الأخبار
أخبار السودان
انكشاف سر مصدر الضخ المالي المفاجئ للخزينة: بيع مصفاة الجيلي لقطر ب2.7 بليون دولار !
انكشاف سر مصدر الضخ المالي المفاجئ للخزينة: بيع مصفاة الجيلي لقطر ب2.7 بليون دولار !
انكشاف سر مصدر الضخ المالي المفاجئ للخزينة: بيع مصفاة الجيلي لقطر ب2.7 بليون دولار !
مصفاة الجيلي


06-05-2012 12:35 PM
كتب :عبدالرحمن الأمين
[email protected]

لوزير مالية السودان بصمة خاصة في استنباط طرائق غير مألوفة للتعاطي مع مهام وزارة تعني بالارقام والاحصاءات . ففي الوقت الذي تتمحور فيه احاديث رصفائه حول التفصيلات الرقمية والاحصاءات الدلالية مرفوقة بقراءة المؤشرات العامة ، فان وزير مالية السودان السيد علي محمود استحدث جديدا يوم 13 مايو الماضي . ففي حديثه لوكالة الانياء القطرية قال الوزير أن بلاده حصلت على مورد مالي أجنبي ضخم من أحد المصادر الخارجية ، رافضا الإفصاح عن حجمه والجهة التي قدمته للحكومة !! ومضي للتأكيد بأن الحكومة ستقوم بضخ مبالغ مالية كبيرة من هذا المورد المالي الذي توفر لها بما من شأنه أن يتسبب في(انخفاض سعر الدولار في السوق خارج المصارف إلى 50% من قيمته الحالية) عي حد قوله .

تفاوتت الافتراضات في حقيقة ماعناه الوزير وتستر عليه من معلومات بل وان بعض ماتم تداوله انصرف للبحث في الاحتمالات ، فاستقوي الخيال بالظنون . طافت الترجيحات مابين غسيل الأموال ، اجبار صغار المتنفذين في الحكومة بارجاع بعضا مما نهبوا وانتهاءا بأفاعيل الشعوذه وتنزيل الفلوس بالسحر !!!

لا هذا ولا ذاك .

قامت حكومة السودان ببيع مصفاة الجيلي لدولة قطر بمبلغ 2.7 بليون دولار ! انها أحدي صفقات الخفاء التي يغيب سماسرتها وأموالها وأرقامها الحقيقية في ظلام السرية .وبهذا تضاف مصفاة الجيلي الي قائمة ماتم تشليحه وبيعه من مؤسسات وطنية . يذكر أن المصفاة المباعة قد بدأت بسعة كلية للتشغيل مقدارها 59 ألف برميل عند بداية تشغيلها الفعلي في 16مايو 2000وتطورت طاقتها الي 100 ثم وفي مارس 2009 تمت مضاعفة طاقتها الي 200 ألف برميل يوميا ابان عهد وزير الطاقة ( آنذاك) الزبير أحمد الحسن ، والذي كان واحدا ممن أسهموا في اقناع دولة قطر بجدوي الاستحواذ / البيعة وشارك في التفاصيل بفعالية .

تقول مصادرنا ذات الموثوقية والاطلاع ، أن هذا المبلغ سيكفي الحكومة لما يقارب 3 أشهر ويسد حاجتها من الاوكسجين التشغيلي قبل أن ينتقل الاقتصاد مجددا الي سرير العناية المكثفة. وساقت ذات المصادر ترجيحاتها بأن الحكومة تسعي حاليا لتأمين مبلغ في حدود الملياري دولار عبر خيارين أحدهما بيع سكر كنانة ، رغم تعقيدات التنازل عن حصة السودان في وجود شركاء ، أو من ماليزيا وهو الخيار الساري التنفيذ برغم تباطؤ التفاوض في مرحلته الاولي . وقال المصدر ان الابطاء يتعمده الجانب الماليزي الذي ينتهج هذه الاستراتيجية حتي تتضح مخرجات مفاوضات اديس ابابا ومآلات القرار 2046 بشكل عام . وأضاف ، الماليزيون يريدون ارتهان مثل هذا القرض الضخم بالتقدم الايجابي علي جبهة المفاوضات السلمية وهم تحت ضغوط شديدة للغاية حيث يطلب منهم الامريكان ربط تقديم القرض "بعد" اظهار الخرطوم تبدلا بشأن موقفها من التعاون مع الجنائية الدولية . مذكرا أيضا ان للماليزين الكثير من الاموال التي لاتزال معلقة مع حكومة السودان ، وبالذات في كل ماله صلة بشركة بتروناس البترولية .


يذكر ان وزير المالية وبمعية وفد كبير فيه محافظ بنك السودان ووكيل وزارة المالية وعدد من كبار الفنييين ، زار واشنطن في أواخر شهر ابريل زيارة تتطبعت بالتكتم ولم يرشح منها اعلاميا شيئا . في واشنطن اجتمعوا بفريق من صندوق النقد الدولي ، لم يخرجوا من الزيارة بشئ غير التقريع علي تخبط الاداء وفشل الميزانية الاسعافية في شهورها الاولي ، فدعو فنييي الصندوق لزيارة السودان .

في 23 ابريل أعد سفير السودان بواشنطن وليمة عشاء للوفد ، دعا لهم من يأمن أدبهم وابتعادهم عن الاسئلة المحرجة من أهل الجالية . كان الي جانب الوزير الكثير من أهل القرار المالي وعندما أوعز السفير لمن يريد أن يحثهم للتحدث للحضور ، وكان خياره محافظ بنك السودان محمد خير الزبير، رفض حتي مجرد الرد علي طلب السفير وأهمل الوفد كله أي أسئلة سألها السفير أو ضيوف داره !!

