الأخبار
أخبار السودان
انكشاف سر مصدر الضخ المالي المفاجئ للخزينة: بيع مصفاة الجيلي لقطر ب2.7 بليون دولار !
انكشاف سر مصدر الضخ المالي المفاجئ للخزينة: بيع مصفاة الجيلي لقطر ب2.7 بليون دولار !
انكشاف سر مصدر الضخ المالي المفاجئ للخزينة: بيع مصفاة الجيلي لقطر ب2.7 بليون دولار !
مصفاة الجيلي


06-05-2012 12:35 PM
كتب :عبدالرحمن الأمين
[email protected]

لوزير مالية السودان بصمة خاصة في استنباط طرائق غير مألوفة للتعاطي مع مهام وزارة تعني بالارقام والاحصاءات . ففي الوقت الذي تتمحور فيه احاديث رصفائه حول التفصيلات الرقمية والاحصاءات الدلالية مرفوقة بقراءة المؤشرات العامة ، فان وزير مالية السودان السيد علي محمود استحدث جديدا يوم 13 مايو الماضي . ففي حديثه لوكالة الانياء القطرية قال الوزير أن بلاده حصلت على مورد مالي أجنبي ضخم من أحد المصادر الخارجية ، رافضا الإفصاح عن حجمه والجهة التي قدمته للحكومة !! ومضي للتأكيد بأن الحكومة ستقوم بضخ مبالغ مالية كبيرة من هذا المورد المالي الذي توفر لها بما من شأنه أن يتسبب في(انخفاض سعر الدولار في السوق خارج المصارف إلى 50% من قيمته الحالية) عي حد قوله .

تفاوتت الافتراضات في حقيقة ماعناه الوزير وتستر عليه من معلومات بل وان بعض ماتم تداوله انصرف للبحث في الاحتمالات ، فاستقوي الخيال بالظنون . طافت الترجيحات مابين غسيل الأموال ، اجبار صغار المتنفذين في الحكومة بارجاع بعضا مما نهبوا وانتهاءا بأفاعيل الشعوذه وتنزيل الفلوس بالسحر !!!

لا هذا ولا ذاك .

قامت حكومة السودان ببيع مصفاة الجيلي لدولة قطر بمبلغ 2.7 بليون دولار ! انها أحدي صفقات الخفاء التي يغيب سماسرتها وأموالها وأرقامها الحقيقية في ظلام السرية .وبهذا تضاف مصفاة الجيلي الي قائمة ماتم تشليحه وبيعه من مؤسسات وطنية . يذكر أن المصفاة المباعة قد بدأت بسعة كلية للتشغيل مقدارها 59 ألف برميل عند بداية تشغيلها الفعلي في 16مايو 2000وتطورت طاقتها الي 100 ثم وفي مارس 2009 تمت مضاعفة طاقتها الي 200 ألف برميل يوميا ابان عهد وزير الطاقة ( آنذاك) الزبير أحمد الحسن ، والذي كان واحدا ممن أسهموا في اقناع دولة قطر بجدوي الاستحواذ / البيعة وشارك في التفاصيل بفعالية .

تقول مصادرنا ذات الموثوقية والاطلاع ، أن هذا المبلغ سيكفي الحكومة لما يقارب 3 أشهر ويسد حاجتها من الاوكسجين التشغيلي قبل أن ينتقل الاقتصاد مجددا الي سرير العناية المكثفة. وساقت ذات المصادر ترجيحاتها بأن الحكومة تسعي حاليا لتأمين مبلغ في حدود الملياري دولار عبر خيارين أحدهما بيع سكر كنانة ، رغم تعقيدات التنازل عن حصة السودان في وجود شركاء ، أو من ماليزيا وهو الخيار الساري التنفيذ برغم تباطؤ التفاوض في مرحلته الاولي . وقال المصدر ان الابطاء يتعمده الجانب الماليزي الذي ينتهج هذه الاستراتيجية حتي تتضح مخرجات مفاوضات اديس ابابا ومآلات القرار 2046 بشكل عام . وأضاف ، الماليزيون يريدون ارتهان مثل هذا القرض الضخم بالتقدم الايجابي علي جبهة المفاوضات السلمية وهم تحت ضغوط شديدة للغاية حيث يطلب منهم الامريكان ربط تقديم القرض "بعد" اظهار الخرطوم تبدلا بشأن موقفها من التعاون مع الجنائية الدولية . مذكرا أيضا ان للماليزين الكثير من الاموال التي لاتزال معلقة مع حكومة السودان ، وبالذات في كل ماله صلة بشركة بتروناس البترولية .


يذكر ان وزير المالية وبمعية وفد كبير فيه محافظ بنك السودان ووكيل وزارة المالية وعدد من كبار الفنييين ، زار واشنطن في أواخر شهر ابريل زيارة تتطبعت بالتكتم ولم يرشح منها اعلاميا شيئا . في واشنطن اجتمعوا بفريق من صندوق النقد الدولي ، لم يخرجوا من الزيارة بشئ غير التقريع علي تخبط الاداء وفشل الميزانية الاسعافية في شهورها الاولي ، فدعو فنييي الصندوق لزيارة السودان .

في 23 ابريل أعد سفير السودان بواشنطن وليمة عشاء للوفد ، دعا لهم من يأمن أدبهم وابتعادهم عن الاسئلة المحرجة من أهل الجالية . كان الي جانب الوزير الكثير من أهل القرار المالي وعندما أوعز السفير لمن يريد أن يحثهم للتحدث للحضور ، وكان خياره محافظ بنك السودان محمد خير الزبير، رفض حتي مجرد الرد علي طلب السفير وأهمل الوفد كله أي أسئلة سألها السفير أو ضيوف داره !!

