشعبي زي السوق الشعبي .


#987696 [قطع شك البشير حماااااار]
0.00/5 (0 صوت)

04-28-2014 04:02 PM
انضمو لي منو قلت لي
لي ناس غاذي
عملو شنو يعني
ما كان خليهم مع العوير وﻻ البشير
علي اﻻقل يلقو طريقه يفسدو شويه
من المال السايب دا


#987561 [محتار في البلد]
0.00/5 (0 صوت)

04-28-2014 01:59 PM
والله ياجماعة مصيبتنا كل يوم نسمع شيئ جديد ومأكله جديدة
طيب يطلع شنو الأمن الشعبي دا تابع لمنو وبيعمل شنو والبلد كلها مخربة واقتصاد منتهي


#987511 [سوداني]
0.00/5 (0 صوت)

04-28-2014 01:29 PM
مرحب بهم جمعيا في هذا الكيان الجامع


#987485 [adil a omer]
0.00/5 (0 صوت)

04-28-2014 01:07 PM
والله الناس ديل انا خايف عليهم من البواسير

الحقنا يا سيادة المسطشار بالاوتاد

الحركة الانشقاقيه الاسلاميه لتحرير اسطنبول


#987398 [النفاج]
3.50/5 (2 صوت)

04-28-2014 11:39 AM
كلام فارغ : انشقوا من المؤتمر الوطني ومشوا الاصلاح الآن
دي ذي الزول المدمن _ يقول ليك انا تبت خليت العرقي بقيت بشرب بنقو بس


#987342 [ههههههههه]
2.25/5 (3 صوت)

04-28-2014 11:08 AM
في النهاية كيزااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان


#987295 [Aboahmed]
3.50/5 (2 صوت)

04-28-2014 10:35 AM
ونترككم مع المشهد الثاني من مسرحية المفاصله الكيزانيه......
هههههههههههاي


#987230 [bent alnil]
3.00/5 (1 صوت)

04-28-2014 09:53 AM
خطورة تسليح كيانات مختلفة و متعددة من قبل الحكومة خطأ فادح في حقها و حق الوطن في كل العالم الأجهزة الأمنية معروفة لكن عندنا د.شعبي ش.شعبية قوات دعم سريع و غيرها .... سوف تسبب الفوضى و الدمار خاصة وأنها لا توصف بالقومية بل حزبية و في ظل الظروف الحالية سيكون ضررها أكثر من نفعها ستتكون مليشيات في ظل مسرحيات انشق و انسلخ و تاب و عاد و سرق و عايره و ادوها سوط ....


#987229 [الهواري]
0.00/5 (0 صوت)

04-28-2014 09:53 AM
دفاع شعبي
وامن شعبي
وشرط شعبي
وسند شعبي
وموتمر شعبي


ردود على الهواري
European Union [اللحوي] 04-28-2014 05:44 PM
وسوق شعبي
وفنان شعبي

[بي كرت] 04-28-2014 03:51 PM
والغريبه كلهم ضد الشعب .


#987111 [جركان فاضى]
5.00/5 (1 صوت)

04-28-2014 08:28 AM
قلنا غسيل كيزان مافى حد صدقنا...حركة الاصلاح الان عبارة عن غسيل كيزان...على وزن غسيل اموال... يعنى المؤتمرجى الفاسد المفسد مجرد انضمامه لحركة الاصلاح الان يصبح معارض للنظام ومناضل من اجل الحرية ...الحرية التى سلبها الشعب ربع قرن جاء يغسل يديه الملوثتين بدماء الشهداء بمجرد انضمامه لحركة الاصلاح الان...اليس هذا غسيل كيزان؟ ..افيدونا افادكم الله


#987072 [مدحت عروة]
3.75/5 (3 صوت)

04-28-2014 08:10 AM
ما هو الامن الشعبى؟؟
هل هو قوات نظامية؟؟؟
اى قوات نظامية جيش او شرطة او استخبارات او غيرهم ما مفروض ينضموا لاى حزب او جهة ويكونوا قوميين وانضمامهم لاى حزب مخالف للقانون !!!
اى دلاهة وعواليق وجاهل ومتخلف عارف هذا الكلام الا الاسلامويون لانهم اقل درجة من هؤلاء واعنى بهم الدلاهات والمتخلفين والعواليق!!!