وبالرغم من توفر السودان علي ثروة نفطية بلغت في سنوات الفورة النفطية "1999 -2011" مافاق 60 مليار دولار ، الا ان مديونيته العالية ، في الجهة المقابلة ، أصبحت أكبر دليل علي فساد التصرف في المال العام . فالسودان مطلوب اليوم 40 مليار دولار. ومن الغير المأمول الغاء هذه الديون أو اسقاطها عنه لسببين متصلين : الاول هو ان الدول الاوربية المانحة لم تتفاوض مع السودان لاسقاط تلك الديون . والسبب الاخر هو ان السودان وبسبب رفض قيادته الانصياع لقرارات محكمة الجنايات الدولية، لا يمكنه الجلوس مع الاوروبيين وغيرهم من المانحين للتفاوض!

يستلزم التذكير ، في هذا الاطار ، أن السودان عضو في اتفاقية كوتونو للشراكة مابين افريقيا والاتحاد الاوروبي . حصة السودان تبلغ 300 مليون يورو سنويا بل وتمت مضاعفتها بحوالي 5 أضعاف( لتصل 1.5 مليار يورو )، الا أن عدم التزام الخرطوم بقرارات المحكمة الجنائية الدولية من جهة ، والتأثير الضاغط علي الافارقة الاخرين أوروبيا وأمريكيا ، يجعل حصول السودان علي تلك الارصدة والاموال أو أي نسبة منها في حكم المستحيل المطلق .

للمقاربة فقط ، سنجتزئ معلومات عن اليونان. فهي تشابه العديد من البلدان النامية من منظور ارتفاع اعداد العاطلين فيها وتدني كفاءة القطاع الحكومي وتفشي التهرب الضريبي وعدم كفاءة منافسة منتجاتها في السوق العالمي . بل ونجد اليونان شبيها لنا حتي الفساد "فهذا البلد هو الأعلي نسبة أوروبيا حيث يحتل المركز الثاني بعد بلغاريا " ...

بالرغم من كل ذلك فما باعوا شيئا !

بعد 14 عام من النمو الاقتصادي المستمر ، ضرب اليونان الكساد في 2008 ولا تزال تصارع بطالة متفشية طالت اكثر من نصف من يعمل ، بلغت نسبتها 53.8% رقميا ، ينشط فيها مليون عاطل يتظاهرون يوميا ويشتبكون مع شرطة الشغب . وعند الاعتقال يخرجون بضمانتهم الشخصية دون أن يتهموهم بالعمالة أو التخابر مع الاعداء !

في مايو 2010 قرر الاوربيون وصندوق الدولي انقاذ اليونان من الانهيار المالي الذي انزلقت في هاويته وتدلدلت اقدامها من فوق حافة دونها فراغ يصم الاذن ! منحها صندوق النقد جرعة تنشيطية بلغت 45 مليار يورو وانهالت مساعدات الاخرين الي أن بلغ الاجمالي 110 مليار يورو ....

ماباعوا شيئا ولو اصناما من محاريبهم ....ولم يقف وزير المال عندهم وقال أنه سرا مكنونا !


في الوقت الذي يتجه فيه المواطن المسحوق عندنا لمصادر الاخبار والمعرفة يستقي منها ماتوفر ، فان الخرطوم الرسمية بدأت في اعتماد طرق تواكب اساليب الوزير غير المألوفة . ففي ساعة شبه متأخرة من مساء الخمس 18 مايو خرج تصريح تعويم الجنيه ! تساءل الناس عن البيان ، فلم يجدوا بيانا ففهموا ان الأمر هو بالونة أختبار مقصود منها شراء يومي الاجازة ! فان باشر الناس أعمالهم ، وتعاملوا مع الامر " كأمر واقع " نجحت البالونة ، وأنتهي الأمر الذي فيه تستفتيان ! بل ويصبح صدور بيان من بنك السودان ليس له من داع ، وهذا بالضبط ماجري : عملة وطنية تعوم لأول مرة في تاريخها ، لا بيان رسمي من رعاتها الذين قذفوا بها في اللجة ؟

( فالناس عرفت بطربقتها وبي فهمها .... واللي ماعرف أكيد كلموه أصحابو .....والما عندو أصحاب يكلموه بي طريقتو ، نعمل له شنو ؟؟؟ غايتو تكون مصيبة لو النوع ده عايزنا "كمان" كحكومة نكتب ليهو بيان نشرح ليهو وللزيو التعويم لأنو ما عندو أصحاب يكلموه !- ده بس الفضل نسوي كمان !)
تقمصت اذني صوت أحد الرافضين اصدار بيان بالتعويم يعرض رؤاه !
وبذات الاسلوب سارت عزومة العشاء بمسكن رئيس تحرير الرائد ،الاستاذ راشد عبدالرحيم. غسل الضيوف أيديهم وتطايرت الانباء عن زيادة أسعار البنزين والمحروقات ....ايضا الخميس !