وبالرغم من توفر السودان علي ثروة نفطية بلغت في سنوات الفورة النفطية "1999 -2011" مافاق 60 مليار دولار ، الا ان مديونيته العالية ، في الجهة المقابلة ، أصبحت أكبر دليل علي فساد التصرف في المال العام . فالسودان مطلوب اليوم 40 مليار دولار. ومن الغير المأمول الغاء هذه الديون أو اسقاطها عنه لسببين متصلين : الاول هو ان الدول الاوربية المانحة لم تتفاوض مع السودان لاسقاط تلك الديون . والسبب الاخر هو ان السودان وبسبب رفض قيادته الانصياع لقرارات محكمة الجنايات الدولية، لا يمكنه الجلوس مع الاوروبيين وغيرهم من المانحين للتفاوض!

يستلزم التذكير ، في هذا الاطار ، أن السودان عضو في اتفاقية كوتونو للشراكة مابين افريقيا والاتحاد الاوروبي . حصة السودان تبلغ 300 مليون يورو سنويا بل وتمت مضاعفتها بحوالي 5 أضعاف( لتصل 1.5 مليار يورو )، الا أن عدم التزام الخرطوم بقرارات المحكمة الجنائية الدولية من جهة ، والتأثير الضاغط علي الافارقة الاخرين أوروبيا وأمريكيا ، يجعل حصول السودان علي تلك الارصدة والاموال أو أي نسبة منها في حكم المستحيل المطلق .

للمقاربة فقط ، سنجتزئ معلومات عن اليونان. فهي تشابه العديد من البلدان النامية من منظور ارتفاع اعداد العاطلين فيها وتدني كفاءة القطاع الحكومي وتفشي التهرب الضريبي وعدم كفاءة منافسة منتجاتها في السوق العالمي . بل ونجد اليونان شبيها لنا حتي الفساد "فهذا البلد هو الأعلي نسبة أوروبيا حيث يحتل المركز الثاني بعد بلغاريا " ...

بالرغم من كل ذلك فما باعوا شيئا !

بعد 14 عام من النمو الاقتصادي المستمر ، ضرب اليونان الكساد في 2008 ولا تزال تصارع بطالة متفشية طالت اكثر من نصف من يعمل ، بلغت نسبتها 53.8% رقميا ، ينشط فيها مليون عاطل يتظاهرون يوميا ويشتبكون مع شرطة الشغب . وعند الاعتقال يخرجون بضمانتهم الشخصية دون أن يتهموهم بالعمالة أو التخابر مع الاعداء !

في مايو 2010 قرر الاوربيون وصندوق الدولي انقاذ اليونان من الانهيار المالي الذي انزلقت في هاويته وتدلدلت اقدامها من فوق حافة دونها فراغ يصم الاذن ! منحها صندوق النقد جرعة تنشيطية بلغت 45 مليار يورو وانهالت مساعدات الاخرين الي أن بلغ الاجمالي 110 مليار يورو ....

ماباعوا شيئا ولو اصناما من محاريبهم ....ولم يقف وزير المال عندهم وقال أنه سرا مكنونا !


في الوقت الذي يتجه فيه المواطن المسحوق عندنا لمصادر الاخبار والمعرفة يستقي منها ماتوفر ، فان الخرطوم الرسمية بدأت في اعتماد طرق تواكب اساليب الوزير غير المألوفة . ففي ساعة شبه متأخرة من مساء الخمس 18 مايو خرج تصريح تعويم الجنيه ! تساءل الناس عن البيان ، فلم يجدوا بيانا ففهموا ان الأمر هو بالونة أختبار مقصود منها شراء يومي الاجازة ! فان باشر الناس أعمالهم ، وتعاملوا مع الامر " كأمر واقع " نجحت البالونة ، وأنتهي الأمر الذي فيه تستفتيان ! بل ويصبح صدور بيان من بنك السودان ليس له من داع ، وهذا بالضبط ماجري : عملة وطنية تعوم لأول مرة في تاريخها ، لا بيان رسمي من رعاتها الذين قذفوا بها في اللجة ؟

( فالناس عرفت بطربقتها وبي فهمها .... واللي ماعرف أكيد كلموه أصحابو .....والما عندو أصحاب يكلموه بي طريقتو ، نعمل له شنو ؟؟؟ غايتو تكون مصيبة لو النوع ده عايزنا "كمان" كحكومة نكتب ليهو بيان نشرح ليهو وللزيو التعويم لأنو ما عندو أصحاب يكلموه !- ده بس الفضل نسوي كمان !)
تقمصت اذني صوت أحد الرافضين اصدار بيان بالتعويم يعرض رؤاه !
وبذات الاسلوب سارت عزومة العشاء بمسكن رئيس تحرير الرائد ،الاستاذ راشد عبدالرحيم. غسل الضيوف أيديهم وتطايرت الانباء عن زيادة أسعار البنزين والمحروقات ....ايضا الخميس !


في الاسبوع الماضي ، ردت بعثة صندوق النقد الدولي زيارة الوزير لها في أخر أبريل والحاحه عليها بالحضور للخرطوم للتباحث . أوفت وحضرت . قضت 12 يوما تتسكع بين وزاراتنا . ختاما تكلمت . قالت إن الظروف الاقتصادية في السودان تدهورت أكثر مما كانت عليه في العام الماضي ، 2011 ، بل وأن الأمور لم تتحسن خلال الشهور الأولى من 2012. قال بيانها المشترك أن التحديات التي تواجه السودان صعبة وتحتاج إصلاحات مناسبة لكي يستقر الاقتصاد..مؤكدة ضرورة المزيد من العمل لتحسين افاق النمو وتوفير الوظائف.وأوصى الصندوق الحكومة السودانية باتخاذ خطوات من أجل وقف تدهور الأوضاع الاقتصادية على المدى القصير وعلى المدى الطويل يجب على الخرطوم تنفيذ برنامج إصلاح هيكلي شامل.