ردود على مدحت عروة
United States [جركان فاضى] 04-28-2014 08:50 AM
نظريا يخضع الامن الشعبى لنظام التأصيل الذى كان على رأسه على احمد الامام...وفى نظام التأصيل هناك طرق شرعية لمراقبة المعارضين...والدخول فى منزلهم لاعتقالهم...وكيفية استجوابهم...وكيفية مراقبة من له صلة بالمعارض...وأشياء كثيرة يتم تكييفها شرعيا...ويدرس ذلك لجماعات الامن
غير ان من يتم اختيارهم لاجهزة الامن هم من اولاد الحرام الذين لايتورعون من صفع شيخ ابيض شعره وهو خارج من المسجد فى صلاة الصبح...وقس على ذلك احترامهم للبشر...ولايعرفوا تأصيل...ولايعرفوا تأويل.. والغريبة ان النظام يدرك ان التأصيل للظاهر...وقشوه واكسحوه وما تجيبوا حى فى الواقع
تحياتى الطيبة لكم استاذى مدحت عروة


#986963 [Abu Rana]
3.50/5 (2 صوت)

04-28-2014 06:57 AM
أمن شعبي !!!!!!!!!!!!!!
دفاع شعبي !!!!!!!!!!!!
شرطة شعبية !!!!!!!!!!!!!

يا جماعة الخير لا تحدثونا عن قومية القوات النظامية التي تم إحلالها بمليشيات تتبع لحزب و علي عينك يا تاجر !!!!!!!!!!!!!!
سؤال ... هل يحق للأحزاب تكوين قوات نظامية موازية ؟؟؟؟؟ و هل ذلك متضمن في دستور البلد ؟؟؟

لقد صار حزب الحركة الإسلامية هو الدولة و الدولة هي الحزب !!!

أين الوطن و المواطن من غير المنتمين من كل هذا ؟؟؟؟؟؟؟
فالنبحث عن وطن بديل بدل أن نكون درجة ثانية في وطنا!


#986890 [عبدالناصر]
0.00/5 (0 صوت)

04-28-2014 05:08 AM
و الكلام دا جبتو من وين يا ادم ياقوى؟؟؟


#986855 [ككك]
0.00/5 (0 صوت)

04-28-2014 01:51 AM
أدم الدعيف


#986842 [ساب البلد]
5.00/5 (1 صوت)

04-28-2014 01:29 AM
*********** مثلهم كمثل من خرج مرحاض ****** و دخل مرحاض اخر ******** او ********* الطيرة بتاعت المسطول طلعت بالباب و دخلت من الشباك ********


#986829 [بكري الصائغ]
2.00/5 (2 صوت)

04-28-2014 12:26 AM
والله اول مرة اسمع بالأمن الشعبي?!!...
ديل شنو?!!..وكانوا وين من زمان?!!.. وليه ظهروا الأن?!!..وتابعيين لمنو?!!..سودانيين ولا ايرانيين ولا اثيوبيين?!!..شيعة..ولا سنة..ولا افغان عرب..ولاقاعدة..ولا جماعة تكفير وهجرة´?!!..منو البصرف عليهم: قطر ..ايران..الصين..روسيا?!!...وهل جاءوا من الخارج داخل "كونتر" المخدرات ?!!


ردود على بكري الصائغ
European Union [ساب البلد] 04-28-2014 03:08 PM
******** استاذ (بكري) تحية و احترام ******** الامن الشعبي موجود منذ التسعينات و كان يقوده عوض الجاز و البكاي كمال عبد اللطيف و ما اللجان الشعبية بالاحياء الا احد اذرعه الكثيرة *******

European Union [القيقر] 04-28-2014 08:43 AM
بكري الصائغ ياخوي انتا كنتا قاعد وين ولا نايم وين.. شفتا بلاوي الناس دي كلها من هذا الامن الشعبي..في فرق بين الامن الشعبي وبين جهاز المخابرات..الشعبي دا شفتا بس قاعد لي السواطة والضرب والباقي خلي في سرك..
الشعبي جهاز بتاع مشاطات..شغلتم بس المشاطة والضرب..بعدين منتشرين في الاحياء مصادرم ضعاف النفوس..
ةمالباقي بمحن

United States [جركان فاضى] 04-28-2014 08:39 AM
وازيدك من الشعر ابيات وليس بيت...يضم الامن الشعبى 14 شعبة كل شعبة متخصصة فى مجال معين...يعنى الاستاذ بكرى الصائغ معارض...يقوموا يرصدوا حركاتك...مشياتك لمنو...تتصل هاتفيا بمنو...مصدر رزقك شنو..ملابس كيف...تشترى احذيتك من وين...وناس كتيرة فاضية يسجلوا فى تاريخ حياتك بافضل مما تسجله انت...بتتنفس كم نفس فى الدقيقة ...وهكذا


#986813 [عزالدين الرميلى]
5.00/5 (1 صوت)