في الاسبوع الماضي ، ردت بعثة صندوق النقد الدولي زيارة الوزير لها في أخر أبريل والحاحه عليها بالحضور للخرطوم للتباحث . أوفت وحضرت . قضت 12 يوما تتسكع بين وزاراتنا . ختاما تكلمت . قالت إن الظروف الاقتصادية في السودان تدهورت أكثر مما كانت عليه في العام الماضي ، 2011 ، بل وأن الأمور لم تتحسن خلال الشهور الأولى من 2012. قال بيانها المشترك أن التحديات التي تواجه السودان صعبة وتحتاج إصلاحات مناسبة لكي يستقر الاقتصاد..مؤكدة ضرورة المزيد من العمل لتحسين افاق النمو وتوفير الوظائف.وأوصى الصندوق الحكومة السودانية باتخاذ خطوات من أجل وقف تدهور الأوضاع الاقتصادية على المدى القصير وعلى المدى الطويل يجب على الخرطوم تنفيذ برنامج إصلاح هيكلي شامل.

انتبهت الي ان امساكية 2012 لاتزال في منتصفها . اذن سيتوافد علينا 26 خميسا ، وربما عدد مماثل من أخبار صاعقة بعد انتصاف الليل . هل يستقيم النوم مساء الخميس /ليلة الجمعة وتجليات ساعات البيع بالكسر؟ لكن ....هل من سبيل لفعل شئ ، فالوطن (كله) معروض علي قارعة الطريق وجرس الدلالة كاتم الصوت ! ستلاحظ ان الدلالة بلا حضور : فالبيع تم من منازلهم وأرسيت الاسعار !











تعليقات 119 | إهداء 7 | زيارات 56173

صفحة 1 من 212>
التعليقات
#386720 [opera2020]
1.45/5 (9 صوت)

06-07-2012 10:12 PM
دليلو شنو اي زول ينسج قصة من خيالو نحن دايرين براهين


#386719 [opera2020]
1.84/5 (10 صوت)

06-07-2012 10:06 PM
بيع مصفي ماشي ساهل كدا وابو العريف دا ما عارف قيمة المصفي الحالي دا مشرعا تي


#386638 [احمدكامل]
1.43/5 (12 صوت)

06-07-2012 07:55 PM
الحمدلله ديل ماحكمو السعوديه .... كان باعو الحرم والله الكعبه دي كان جابت كتره قروش ( اللهم انزل عليهم رجسا من السماء)


ردود على احمدكامل
United States [software] 06-13-2012 05:11 PM
والله ديل لو قعدوا اكثر من كدا لباعو الشعب السوداني ومشوا في جنازتوا؟؟؟؟؟؟ اي شبر في الارض تم بيعه !!ماعارف الاراضي الباقي لينا في السودان شنو!!!؟؟؟


#386499 [امحمد احمد]
1.44/5 (10 صوت)

06-07-2012 04:07 PM
ده شغل القمرتية كده.....كلما ينخرت يبيع حاجة!وكذا السفيه.


#386467 [ibrahim]
1.49/5 (9 صوت)

06-07-2012 03:22 PM
يا جماعة الخير ، بيع المصفى ، يعني مافي بترول ، وما عارفين هل تريد قطرأن تفكك المصنع وتركبها في مكان ما؟ أها الباقي شنو للبيع ؟


#386403 [ابو ابراهيم]
1.48/5 (9 صوت)

06-07-2012 01:49 PM
إذا إفترضنا ان البيع قد تم لم يوضح لنا الكاتب ما هو الاثر الاقتصادي لهذه العملية ؟


#386360 [ابوعبدالله]
1.43/5 (14 صوت)

06-07-2012 12:51 PM
انتو ما تبيعوا السودان كلوا لقطر منها قطر تتوسع شويه و منها نحن نبقا قطريين و نشم الهوا شويه


ردود على ابوعبدالله
United States [مدحت عروة] 06-07-2012 07:23 PM
انت قايل يا ابو عبدالله انهم ما باعوا اراضى لقطر او غيرها اتوقع ان يكون ذلك قد حصل وما بعيد كلامك يطلع صاح!!! ديل فى سبيل بقائهم فى السلطة ممكن يعملوا اى حاجة ديل لو عندهم مسؤولية او وطنية كانوا كاسوا الحل من داخل السودان بعقد مؤتمر دستورى جامع واقامة دولة الحريات وفصل السلطات وسيادة الدستور والقانون وهى الهيكل الاساسى للاستقرار السياسى مش الطرق والكبارى والسدود مع اهميتها مش يمشوا يكوسوا الحلول فى مشاكوس وابوجا واديس وقطر او غيرها!!! ناس الانقاذ يقولوا يا نحكمكم او نشاء الله ما يفضل سودان ذاته!!!! والمصيبة يتهموا المعارضة بالخيانة وهم اسياد الخيانة مافى ذلك ادنى شك!!!! هل حل البريطانيين مشكلتهم مع الجيش الجمهورى الايرلندى والشين فين خارج حدودهم؟؟؟ الانقاذ عار على الوطن!!!


#386180 [جادون]
1.43/5 (12 صوت)

06-07-2012 09:48 AM
كل الاحتمالات وارده، يعني من الممكن ان يكون البائع والمشتري من داخل الحكومه.؟؟!! واشاعة قطر هذه مجرد تشتيت للافكار ..!!
لكن هل تصح مثل هذه الانواع من البيوع قانونا...؟؟ وهل يكون القطريين بهذه السذاجه..؟؟!.. فهذا بيع من لايملك، لمن لايستحق. فكيف تستغل قطر، وبعض الدول العربية مثل مصر والسعودية وغيرها، ضعف هذه الحكومه، وحاجتها الماسه للنقد لتقوم ب(التكويش)، على كل ثروات البلاد، مع سبق الاصرار والترصد، اليس هذا قمة الاستغلال ..؟؟!