انتبهت الي ان امساكية 2012 لاتزال في منتصفها . اذن سيتوافد علينا 26 خميسا ، وربما عدد مماثل من أخبار صاعقة بعد انتصاف الليل . هل يستقيم النوم مساء الخميس /ليلة الجمعة وتجليات ساعات البيع بالكسر؟ لكن ....هل من سبيل لفعل شئ ، فالوطن (كله) معروض علي قارعة الطريق وجرس الدلالة كاتم الصوت ! ستلاحظ ان الدلالة بلا حضور : فالبيع تم من منازلهم وأرسيت الاسعار !











تعليقات 119 | إهداء 7 | زيارات 56201

صفحة 2 من 2<12
التعليقات
#384729 [ود مدنى]
5.00/5 (1 صوت)

06-05-2012 04:24 PM
الله يستر علينا نحنا ذاتنا من التشليح
قايتو كان بدأو يشلحو فى البشر ما بلقو زول فيه شئ شغال مية مية كووولها ماشة بالبركة


#384727 [Rashed]
5.00/5 (4 صوت)

06-05-2012 04:22 PM
لو في ديمقراطية ما كان حد اقدر ابيع شيء الا بواسطة مجلس الشعب و التصويت بواسطة النواب والطريف في الأمر انه الفترة التي تم بيع المصفاة كان نواب المجلس مشغولين بحفلة شيرين وعدم اتمام هذه الحفلة


ردود على Rashed
United States [Kurbeke] 06-05-2012 08:35 PM
انت بعدك مع مجلس الشعب دا بقي مجلس وطني من زمان يعني ما في زول جاي من الشعب الله للشعب


#384721 [جركان فاضى]
5.00/5 (1 صوت)

06-05-2012 04:15 PM
(ففى حديثه لوكالة الانباء القطرية قال الوزير-وزير المالية-ان بلاده حصلت على مورد مالى ضخم من احد المصادر الخارجية)
كيف يتم الحصول على هذا المبلغ دون علم اعضاء مجلس الشعب به؟ان جميع قروض السودان الخارجية او بيعه لاصول محلية لجهات اجنبية يتم مناقشتها فى مجلس الشعب للموافقة عليها اولا او رفضها0ما هو دور مجلس الشعب بعلماء دينه من امثال الحبر نورالدائم؟ وهل يستنكر المجلس ويشجب تصريح وزير المالية هذا0
انا اسف نسيت ان اقول ان مجلس الشعب فى اجازة0


#384716 [سوداني]
5.00/5 (1 صوت)

06-05-2012 04:11 PM
دكتور / عبد الرحمن الامين تحية واحترام
الكيزان اصبحو يدمرو اي شئ بنوه
لانهم يعرفون انهم في ايامهم الاخيرة
مثل هذه الصفقات تذهب لجيوبهم الخاصه
لواستردوا الاموال التي نهبت من الشعب
لحلة الازمه الاقتصاديه بالبلد
السودان تحكمه عصابه خطيرة تعلموا ودرسوا
فنون الاحتيال والموت البطئ للشعب

للشعب رب يحميه


#384710 [أبو محمد]
5.00/5 (1 صوت)

06-05-2012 04:05 PM
هذا كلام غير مؤسس وأنك ذكرت أنه من مصادركم الموثوقة ، المهم يجب البحث بصورة يمكن تصديق ما سقته... وأنك لو قلت أنهم باعوا معدن اليورانيوم الموجود في دارفور والبالغ 6 مليون طن يمكن التصديق ، أما بيع مصفاة الجيلي مشروع سكر كنانه الذي يمتلك فيه السودان نسبة فقط فهذا من الصعب تصديق مصادركم . يمكن أن يكون السودان من أغني دول العالم لو فقط وقع إتفاقية مع الصين لإستغلال يورانيوم دارفور حيث سوف يتغير ميزان القوة الإقتصادية والعسكرية للصين .


ردود على أبو محمد
United States [aburawan] 06-06-2012 08:54 AM
طز فى الصين

United States [حواء تودي] 06-05-2012 09:13 PM
بلاء اليقمكم الفكركم ليورانيوم دارفور شنو؟؟؟؟؟ لسع خيرات كثيرة في الشمالية ما اتهبشت ارجعوا ليها .....

United States [Zingar] 06-05-2012 08:43 PM
بلاش فلسفه وقلة حياء معاك...وليه يكون كلامك هو المؤسس عن السته مليون طن يورانيوم شفتها فى المنام ولا شنو..بلاش هبل.
قال السودان ممكن يكون أغنى دول العالم..تعرف كلامك ده داخل فى خانة الأحلام المحرمه...خليهوا أول يحل ربع ديونه وبعدين تعال قول خرابيطك دى.

United States [ديموقراطي] 06-05-2012 06:24 PM
سؤال يا أبو أحمد
ليه الحكومة ما عايزة توضح مصادر الأموال دي ؟؟؟
عشان تكون الحقيقة وااااااضحة

United States [ادم موسى عيسى] 06-05-2012 04:55 PM
هووووووووووى يا ابو احمد ابعد من دارفور واليورانيوم الفيهو.دارفو لما يكون معسكرات وجوع ما بتعريفوها ولما يورانيوم جاييين عليها؟لن ولم تستغلوها الا تب بدعما تكمل بيع المشاريع الفى الشمال


#384705 [احمد حسن ادم]
5.00/5 (3 صوت)

06-05-2012 03:59 PM
ما يكون باعوا بيوتنا كمان؟؟


#384699 [على بانقــا على]
5.00/5 (2 صوت)

06-05-2012 03:50 PM
فعلا الوطن (كله) معروض علي قارعة الطريق وجرس الدلالة كاتم الصوت ! ستلاحظ ان الدلالة بلا حضور : فالبيع تم من منازلهم وأرسيت الاسعار !