04-27-2014 11:40 PM
اهم حاجه ان يكونوا قدر مفهوم الاصلاح و ينصحوا اخوانهم من المؤتمر الوطنى تسليم الدوله لحكومه قومية انتقالية....وان يتم كشف المفسدين والمرتشين فهم مسؤلين عن امن المؤتمر الوطنى سابقا....وان يكشفوا جميع المؤامرأت والفساد داخل ولايه الجزيره ويكونوا عليه شهود...امام الله والشعب


#986808 [الصادق]
2.50/5 (2 صوت)

04-27-2014 11:28 PM
انتقال السلطة تدريجيا للترابي وغازي ومن ثم توحيد الحزبين واعادة انتاج نظام الانقاذ


ردود على الصادق
United States [جركان فاضى] 04-28-2014 08:32 AM
اوجزت فابنت...شكرا الصادق


#986785 [معاويــــــــــــــــــــــــــــــــــة]
4.88/5 (6 صوت)

04-27-2014 10:40 PM
الامن الشعبى ابتكار من ابتكارات الترابى زيها وزى التوالى بالنسبه للاحزاب اما الامن الشعبى ده مناط بيهو حراسة القواعد ومراقبة الشوارع والتحركات وكل من هو فى خانة ضد الثوره وهم اشبه بعملاء الموساد والشاباك والككى جى بى وحراس شاسيسكو وتمثلا بالقذافى يعمل هؤلاء المرتزقه ليل نهار فى الاحياء وارشاد عملاء الامن للقبض على كل من يحسب ضد الثوره والدولة الرساليه فهم قوة لا يستهان بها لهم ميزانية مفتوحه وعربات فارهة ومكاتب وسلطات واسعه تصل بهم حد القتل والتعذيب ولا يخضعون لاى مساءله الا من رؤسائهم المعروفون بالولاء للفقيه والملالى المتواجدون فى السلطه على عثمان ونافع والخضر والجاز نسال الله ان يشتت شملهم اكثر واكثر وان يرينا فيهم عجائب قدرته ان شاء الله
.............................................................................................


ردود على معاويــــــــــــــــــــــــــــــــــة
Sudan [ظفار] 04-09-2017 06:27 PM
عشان كده يا معاوية هنالك تفلتات واضطرابات وفى كل مرة تحدث جنحة فى بعض المؤسسسات الحكومية مثل الجامعات وغيرها خاصة جامعة السودان فى زمن المدير الحالى,ولا أحد يعير اهتماما أخى معاوية الأمن الشعبى لايعنى المواطن السودانى فى شئ غير التنكيل به وهدرا لانسانيته وكرامته وصرف بذخى لا يعود بأى فائده لذلك الفريق بكرى وجد نفسه مجبرا حل ما يعرف بالامن الشعبى لأنه لا يمت للواقع بأى صلة لكى يقود البلاد بسلاسة؟؟؟


#986780 [المنجلك]
4.00/5 (4 صوت)

04-27-2014 10:32 PM
انشقاق مسلح داخل المؤتمر ألوطني طيب وبعدين الصيف دة حيكون مسخن عديل الجماعة فلسوا ومافى قروش الشطور نشفت والدقون تلفت


#986776 [خالد حسن]
4.50/5 (4 صوت)

04-27-2014 10:26 PM
عملوا شنو يعني ؟
من احمد مشو لحاج احمد
قال اصلاحيين قال انتو حثاله
ونحن مابنستبدل حثاله بحثاله
غازي دي قاعد اربعه وعشرين سنه تمكين وبيوت اشباح وحروب اهليه وفصل الجنوب
حانرجي منه خير يعني


ردود على خالد حسن
European Union [عصمتووف] 04-28-2014 07:45 PM
ي اخوي خالد ماذنب الحمار* الحمار ارفع مكانة وشأنا بل يمتاز بالنبل و فوائده كثيره جدا لصاحبة والمجتمع ما فائدة هذا الكاين الاخرق المسمي نفسة ب السماني زيادة عدد فقط

European Union [خالد حسن] 04-28-2014 12:00 PM
قال اتحدث عن نفسك وجا قال انا ومعي الملايين؟
يعرفوك جداده كيف
غازي ده الايحكم كاب جداد
كان انت حمار نحن ماحمير
لانه الحمار هو الحيوان الوحيد الممكن يمشي في الطريق الغلط اكثر من مره ويجرب المجرب
عرفت ليه انت حمار