#386029 [baby75]
1.43/5 (11 صوت)

06-07-2012 07:49 AM
ياخونا انتو عارفين انو قريب حانتفاجاء بى انو باععو الشعب السودانى ونكون نحن ماجايبين خبر باعونا لمنو


#385955 [ابويزيد السوداني]
1.47/5 (8 صوت)

06-07-2012 06:24 AM
هذا الوطن الشامخ وسيظل كذلك. وبوعي شعبه سيرد كل شبر بيع منه . واكبر صفقه كانت بيع ثلث السودان فالشطار يكشف لنا بكم تم بيعه ومن المشتري ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#385852 [AbuAhmed]
1.45/5 (9 صوت)

06-06-2012 10:53 PM
خبر غير موثق وغير منسوب لمصادر واضحة... لم أجد أي وكالة أنباء أو صحيفة أو محطة فضائية تشير الى إرهاصات أو مؤشرات لصحة الخبر أو مجرد اشاعات لحدوثه... للأسف الخبر مفبرك ومن بنات أفكار الكاتب والمؤسف أن المعلقين على الخبر أكلوا الطعم وسلموا بصحته.


ردود على AbuAhmed
United States [امحمد احمد] 06-07-2012 04:05 PM
يا بتاع الطعم إنت......لماذا لم يصدر بيان تكذيب رسمى للخبر من وزارة المالية البائعة إن لم بكم الخبر صحيحا؟بالامس سأل أحد النواب فى البرلمان عن صحة الخبر تم تجاهل تساؤله.

United States [ابقرشين] 06-07-2012 02:13 PM
ماسمعت بالشينة منكورة،لا قريت ولاباريت وأمنجي كمان.
ياتو يوم الحومة بتزيع خبر بيع الممتلكات العامة السودانية ؟؟؟!!!
المشكلة نوعكم دا أكبر خطر على المجتمع النوع البضلل الناس دا شوف البلد وصلت لي وين هسي ؟؟!!
لو في حاجة واحدة صاح كان بتصل للمرحلة دي.
بعد دا كلو انشاء الله يكون الكوم البدوك ليهو كبير ما فتافيت ساي ؟؟!!

United States [ابوخالد] 06-07-2012 02:17 AM
الامنجي الشاطر ابو احمد
سؤال لك ...أين نشر أو أذيع بيع أأأأي واحد من الاصول أدناه ؟؟؟ ..فتش ياشاطر وتعال لينا بالتوثيق


سودانير+( خط هيثرو اللندني )
وزارة التربية والتعليم
حديقة الحيوان
مصلحة النقل النهري
فندق السودان
مصلحة المخازن والمهمات
مرافق شارع النيل العامة باستثناء القصر الجمهوري
مصلحة النقل الميكانيكي
مشروع الجزيرة وما ادراك ما مشروع الجزيرة
الاسواق الحرة
فندق قصر الصداقة
بنك الشعب التعاوني
الاراضي لجمعة الجمعة ولصوص توظيف الاموال ( واخرهم بتاع جزيرة العالم )
اراضي المقرن الزراعية
سكنات سجن كوبر ( الملازمين )
سكنات السكة حديد ( كبري الحرية )
الشركة السودانية للهاتف ( موبيتل )
الجنــــــــــــــــــوب
اتمني الا يكون ضميرك انت برضو راح فيها ثمنا لهذه القطعة ( المدافعة ) التي سوف تستلم بكرة ثمنها من الجهاز !!!


#385557 [أبو همام العريبابي]
1.61/5 (11 صوت)

06-06-2012 03:36 PM
صورت مصفاة الجيلي وجعلتها على خلفية جوالي ... وزعلان جدا على تصرف بيعها وكل مرة اطالع على الصورة التي هي في جوالي وأقتاظ جدا لما حدث والله زعلان زعلان زعلان جدا ... وكلما أتذكر مشروع الجزيرة وما حدث له أتحسر وأتحسر وأتحسر جدا ... الحكاية نهايتها متى ؟؟؟؟؟ كثر تألمنا في هذه اللآونة الأخيرة ولا أظن تخف حدة التحسر هذه حتى ولو صعد سوداننا لنهئي كاس العالم بالبرازيل ونال لقب المنديال .... لا بد من ثورة ولو يقوم بها البشير نفسه ... لقد إستبشرنا خيرا عندما عزل البشير الترابي وصار للدولة رأس واحد ... ولكن للأسف الحال في حالها بل أسوأ ... نأمل من البشير دعوة الخبراء في كل مجال والعمل على حلحلة كل مشاكلنا أسوة بما حدث أول الثورة بعقد المؤتمرات المتخصصة ... نأمل سرعة البت في الموضوع أعجل ما يمكن


#385518 [الاميرة السودنية]
1.43/5 (13 صوت)

06-06-2012 02:33 PM
cty the beloved country


#385430 [مفيش فايدة]
1.46/5 (11 صوت)

06-06-2012 12:23 PM
اوطااااااان عم تنباع زى ماقال دريد لحام .....!!!!!!!!!
لاحول ولاقوة الابالله العلى العظيم ...
ثم ماذا بعد هذا ...؟؟؟؟
دى كلها حلول مؤقتة وعارفين العلة فى 3 حاجات
الاولى اننا بعدنا من ربنا كلناااااااا دون فرز فسلط علينا الناس ديل ...
والسودانيين السمحين ولاد الاصول والقبايل فاتوا البلد وخلوها سهلة ساااااااااى ...!!!
وكل الناس البعرفوا اقتصاد اتكلموا الحقوا الزراعة عووووووك الحقوا الصناعة الرعى ومافى زول سمع كلامهم اسع بترول وماافى وجنوب ومافى وقاعدين راجين الحل ...؟؟؟
والبقول دى قروش ليبيا امس القريبة دى جابوا تقرير فى الجزيرة عن تعمير وبناء البيوت الهدمتها الحرب قالوا عاوزة تريليون دولار و6 سنين شغل ...!!! واعترفوا انو المبلغ ماعندهم حاليا ...
اللهم فرجك القريب ...