ففط اذكر السادة القراء بان التشليح بدا من اول عام عندما باعوا مصانع الجلود (رغم ان صناعة الجلود كانت مربحة وعلى مستوى العالم مربحة )بأبخس الاسعار ثم بعد ذلك مباني الاتصالات في الظلام في الوقت الداك كانوا الشباب يموتوا شهـدا في الجنوب ، ثم بيع جزء من نصيب الدولة في سكر كنانة ثم. ثم. ثم السكة حديد ثم . ثم. بيع الارض للمصرين ثم السعوديين ثم المصفاه وغذا انشاء الله اعراضــنا ومن غير حيـاء ، طبعا دا كلوا عشـان المشروع الحضاري ، طبعا يا جماعة ربنا غفور رحيم.والشعب السوداني طيب والغالبية مهمشة اما الغير مهمشــة تم ارضائهم بصورة او باخرى. هي لله


#384698 [ابو محمد]
4.63/5 (5 صوت)

06-05-2012 03:48 PM
شفت ليك كوز تعب من غرف الموية؟ موية تلج موية تغلي كله واحد !! لانه فاقد للاحساس !! صدق من اسماهم الكيزان!! ولكن بفعل الزمن الكوز بصدي وينقد !! بس كيزانا ديل مخالفين للطبيعة !! لانهم مصفحين ضد الفضيلة والتي تندرج تحتها صفات (الشرف ، التقوي، الصدق ، الامانة .. عدد ماشئت) ولن تجد واحدا منهم او من الذين ينتمون اليهم علما وجهلا!! يتصف بصفة من هذه الصفات!! ويلخص حالهم قول المتنبي:
مـن يهن يسهـل الهوان عليـه *** مـا لـــجـرح بـميـــت إيـــلام


#384691 [ojwokchol]
4.99/5 (9 صوت)

06-05-2012 03:38 PM
واللة الكيزان ديل مستعدون يبعيوا زوجاتهم من اجل السلطة خليك من بيع المصفاة


#384688 [علي دينار]
4.50/5 (2 صوت)

06-05-2012 03:35 PM
الشعب السوداني شعب طيب الغنماي ياكل حاقو, انتم بيعة كل شي في سودان , الباقي عليكم الا الجبال, بيع الجبال عشان يكون مافي شئ تاني اسمه السودان


#384683 [sudani]
5.00/5 (1 صوت)

06-05-2012 03:28 PM
كلام ما منطقي ابدا.. قطر معروف انها دولة ذات شفافية عالية ولا يمكنها ان تبرم اتفاقية بهذا تحت جنح الظلام.. دي مصفاة بترول مش شنطة مخدرات ببيعوها بالدس.


ردود على sudani
United States [عبدالرحمن من مكة] 06-05-2012 05:49 PM
شفافية مين يارجل اتق الله دى تل ابيب العرب بامتياز واقذر دولة عربية لانها تدعم الكائنات الكيزانية فى كل العالم


#384676 [سمسار]
5.00/5 (4 صوت)

06-05-2012 03:23 PM
يقال فى شان بيع الاصول :( البائع خسران )..واقرب مثال حى ما جنيناه من مسخرة بيع موبيتل بابخس الاثمان.. وما زلنا نعض اصابع الندم على خروج دولارات زين ..و خوفى ان نصحو يوما ونجد ان النيل بحاله قد تم بيعه ثم تباع لنا المياه باللتر و زجاجات الكريستال ..


#384665 [karlos]
5.00/5 (10 صوت)

06-05-2012 03:09 PM
القصر الجمهورى يا عمك ناس البحرين ما دايرنو؟؟؟ بس نهر النيل ده يا جماعة فيهو جنس بيعة موية نظيفة و احسن من تحلية البحر يا ناس السعودية نيلين عذبين للبيع. يا ناس اريتريا نبيع ليكم نهر عطبرة و خذوا نهر الستيت مجانا ,,, يا ناس تشاد بقايا السكة حديد تعالوا اشتروا و نديكم عروسة تانية مجانا ووفروا ال 26 مليون دولار. فى حاجة فاضلة قبل ما نمشى يا جماعة مبنى المجلس الوطنى يا ناس ليبيا و شيلوا معاها حى المقرن.......مزاد مزاد يا ناس علينا جاى كل شى بنص السعر تنزيلات فى السودان تشليع بغرض السفر النهائى ....ما دايرين ناس للبيع عندنا كل القبائل حلفاوى و محسى و جعلى (بس سعره غالى شوية) كاهلى شايقى فور زغاوة نوبة للبيع بشر بصحة جيدة نحن خلاص يا جماعة قطرنا سفر و طيارتنا قائمة كوالامبور بالنص ......


ردود على karlos
United States [لسه سودانى] 06-06-2012 02:32 PM
يا كارلوس كلامك جميل . الفاتح جبرا ماقالو . لكن بالغت فى انو الجعلى سعرو غالى شويه. مفروض يكون ارخص سعر . مفروض بلاش مايشيلو لانو الحاصل ده كلو والنحن فيهو ده بسبب الجعلى


#384664 [رضا الخطيب]
5.00/5 (1 صوت)

06-05-2012 03:09 PM
اها الاتنين مليار وسبعمية مليون دي بتخلص تاني حتبيعو شنو ، هو ديل باعو ثلث السودان يعني شنو حتة مصفاة في الجيلي ولا وين ما عارف أنا خايف يكونوا باعونا نحن ذاتو بكرة يجونا جماعة وكل واحد شايل ليهو شهادة ملكية كم مواطن ويطالب بيهو يعني بقينا نخاسة ... حسبنا الله ونعم الوكيل لكن نحن نستاهل ما دام ساكتين فليفعلوا بنا ما يشاؤون


#384660 [طاردالكيزان]
5.00/5 (3 صوت)

06-05-2012 03:01 PM
الله يسترمايبيعوالنيل الابيض والنيل الازرق تشربوساكت بعدين تدفعوالفاتورةغاليةارحمنايارب السموات والارض


#384653 [حقاني]
5.00/5 (2 صوت)