[sammani] 04-28-2014 08:32 AM
تحدث عن نفسك لاتجمعنا معك, الحثالة درجات, الاساس ان اى سياسى حثالة, لذلك زهد سوار الذهب فى الرئاسة. لذلك لا حل لنا الا ان نختار اقلّهم حثالةً, وانا ومعى الملايين سننتخب غازى, لانه افضل السيئين الذين لو وصلوا الحكم لاجرموا وافسدوا اكثر من ناس الموتمر الوطنى. لا يهمنا ماضى غازى فالانسان بحاضره. سير ياغازى وسنقف معك بقوة ضد الاثنين الفساد والعلمانيين. سير ياغازى فنحن نرى فيك ملامح اردوغان


#986750 [الكباشي]
2.50/5 (2 صوت)

04-27-2014 09:51 PM
كأننا يا بدر لا رحنا ولا جئنا ما الفرق بين أحمد وحاج أحمد. يا جماعه عووووك حزب غاذي لا يختلف عن المؤتمر الوطني. هذه مسرحية أخرى كتلك التي دخل بها الترابي سجن كوبر. لو أستمرينا طيبين وبنادق الجامعه ديل في كضبهم الماعندو حد دا عصابة الإنقاذ تحكمنا ليوم الدين.


#986728 [التاج محمد احمد]
3.50/5 (2 صوت)

04-27-2014 09:29 PM
والله مهزله ؟؟؟؟؟
مفروض اي ضابط علي راس العمل يمنع منعآ باتآ من العمل الحزبي
ويخرجوا عن السياسه وعن حياتنا بلا انشق بلا انضم
ومعارضتنا اللينه دي مفروض تطالب بمنع اي عسكري من الادلا بصوته
في الانخابات عشان العسكريه اوامر وهم ياتمرون بامر المؤتمر الوطني


#986704 [بت قضيم]
3.50/5 (2 صوت)

04-27-2014 09:08 PM
ومن هم الامن الشعبي عسكريون مستاجرون من المؤتمر الوطني ليس لهم ولاء الا المصلحة المادية يستقلهم الحزب في ممارسة العنف داخل الجامعات يضربون يسحلون ويختفون لا حسيب ولا رقيب هم حراس المافيا ومسلحون ولكن لكم يوم يا كلاب المؤتمر الوطني فغدا لناظره قريب وهل اعلنوا توبتهم بعد انضمامهم لحزب غازي ام انهم سيواصلون في ذات الوظيفة


#986700 [عصمتووف]
4.85/5 (6 صوت)

04-27-2014 09:05 PM
الصنم السئ السمعة والصيت صنم اللات والعزي
100 عواليق من المرتزقة لو سالناهم ماذا يعجبكم في المؤتمر الشهير بحزب اللات والعزي هذا السئ السمعة والصيت لو لا مرتزقة ارزقية تاكلون اموال التجسس والدماء والوشايات اموالكم حرام زوجاتكم حرام اولادكم اولاد حرام لقيطين او لقطاء لا يهم طول عمركم تعيشون في المستنقعات والمياة الآسنة


#986699 [الوطن العزيز]
5.00/5 (2 صوت)

04-27-2014 09:05 PM
يا اخوانا ماذا وما هو الامن الشعبى


ردود على الوطن العزيز
[مساكم خير] 04-28-2014 06:16 PM
و الشرطة الشعبية تساعد الشرطة الموحدة في تأمين المواطن.
الشرطة الشعبية مهمتها تنكل بالشعب وتجرجره - حسبي الله ونعم الوكيل على بعض افراد الشرطة الشعبية - وسخ وعفن وعدم تربية واذلال للمواطن - قال تساند المواطن -

United States [مغبون] 04-28-2014 09:21 AM
هو جهاز اخواني مهمته التنكيل بالضعفاء وحماية اكلي السحت من اعضاء المؤتمر الوطني

European Union [آدم القوي] 04-27-2014 10:32 PM
الأمن الشعبي هو جهاز معلومات يتبع للحركة الاسلامية و يعمل علي تأمين الحركة من الاختراق و يحافظ علي مستندات و وثاق الحركة المهمة بتامينها من الضياع او الاطلاع من غير المأذون لهم، كذلك يقوم الامن الشعبي بجمع المعلومات و اختراق التنظيمات العقائدية المعادية للحركة الاسلامية لإفشال مخططاتهم الهدامة و الامن الشعبي يقدّم المعلومات الدورية لقيادة الحرة الاسلامية و كذلك بنسق مع الامن الرسمي و الشرطة بخصوص شبكات المخدرات و تجارة الأسلحة و شبكات النشاط الأخلاقي الهدام وسط الطلاب في الجامعات. عشان ما أطول عليك و الموضوع يقعّ ليك الامن الشعبي شغلو جمع معلومات و الدفاع الشعبي يسّند القوات المسلحة و الشرطة الشعبية تساعد الشرطة الموحدة في تأمين المواطن.



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2024 alrakoba.net - All rights reserved

صحيفة الراكوبة