ردود على مفيش فايدة
United States [زولة] 06-07-2012 07:23 PM
بعيدين من الله براااااكم


#385367 [سوداني]
1.49/5 (13 صوت)

06-06-2012 11:26 AM
ومالـــــــــــــــــــــــــــــــــه والغريبة في كده شنو مش باعوا مشروع الجزيرة وسودانير والسكة حديد والنقل النهري والنقل الميكانكي وفنادق السودان وكل شي باعوه طيب الغريب انه مايبيعوها وطالما نحن ساكتين بتشوفوا اكتر واكتر ولما سالوا فرعون عن سبب جبروته قال مالقي واحد يردعه ، ونحن طالما ساكتين ومطنشين ليهم حق يسوا العايزنه وبكره بيبيعونا نحن زاتنا وبعد كده بنسمع عن حملات صيد الشعب وبيعه في سوق النخاسة وصدقوني مابيعجزوا بيلقوا المبرر لبيع الشعب عبيد لانه عبدالحي يوسف وعصام البشير والكودة بضبطوا ليهم فتاوي علي المقاس وناس احمد البلال والهندي عزالدين وتيتاوي بيعملوا الواجب في خلق المبررات في تحليلات التلفزيون ، والكيزان ماعندهم اي مانع يعملوا اي حاجة بس يقعدوا في السلطةويا شعب السودان ياشعب ضحكت من سلبيته الشعوب.


#385320 [سودلنى]
1.45/5 (11 صوت)

06-06-2012 10:38 AM
انا داير اقول على القانونيين ان يعملوا على نزع اى صفة شرعية على هذه العقود وربطها بما يدور
فى البلاد على ان هذه العصابة بتستعمل البلد كدرع لها من القضاء العالمى


#385263 [اسد الهندكوش]
1.43/5 (11 صوت)

06-06-2012 09:56 AM
يا اخي هم عمله انشاء الله يخلله


#385203 [pastos talaga]
1.64/5 (8 صوت)

06-06-2012 09:01 AM
ماشين كويس طب يلا دايرين حقنا من القروش دي انا اموت وافهم القروش دي بودوها وين و بعدين ما شايفين اي تغير حاصل في البلد بل بي العكس البلد ماشة لي ورا كتمت بعد دا


ردود على pastos talaga
United States [ابو الليل] 06-07-2012 01:37 PM
لو داير تعرف القروش دي امشي طافزلاي حتعرف ؟؟ عمارات وكدا ودا غير الحاجات التانية


#385194 [aburawan]
1.43/5 (9 صوت)

06-06-2012 08:51 AM
باعوه بعقود موثقة ولا بيع خشم سااااااااااااااااى... كان بعقود يجب على الشعبين السودانى والقطرى معرفة ذلك العقد ...وكان احتيال كيزان نحن غير ملزمين بذلك
الشهر الجاي حيبيعوا محطة برى الحرارية عشان يدوا ناس الامن مرتباتهم يا اخوانا ..انتو قايلين الموضوع شنو ما موضوع مرتبات الامن والعسكر والشرطة عشان الجماعة ديل كان اتململوا بعملوا مصايب كبيرة .


#385145 [ALDABI]
1.44/5 (12 صوت)

06-06-2012 08:05 AM
مادام نحنا السودانيين عايشين في النوم العميق والتبلد وحالة الاسترخاء وعدم المسئولية تجاة الوطن والاجيال القادمه انا اتوقع كل شي من هولاء السفله الكيزان السرطان الذي اصاب السودان في عز مجده اتوقع عادي جدا ممكن يبيعو بيتك وانت جالس فيهو زي ماقسمو السودان الي دويلات عجبي لهذا الدول تتحد ونحنا نتشتت ...لابد من التغيير وان طال الزمن ....اللهم ارينا فيهم عجائب قدرتك اللهم شتت شملهم اللهم دمرهم يا رب العالمين

لكن مشكلتنا نحنا السودانيين في طيبتنا ...
ان غدا لناظره قريب


#385077 [عبدوفاضل]
1.43/5 (12 صوت)

06-06-2012 07:08 AM
قبل اكتشاف البترول في السودان كنا عايشين مرتاحين ونتمتع بخيرات البلاد ومن ابسط حقوق المواطنة من تعليم وصحة ، والان محرومين من كل هذا حتي من ابسط حقوق الحياة من اكل وشرب .... منتظرين شنو ياشعب . ان الله لا يغير بقوم حتي يغيروا ما بانفسهم .