06-05-2012 02:44 PM
بيع بالمليارات والبلد ينحدر في الهاوية كل يوم.. جوع فقر بطالة فساد اكل اموال الناس بالباطل بتمشي وين ثمن البيع ما في ليه آثر في الواقع !! إنه الظلم أعوذ بالله شر ما يقترف الانسان في الارض الظلم الظلم ظلمات يعاقب الله الظالم لأنه ظلم ويعاقب المظلوم لأنه رأى الظلم وسكت (بئس العبد أبدأوا به إنه لم يأمر بالمعروف وينهى عن المنكر ) (الساكت عن الحق شيطان أخرص) بالعدل ينمو الزرع والضرع وتخصب الارض وتعف النساء وتحل الأمن وتهطل المطر ويعم الرخاء وتنجح المشاريع القومية والخاصة وتتآلف الناس مع بعضهم وتتراحم


#384642 [انا سوداني]
5.00/5 (1 صوت)

06-05-2012 02:37 PM
طيب الخبر لوكان خصخصوها يكون مقبول بعض الشىء لاكين باعوهاباع باع باع والله الباقي الا نسمع سخن سخن .الشعب يريد مراجعة كل مؤسسات الوطن لللاطمئنان وليس محاسبة الحكومة لان زمن المحاسبة يختلف اولا نريد حصر مؤسسات الوطن واراضي الوطن حتي نعرف عدد مؤسساتنا ناهيك عن مؤسسات النظام الخاصة .مشروع الجزيرة/كنانة/ابوجابرة/مصفاة الابيض/شركة السكر /التعليم/الماء الكهرباء/التعليم /الصحة.هذه امثلة حتي نطمئن علي ذلك.


#384641 [الجاك]
5.00/5 (3 صوت)

06-05-2012 02:36 PM
من اين اتى هؤلاء ؟؟؟؟؟؟؟؟؟؟؟؟؟؟؟؟؟؟؟
من اين اتى هؤلاء ؟؟؟؟؟؟؟؟؟؟؟؟؟؟؟
ن اين اتى هؤلا ؟؟؟؟؟؟؟؟؟؟؟؟؟
اين اتى هؤل ؟؟؟؟؟؟؟؟؟؟
ين اتى هؤ ؟؟؟؟؟؟؟
ن اتى ه ؟؟؟؟؟
اتى ؟؟؟؟
تى ؟؟
ى ؟
؟
؟


ردود على الجاك
United States [مريود] 06-05-2012 08:10 PM
الجاك شنو رأيك تجي تشتغل معانا في المسرح.
يبدو أن لصوتك صدى قويا ؟

United States [ابوبسملة الجعلى] 06-05-2012 04:46 PM
أسوأ خلق الله ولانعلم من هم اسوأ منهم فى جميع انحاء العالم والسؤال باقً ! يارب ابناء حلال فى العاصمة يفتحوا الباب , مجموعة شباب يبدؤون الثورة , عشرون شابا يكونون شرارةً الثورة , اللهمّ عليك بالظالمين الخائنين حسبنا الله ونعم الوكيل

United States [سوداني] 06-05-2012 04:42 PM
يا الجاك، الجاتك في مالك سامحتك


#384631 [سوداااااني خالص]
0.00/5 (0 صوت)

06-05-2012 02:33 PM
مافي حاجة جديدة وكولو متوقع من الطفيلية الآثمة ، يعني كنتو متوقيعين جابو الدولارات ديل من وين ياشعب مقهور ... بالمناسبة انا كنت متوقع انو باعو حاجة تانية ، لكن الظاهر خلوها للربع الاخير من السنة . والله يكضب الشينة


#384630 [يا ربي]
5.00/5 (5 صوت)

06-05-2012 02:31 PM
يا ربي نحن لسه سودانيين والا كمان يوم تجينا دوله تلمنا من الشارع وتقول لينا الحكومه باعتكم والمبلغ وضع مسبقا بحسابها بماليزيا..
لك الله يا وطن الغلابه


ردود على يا ربي
United States [مقيم ببريطانيا] 06-05-2012 07:30 PM
اضحكتني .. لكن ما بعيد يعملوها.. ديل ناس نظرهم لا يتعدى مدى امتداد كروشهم.. وتفكيرهم مداه مابين السرة والركبه.. انجازاتهم في الزواج من مثى وثلاث واهم قضايا برلمانهم الكوندوم وحبوب منع الحمل.. الشعب عطشان وجعان.. لا كهرباء ولا مواصلات.. اتشردنا في كل بلاد العالم.. نحن صومال ثانيه ولكن دون اعتراف العالم.. انا افتكر انو الفلسطينيين احسن مننا ..على الأقل عارفين البيهم والعليهم..لإاسوأ الظلم ظلم بني القربى.. رغم اني لا اتشرف بقرب تلك الطغمه الحاكمه..
فعلا لك الله يا وطن الغلابه.. وكل ظالم وله يوم


#384625 [دوشكا]
0.00/5 (0 صوت)

06-05-2012 02:28 PM
بالله باعو المصفا طيب الفضل شنو تاني استغفر الله من هؤلاء الخونة والفاسدين الذين لا دين لهم ديل ليس بشر ديل كفره يبعو المصفاة الله ينعل كم يا جماعة اتحركوا اتحركوا الشارع الشارع من أجل اسقاط هذا النظام الفاشل لكن باإرادة الشعب المسكين ربنا بجيب ليهو حقوا والفرج قريبا مصيرهم سوف يكون مصير القذافي استغفر الله استغفر الله


#384619 [كاهل ابوعرب]
5.00/5 (3 صوت)

06-05-2012 02:24 PM
لا حول ولا قوة الا بالله ...