#385045 [أبو همام العريبابي]
1.46/5 (10 صوت)

06-06-2012 05:43 AM
كلمني صديقي التوم بارا بقصة بيع مصفاة الجيلي قبل فترة وقال وقلت الله يكذب الشينة .. واللآن تحقق ما تردد .. والشينة صارت حقيقة ... ثم ماذا بعد ؟؟؟؟ سننتظر وننتظر نرقب تحسن الوضع وتحسن حال الجنيه وإن كان تقرير زيارة وفد صندوق النقد غير مبشر حيث ذكر أن الحال أسوأ مما كان عليه العام السابق فالله المستعان لأهل السودان ... ماذا يضير لو جلس خبراؤنا الإقتصاديين من كل ألوان الطيف لبحث حلول هذه المعضلة الإقتصادية ؟؟؟؟؟ نأمل تواضع الحكومة ممثلة في وزير ماليتها بالدعوة لمؤتمر إقتصادي جامع وعاجل لبحث مسألة الجنيه ... فقد سئمنا من تردي الأوضاع الإقتصادية


ردود على أبو همام العريبابي
United States [ودالبلد الأصلى-كان أسمو السودان] 06-06-2012 10:04 AM
هم ألوان الطيف ديل فى زول قاعد يناديهم؟ عشان يقعدوا !ولا يقيفوا !القاعدين ينادوهم من النوعية (البيتدوعلوا) من شاكلة راشد ومن لف لفهم الذين تتزايد مناطق الفهم عندهم فى جضومهم (ومناطق أخرى لا تسمح أدارة الراكوبة بالتطرق لها)ولكن هل سمعت يومآ بأنهم قد دعو الى أى شأن صاحب رأى مخالف لهم؟ وماشى بعيد ليه هسع فى المفاوضات الدايرة فى أديس !هل نادو زول سودانى غيرهم ولا أستشاروهو ساكت من نوعية المستشارين المردومين فى نجيلة القصر الجمهورى وبيدوعلوا فيهم ؟(للضحية.. ولا شنو؟)ما تحرق أعصابك وتنتظر المامنظور، من شاكلة سياسات أقتصادية وكلام كبار من النوع دة... دى عصابة بتاعة أقلع وبس!وبيفكروا بفهم العصابات .أقلع! بيع الموجود! ولى بكرة يظهر شى جديد يمكن يتباع.وبكرة تسمع أنو باعو السودانيين البشر الفضلو فى البلد!بس المشترى لسع ماجا للأستلام!


#385031 [حامد الامام]
1.45/5 (12 صوت)

06-06-2012 03:55 AM
الحل بسيط جدا وقوف صوت اخر طلقة من الهامش , والناس تتجمهر (عصيان مدني) وبس , لكن تقعد تقول هذاء جعلي , شايقي , دنقلاوي - أكلوا حقي لابد من كنسه هذا مسلسل سوف ينتهي بعد العيد ::::::


ردود على حامد الامام
United States [imad] 06-06-2012 08:41 PM
كلامك صح ياحامد


#385025 [شمالي]
1.44/5 (12 صوت)

06-06-2012 02:49 AM
وطن لأعرق شعوب الدنيا يباع في المزادات العالمية
ولماذا !!
هل نحن كشعب نأكل غير تلك الوجبة الواحدة والتي لا تساهم فيها بأي شكل هذه الدولة الرسالية !!
هل الصرف البذخي على جهاز الأمن لمدى 23 عام أكد لسعادة المشير عمر البشير أنه سيخلد في الأرض إلى أن يرث الله الأرض وما عليها !!
ما ذنب هذا الشعب في السفة التمكيني لهؤلاء القوم !!
مع من تتفاوض حكومة جنوب السودان الآن !!
هل تتفاوض مع دولة قطر المالك الحصري لمنشئات البترول في السودان أم مع حكومة المؤتمر البطني
حسبنا الله ونعم الوكيل
ولماذا بعد هذا كله يشنف آذاننا بقبيح القول وبذيء الكلام ذلك الرعديد نافع


#385018 [فكي كارب]
1.43/5 (12 صوت)

06-06-2012 02:04 AM
هي لله هي لله هي لله هي لله هي لله هي لله


#385009 [طبيب مقهور]
1.44/5 (13 صوت)

06-06-2012 12:44 AM
والله دي مشكلة الكيزان اولاد الكلب باعونا ونحن شغالين نهتف والله ديل فاتو اليهود الله ينعل الحرامية ويريحنا منهم


#385002 [باى باى سودان]
1.44/5 (22 صوت)

06-06-2012 12:13 AM
يا الله من الظلم الذى يقع على بلدنا و نحن ننظر و نعاين و نعلق فى الراكوبة و نقعد فى شارع النيل للصباح....
صدقونى الحكومة لو قالوا ليها رجعى البارات و بيوت الدعارة و ذلك سيزيد من الهاء ما تبقى من الشعب فستقوم بفتحها دون تردد.....
أستغرب من أى شخص يشكك فى هذا الخبر ألا ان يكون مدسوسا.....دولة ما عندها موارد و ماشة بالتساهيل كما قال د. نافع (قفلوا البترول طلع لينا الدهب)!.....وزير المالية المتخبط و الذى يحشر أنفه فيما ليس له ، فمسؤولية الايرادات بالعملة الصعبة تقع تحت وزارات النفط ، المعادن ، الصناعة ، الزراعة ، الثروة الحيوانية و حتى السياحة زائدا جهاز شؤون المغتربين الفاشل و كل تلك الوزارات فاشلة و فاسدة و متآمرة على الشعب و ما زالوا يتبعون خططهم التدميرية حتى باعوا كل ممتلكات الوطن و سلموه لملاك جدد محميين بآلة عسكرية ضخمة تتحرك وفقا لتوجيهات مجلس الأمن و كل من تابع جلسة اليوم يعرف أن فيلم نهاية السودان قد إقتربت نهايته فقد قام الممثلين فى فرقة الكيزان المسرحية بادوارهم كاملة مما أهلهم لنيل كل جوائز الأوسكار المطروحة:
- جائزة أحسن ممثل (مناصفة على عثمان و صلاح قوش)
- جائزة أحسن ممثلة (الحركة الإسلامية السودانية + أنصار السنة + حزبى الأمة و الإتحادى)
- جائزة أحسن إخراج (المخرج العالمى حسن الترابى)
- جائزة أحسن إنتاج (التنظيم العالمى للإخوان المسلمين بتمويل أمريكى عن طريق الخزنة القطرية)
- جائزة أحسن موسيقى تصويرية (صاحب أغنيتى أمريكا روسيا قد دنا عذابها و فى حماك ربنا)
- جائزة أحسن خدع سينمائية (مناصفة الترابى/البشير فالحرب خدعة - حبيسا و رئيسا)
- جائزة أحسن ممثلة مساعدة (الحركة الشعبية لتحرير السودان)
- جائزة أحسن ممثل مساعد (مناصفة حزب المؤتمر الشعبى و جماعة علماء السودان)
- جائزة أحسن ديكور (المؤتمر الشعبى العربى و الإسلامى)
- جائزة لجنة التحكيم (كل من شارك فى المسيرات و التعبئة و الاستنفار و الليالى الجهادية و من راقب أبناء شعبه و الدفاع الشغبى و جهاز الأمن العام و جمال الوالى و صلاح ادريس و المتعافى و عبد الحى يوسف و محمد عبد الكريم و الدبابين و القرود كاسحات الألغام و شنان و يوسف عبد الفتاح و جلال الدقير و أحزاب التوالى و عبد الرحيم حمدى و منظمى أعراس الشهيد و صاحب فكرة دمغة الجريح و أسامة داؤود و طه على البشير و خالد فضل المولى و سعود البرير و صابر محمد الحسن و كل من ساهم فى تصوير الفيلم و شد المشاهدين حتى النهاية)
- جائزة أحسن مونتاج (عبد الرحيم محمد حسين عن لقطات الضربات الجوية عند صلاة العشاء)
- جائزة المشاهدين السودانيين ( مناصفة الصين و ماليزيا الأمريكية)