اصبح حالهم كحال المدمن ان لم يجد جرعته هاج وماج وباع كل شئ وان لم يجد باع نفسه، هولاء المتأسلمون لا يخافون الله وهمهم الكرسي وخوفهم من مغادرته طبعا لحظة مغادرته سوف تقوم عليهم الدنيا وتنهشهم والمره دي النهش كيكون ممتد يعني الوزير والسفير سوف يقتل وتحاسب كل عائلته التى ارتضت ان تأكل اموال السحت ...

اختفي مندور من الساحة واختفى شحاذ السودان الدوبلوماسي مصطفى عثمان ... وكذلك قرد الطلح المتعافي واصبح الدميم ابوعفن صامت والسبب معروف بلع كل هؤلاء المجرمون السنتهم حتى لا تاتي لهم بالقبح والكذب ... الثوره آآآآآآتيه وان غدا لناظره قريييييييييب

قولوا كاهل قال الثوره آآآتية


#384614 [المهاجر]
5.00/5 (1 صوت)

06-05-2012 02:22 PM
هــــو انباع الانسان الاغلي شي في الدنيا بالتهجير و التطفيش لما ما يبيعو المصفاة ... بلد رايح


#384608 [زعلان]
0.00/5 (0 صوت)

06-05-2012 02:21 PM
حتى لو ادوهم اضعاف اضعاف هذا المبلغ تفتكروا انو كبير يعني ما هم نهبو اكتر منو قبال كده و هسع البمنع شنو ان تكون الصفقة دي لتسيير اعمال ناس تانيين و مش عشان تسيير اعمال البسموها حكومة دي


#384606 [احد محتار]
5.00/5 (1 صوت)

06-05-2012 02:20 PM
قد يبلغ الاستبداد بالامة ان يحول ميلها الطبيعي من طلب الترقي الي طلب التسفل ، بحيث لو دفعت الي الرفعة لابت وتآلمت كما يتالم الاجهر من النور ، واذا الزمت بالحرية تشقي وربما تفني كنا تفني البهائم الاهلية اذا اطلق سراحها وعندئذ يصير الاستبداد كالعلق يطيب له المقام علي امتصاص دم الامة فلا ينفك عنها حتي تموت او يموت هو بموتها (عبدالرحمن الكواكبي)
هو حال الامة السودانية بيعت اراضيها ومؤسساتها العامة ومازالت تنتظر


#384600 [راجل المرة]
5.00/5 (1 صوت)

06-05-2012 02:14 PM
(فالوطن كله معروض علي قارعة الطريق بجرس دلالة كاتم الصوت !)

حسبى الله و نعم الوكيل

هؤلاء الكيزان الفسقة باعوا السودان كله، و سرقوا امواله


باعوا للسعودية و قطر و الاردن و الصين اراضى هبطرش و قبضوا الثمن

لعنة الله علي الكيزان اينما حلو


#384598 [omer]
5.00/5 (1 صوت)

06-05-2012 02:12 PM
الباقي الكباري وشوية الطرق المسلفتة في عهد الانقاذ وبعد داك يتخارجو


#384592 [صاروخ طويل]
5.00/5 (1 صوت)

06-05-2012 02:07 PM
البطن ما فيها وجعة لو مثل هذه الأموال تذهب لتنمية المواطن السوداني و سد عجز الخلل في الإقتصاد و المعاناة الحقيقية للمواطن ، لكن الشعور بعدم افستقرار للأسف السائد هو الذي يولد عملية الإختلاسات و النهب حيث سيذهب "من الناحية التحليلية" نصف هذا المبلغ الى الكروش صاحبة القرارات المالية والعمولات و ما شابه ذلك إلى أن يصل للخزينة العامة نصف هذا المبلغ ذلك لأن الشخص الذي لم يحدب على أمن و غقتصاد البلاد بعدم السماح بإنفصال الجنوب ، مثل هذا الشخص أو الآلية لن تقوم ببيع مصفاة نفط للمصلحة المحضة للبلاد إنما بالضرورة يكون هنالك إختلاسات و مصالح أخرى في البيعة و بالطبع قطر لا يهمها ما يختلس من أموال لأنهم سودانيون مسئولون و ستحتفظ بالأوراق الثبوتية الموثقة دولياً! للبيعة مثلما إحتفظ قادة الحركة الشعبية بنص إتفاقية نيفاشا الموثقة دولياًو التي تنص على قيام التصويت على حق تقرير المصير و هو ما حدث مؤدياً للإنفصال ، يعني بعد شوية حنشوف العلم القطري مرفرف فوق مصفاة الجيلي "ملك حر" بأوراق بيع ثبوتية دولية و اي مقاومة لذلك ستدخل السودان في مشكلة مع قطر!! يا للعجب الحكومات و الأفراد زائلون و تبقى الأوطان و الحكومات الدوارة التي تحكم البلاد فما لهذه الحكومة "عاوزين يخلوها بدون سودان وللا شنو!؟" منتهى التلاعب و الجبن و اللا مسئولية فأرض السودان و ممتلكاته العينية ليست ملكاً لأحد أو أي حكومة تتصرف فيها لبيعها حتى لجهات أجنبية و هذا هو غاية الجبن و الكنكشة حيث من الواضح أن مخططي البيعة يودون الخروج من دولة السودان "المتوقع" يتم ذلك بأكبر الفوائد المجكنة لصالحهم خارجيا- حسبنا الله و نعم الوكيل لك يا سودان إذ لا بد من الفجر و إن طال الليل البهيم حسبنا الله و نعم الوكيل ،،، ً


#384583 [ليل]
5.00/5 (1 صوت)

06-05-2012 02:03 PM
يستلزم التذكير ، في هذا الاطار ، أن السودان عضو في اتفاقية كوتونو للشراكة مابين افريقيا والاتحاد الاوروبي . حصة السودان تبلغ 300 مليون يورو سنويا بل وتمت مضاعفتها بحوالي 5 أضعاف( لتصل 1.5 مليار يورو )، الا أن عدم التزام الخرطوم بقرارات المحكمة الجنائية الدولية من جهة ، والتأثير الضاغط علي الافارقة الاخرين أوروبيا وأمريكيا ، يجعل حصول السودان علي تلك الارصدة والاموال أو أي نسبة منها في حكم المستحيل المطلق . .

أو بعدين آخره ؟؟؟؟؟؟


#384577 [sahi]
3.50/5 (3 صوت)

06-05-2012 02:00 PM
البلد عارفنها انتهت وعشان كدا عملوا بالمثل السوداني (دار ابوك كان خربت شيل ليك منها شلية) ودي الشليه بتاعتهم مقدارها 2.7 بليون دولار ودي البداية تبعها الاراضي الادوها للمصريين والسعوديين وغيرهم والجاي لسه وقالوا اخير يركزوا نفسهم قبل الطوفان .


#384568 [ابو احمد]
5.00/5 (1 صوت)

06-05-2012 01:52 PM
يا اخوي قول كلام يدخل العقل .....

بكره يطلع الكلام ده ما صحيح ...ولن نسمع او نقرا اي حرف اعتذار..


ردود على ابو احمد
United States [جركان فاضى] 06-05-2012 03:59 PM
اكيد لو تم تخفيض اسعارالمحروقات يكون الكلام غير صحيح


#384567 [الكناني]
4.75/5 (5 صوت)

06-05-2012 01:51 PM
الله يكون في عون السودان واهل السودان الى متى يستمر هذه الحال المائل والى متى يلو` الناس بالصمت ويلوك الشعب الصابر الصبر أما للصبر حدود في السودان؟؟!!! لقد حول الكيزان بلادنا السليبة الى ضيعة خاصة يتعلموا فيها الحلاقة على رؤوس اليتامى أين قيادات المعارضة من هذا الذي يجري بالبلاد لماذا هم صامتون صمت القبور اين الصادق المهدي الذي لديه انصار يخوضوا النار وقد حاربوا المستعمر بسيف العشر فكيف يعجزهم محاربة الكيزان فالانصار هم الجهة الوحيدة التي يخشاها الكيزان ويتحرقون شوقا لقتال الكيزان لو وجدوا اشارة مجرد اشارة من امامهم الصادق المهدي لصادموا الكيزان بيت بيت ودار دار وحارة حارة وزنقة زنقة لكن لا احد يدري ما الذي اصاب رجل وطني غيور ومفكر ضليع مثل الصادق المهدي يرى البلد تضيييع ويظل يتفرج .ياناس المعارضة وزعماء المعارضة وياشعب هيا هبوا على الكيزان هبة رجل واحد فهم اجبن مما تتصورون وساعة الحارة سيولوا الدبر مثل الفئران المذعورة والآن الكيزان في زنقتهم الأكبر مع الظروف الاقتصادية الصعبة والغلاء الفاحش وقد بلغ السيل الزبى وقد تهيات الظروف تماما لنتفاضة وهبة شعبية تقتلع النظام من جذوره وتطهر البلاد من دنس وعار ووسخ الكيزان لا مخرج للبلاد الا بانتفاضة شعبية محمية بالسلاح فلتتكاتف معارضة الداخل مع الحركات المسلحة ويحكموا التنسيق لتدشين ضربة البداية فالنظام يترنح ولاتنقصه سوى دابة الأرض تأكل منساته ليخر صريعا ويتخلص الشعب من العذاب المهين الذي لبث فيه من 23 عاما.


#384561 [راشد]
4.00/5 (3 صوت)

06-05-2012 01:49 PM
البيعة للتنظيم العالمي للاخوان المسلمين وقطر مجرد واجهة


#384557 [مجودي]
5.00/5 (1 صوت)

06-05-2012 01:46 PM
'فالوطن كله معروض علي قارعة الطريق بجرس دلالة كاتم الصوت !'

صدقت والله

وكمان من زمن ..

عصابة "آل كيزوني" ما عندها دم ، ما عنده إستحيا .. ديل

فقدوا كل ما ليهو علاقة بالكرامة وبالإنسان والإنسانية ... تولاها وبس.

ختو ليهم "شرابات" في وشهم القبيح المبرقع بالفساد وقتل الأبرياء ومشوا على "حل شعرهم"

يكذبوا ...يكذبوا ..أدمنوا الكذب البوهو من " هل هؤلاء الرجال جبهة"

بقوا لا بخافوا من الناس ولا خايفين من الله

شفتو الكذب والمسرحية بتاعة هجليج كانت كيف ؟ إخراج ما يخرش

الكذب بتاع طيارة بورتسودان ..؟

ديل ما عندهم حاجة غير البيع ...

تحدي الإنتاج والدعك بتاع منافسة السوق دا ما بيفدروا عليهو

أصلو هم أولاد الإقتصاد الطفيلي .. ما بينتج حاجة بس العندك داك بفلح فيهو تب

يمصو للنهاية زي كل الطفيليات ..

دي ناس خلاص إنطبعوا وإنفطموا على كده .. ما في صلاح إلا يدونا عرض أكتافهم


#384556 [د. ياسر الشريف]
5.00/5 (1 صوت)

06-05-2012 01:46 PM
السودان ما فيهو حاجة بتندس. ولكن رغم هذا فإن ما خفي أعظم.