شكر الله سعيكم و الفيلم أقصد البكاء ده ما عندو كشف يعنى أكلوا و أشربوا شاى سااااااى.......


ردود على باى باى سودان
United States [karlos] 06-07-2012 07:19 AM
بتاع جائزة نوبل السودانى الرفض الجنسية الهولندية المكنة بتاعت الامن نسيتوا


#384976 [أبو أنس]
1.43/5 (15 صوت)

06-05-2012 11:12 PM
هذا ليس غريبا ما المانع في بيع مصفاة الجيلي ؟ ، أليس تم بيع كل المنشآت الحكومية بحجة الإستثمار ، أليس تم منح الأراضي حتى للسوريين ، بينما المواطن لا يجد مساحة 250متر لبناء دارا ليأويه ، حتى الميادين العامة تم بيعها ، وكل الأراضي الصالحة للزراعة تمت بيعها ، دون مراعاة للأجيال القائمة ، ولكن ما الفائدة طالما نحن نبكي ونولول ولا نحرك ساكنا ، أليس الأفضل لنا ان نلبس الطرح ونجلس مثل اخواتنا في المنازل ، إن كان بيع هذه المصفاة حقيقة فلم الإنتظار ؟؟؟ .


#384965 [مظفر سيد احمد عثمان]
1.43/5 (17 صوت)

06-05-2012 10:43 PM
الحقيقة المرة التى يجب ان يدركها الشعب السودانى وكل المعلقين من رواد الراكوبة وغيرها من المواقع الاسفيرية اننا لانملك حكومة او نظام سياسى كما هو متعارف عليه فى كل العالم وفى العلوم السياسى ، نحن بصراحة والعياذ بالله تتحكم وتتسلط علينا عصابة مافوية بكل ماتحمل هذة الكلمات من معانى ، هذة العصابة تدير امر البلاد بالاستعباط والاستنكاح ، اما الجانب الاقتصادى فيتم ادارته باسلوب الفهلوة والخسة والدناء التى تربت عليها هذة العصابة فى تنظيمها الماسونى المعروف ، لذلك لا تستغربوا من هذة العواسة التى تتم فى الشان الاقتصادى فهى قد اوصلتهم المرحلة التى يبيعون فيها كل ماهو متاح لهم فى سبيل ضمان استمرار مصالحهم الاقتصادية الفردية والجماعية ، اما فى الجانب السياسى فهم يمارسون مايصطلح على تسميته بالدعارة السياسية وهذا مانراه فى تصريحاتهم واحاديثهم التى يطلقونها فى الهواء الطلق من امثال اقوال ذلك الهنبول الراقص واقوال ابو العفين اما قرد الطلح فهو يعانى من الصمت المطبق فى الظاهر اما فى الباطن فهو يعتبر المايسترو لهذة العصابة ، هذا هو واقع السودان الحالى والذى لن يكون له علاج حاسم سوى الخروج الى الشارع من اجل انقاذ مايمكن انقاذه من هذة الانقاذ واستمرارها يعنى ضياع السودان الفضل بارضه وشعبه وموارده ، اللهم قد بلغت فاشهد


ردود على مظفر سيد احمد عثمان
United States [ابراهيم] 06-08-2012 12:14 AM
يا جماعة قرد الطلح دى منو ؟؟
هل يا ترى د. العتبانى؟

United States [abusafarouq] 06-06-2012 03:52 AM
الله ينصرك وينصر دينك يارب نحن قلنا قرد الطلح ده هو وسواس وخناس وسبب تأخير الانتفاضة الشعبية حتى الان والبريك الامامى للإنقاذ يعرف كيف يوقف الجماهير بتصريحاته الجوفاء يجب علينا اللانؤمن بالأحزاب بعد اليوم أحزاب الخيبة والرجاء . دائما يقوم بدور المحذر والمخوف للجماهير من التظاهر لأن الحكومة قد أعدت لمواجهتها يا أخى أسكت لاتتكلم بكلامك الكثير الما منو فايدة خلى الشارع تتحرك لخلع النظام الهالك وأتباعه من الاحزاب الميتة الذى لن يزيد الجمهور إلا خبالا وخذلانا ..