#384554 [صقر الجو]
5.00/5 (1 صوت)

06-05-2012 01:44 PM
الحقو ما اكونو باعاوكم انتو زاااتكم فلاشا
كل يوم تظهر عجائب
الانقاذ ثامنة عجائب الدنيا


ردود على صقر الجو
United States [انور] 06-05-2012 03:40 PM
يا ريت يبعونى فلاشا وامشى اسرائيل
الرئيس هناك شاغل ليهو بت
لقه النائب العام فاتح عليهو بلاغ


#384551 [صقيرها حام]
5.00/5 (1 صوت)

06-05-2012 01:43 PM
أصبت كبد الحقيقة استاذ عبدالرحمن الامين اسهل شيئ لهؤلاء اصحاب العمائم المطرزة والعصى المعكوفة واللحى المحننةوالعمائر المشيدة بمنشية البكرى وعبيد ختم وناكحى النساء مثنى وثلاث ورباع بالحلال وبفقه السترة من عرفي ومسياراسهل شيى لهؤلاء هو تشليح المؤسسات القومية وما تقول لى 40 مليار دولار اصلوا الدين في الكتوف و الاصل ما معروف ديل بدوها بحديقة الحيوان مرورا بالسكة حديد والاسواق الحرة والساقية لسع مدورة


#384547 [ابوشنب]
0.00/5 (0 صوت)

06-05-2012 01:41 PM
حسبنا الله ونعم الوكيل .


#384546 [azhari]
5.00/5 (1 صوت)

06-05-2012 01:40 PM
لا حول ولا قوة الا بالله... لو كلامك صحيح.. لو كلامك من مصادر موثوق بيها.. لا نملك الا ان نقول .. حسبنا الله ونعم الوكيل.... أنا لله وانا اليه راجعون.. حسبنا الله لا اله الا هو..

مقالك اخى العزيز فيه منطق .. بل قل كل المنطق.. فمن اين لحكومتنا - الرشيدة - بملايين الدولارات ناهيك عن المليارات- وهم قفلو اى مصدر من المصادر البتجى منها الفلة...

اقول ليك حاجة.. خليهم يبعونا فى دلالة عالمية.. بس المشكلة نحن مااااااااااااااا نحجيب اى عائد.. عشان اقل شى هم يرتاحو مننا لاننا فى نظرهم .. عملاء, خونة, طابور خامس, وكل الصفات البلصقوها فى الشعب السودانى الفضل

حسبنا الله ونعم الوكيل,,,,,,,,,,,,,


#384536 [حيليو بلد]
5.00/5 (1 صوت)

06-05-2012 01:30 PM
لا حول ولا قوة إلا بالله
حسبي الله ونعم الوكيل

والله لو كلامك ده صحيح
الله يكون في عون السودان والسودانيين خلاص خطوات ونكون صومال تانيه


#384525 [karlos]
4.00/5 (6 صوت)

06-05-2012 01:18 PM
الحكومة بقت ذى الزول المدمن كل يوم تبيع حاجه من الوطن مرة الجنوب و مرة الافدنة الزرراعية و اخيرا المصفاة ما تكون باعت هجليج ذاتها لجهة ما شيلوا شيلتكم بس كل واحد يحاسب على لقاليقو.


#384521 [الفقير]
5.00/5 (1 صوت)

06-05-2012 01:16 PM
وبعد ما يكمل المبلغ بتبيعو شنو تاني ... انا لا استبعد ان تكون الحكومة بايعة كل الاراضي السودانية من اجل البقاء


#384519 [karlos]
5.00/5 (1 صوت)

06-05-2012 01:15 PM
يعنى نحن بقى لينا مصفاة الشاى بس؟ حتى مصانع السكر بقي ما حقتنا ؟؟؟ والله ضيعتونا و ضعيتو الجنوب كل مواطن سودانى يجب ان يتحسس جسمه ما يكون باعوه فى سوق الرقيق.


ردود على karlos
United States [جركان فاضى] 06-05-2012 04:20 PM
البركة فى الكبارى كانت بقت مصافى كان باعوها


#384516 [ماجلان]
5.00/5 (1 صوت)

06-05-2012 01:11 PM
يا اولاد الايه .....


#384508 [sudanese out said]
5.00/5 (1 صوت)

06-05-2012 01:06 PM
والله السودانيين لو ما بخافوا الله كان قتلوا ناس النظام ديل واحد وراء التاني
لكن ناس النظام ما بخافوا الله كل يوم يقتلوا ويغتصبوا ويعتقلوا ويبيعوا في البلد
القادر الله


#384498 [متألم وما حاسي]
5.00/5 (1 صوت)

06-05-2012 01:00 PM
عرورعرووووورووروروروروااااااك


#384496 [Shah]
4.00/5 (3 صوت)

06-05-2012 12:59 PM
بالله دى حكومة ولا عصابة؟ لو كانت الكعبة فى السودان كانوا باعوها فى الخفاء.


#384495 [ubedallawd]
5.00/5 (1 صوت)

06-05-2012 12:58 PM
لاحولة ولاقوة الا باللة
الجماعة ديل شكلهم دايرين اقعدو في تلها
خوفا من ان نصح يوما ونجد انفسنا انحنا والكيزان مرهونون للاجنبي


ردود على ubedallawd
United States [جركان فاضى] 06-05-2012 04:21 PM
دا لوصحيت فالانقاذ مازال طفلا


#384493 [ابو كريم]
0.00/5 (0 صوت)

06-05-2012 12:58 PM
هذة الحكومه التى تدعي اللاسلام والشريعه .... تنهب اموال الشعب السوداني !!,,,,
مثل هذة الصفقات وبهذا الحجم,,,, تعلن في مؤتمر صحفي وعلى الملاء.. وتوضح الحقائق للشعب السوداني
ماهي تداعيات هذة الصفقه,, ومالغرض منها ,, وماالعائد والفائدة المرجوه منها للشعب السوداني

لانها اموال الشعب السوداني,,, ومن حق صاحب المال ان يعرف امواله كيف تدار ,,,
وليس بالخفاء هكذا ....


ردود على ابو كريم
United States [karlos] 06-05-2012 03:12 PM
يا ابوكريم انت بتنصح فى منو ياخى ياخى الناس ديل ما بينصحوهم يعنى عاوز تنصح واحد ذى امين حسن عمر ولا نافع الناس ديل شايفين العب السودانى كله حشات ساكت و كمان نسناس الخناس



خدمات المحتوى


صفحة 2 من 2<12
مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2020 alrakoba.net - All rights reserved

صحيفة الراكوبة