#384950 [رادونا]
1.56/5 (11 صوت)

06-05-2012 10:21 PM
ماتخافوا الجماعة الاشتروا المصفى دي ركبوا ماسورة ودقسوا دقسة عمرهم
كيف؟
البترول بعد مااخذ الجنوبيين تلاتة ترباعه لايكفي لتشغيل المصافي
يعني ضربنا عصفورين بحجر حيضطر المشتري ان يستورد لنا بترول
ماتخافوا الحكومة ذكيه جدا منها قرشين ضختهم في شريينها والباقي على الله


ردود على رادونا
United States [جركان فاضى] 06-06-2012 04:52 PM
والعصفور الثالث ان الاموال التى ضخت بالعملة الصعبة اشتراها الكيزان وخلوا ليكم العملة المحلية0 فهنيئا لك بالعصفور الثالث0


#384914 [عنقالي]
1.43/5 (13 صوت)

06-05-2012 08:57 PM
حتى الشائعات يتم إطلاقها من قبل النظام وذلك لتحويل الانظار عن المصدر الحقيقي للاموال والفائدة الثانية أنه في وقت محدد سوف يتم الكشف عن أن المصفاة لم تباع فيفقد الناس المصداقية حتى في الاخبار المتسربة الصحيحةويعتقدون أنها أشاعات.
هنالك من المعلومات غير المؤكدة تقول أن مصدر الاموال هو الحكومة الليبية ربما جزء منها رد جميل على مشاركة القوات السودانية مع الثوار ضد القذافي والجزء الاكبر عبارة عن عملية غسيل أموال كانت بحوزة عملاء لنظام القذافي .
ونحكي قصة هتلر ربما تكون مناسبة لعقلية تفكير النظام
قبل اجتياح قوات هتلر للنمسا ومن ثم بداية الحرب العالمية الثانية قام هتلر بتصفية ثلاث من كبار مستشاريه لاعتراضهم على سياساته، وانتشر خبر أن هتلر قام باعدام المستشارين الثلاث وحصل تزمر كبير وسط القوات المسلحة والنخبة فقام هتلر باعتقال سبعة آخرين من كبار المستشارين واطلق شائعة أن الذين تم اعدمهم عشرة مستشارين وانتشرت الشائعة ولكن بعد أيام قلائل بدأ هتلر في اطلاق صراح ثلاث من السبع المعتقلين وظهروا في وسائل الاعلام ثم بعد فترة أطلاق صراح اثنين ثم بعد فترة اطلق صراح آخر اثنين فهدأت الامور وبالطبع نسي الناس المستشارين الثلاث الذين تم اعدامهم وظنوا أنها شائعة لا أصل لها.


ردود على عنقالي
United States [امحمد احمد] 06-07-2012 04:26 PM
يا عنقالى لو الخبر ما صحيح يجب أن يصدر نفى لو كان الدولة بتحترم نفسها/والله يبقى ما قيل صحيح.
الناكر الرسمى بتاعهم قاعد ينكر كل الاخبار العسكرية الصحيحة خليك من أنو الخبر يكون صحيح.


#384902 [مجنون]
1.85/5 (16 صوت)

06-05-2012 08:35 PM
للسودانيين فى الخارج الرجاء اصدار تاشيرة دخول للسودان للسلام على اهلكم وعيالكم لانه السودان اصبح ليس ملك لكم اشترته دولة .......... ، قريبا ، عشان بس تعرفوا قيمة الجنية ، عربات القصر الجمهورى ومصفاة الجيلي والاراضي الزراعية بيع جد ، ديل يبيعوا ناقة صالح عليه السلام حسبنا الله ونعم الوكيل


#384900 [عبد الواحد المستغرب اشد الاستغراب!!]
1.62/5 (14 صوت)

06-05-2012 08:35 PM
الاستاذ/عبد الرحمن الامين ربما تتفق معى بأننا وصلنا جميعا الى منزلق سحيق تحت حكم الانقاذ والسبب وبكل صراحه إجادة نخبنا ومثقفينا وسياسيينا اللطم وشق الجيوب ورفعهم الرايات البيضاء وكأنهم لا يتابعون الاخبار العالميه ومن ثم حاولوا إقتباس ما تفعله المعارضه فى الدول العربيه فى حال غياب الخيال عن جيل عاصر اعظم ثورتين فى التاريخ الحديث ومن لم يعاصرهما لا شك أنهم علموا بهما وقراءوا او سمعوا بتفاصيلهما!!وسوف نفترض إنهم مصابون (بإنقاذفوبيا)فالعالم حولهم إبتكر طريقه حديثه كان لا بد الاقتداء بها وخاصة ان نتائجها مضمونه فالمعارضون وحفاظا على حياتهم بصفه خاصه لجاءوا للاستقواء بالمنظمات الدوليه التى تهتم بمآسى الغير لايصال أصوات شعوبهم المستضعفه جدا وأنشأوا من أجل تحقيق هذه الغايه مجلس وطنى يتحدث بإسم شعوبهم ثم لجاءوا الى طرق تعصم دمائهم ودعوا لمؤتمر صحفى ليطرحوا فيه مشاكل بلادهم وجور النظام الذى يتولى السلطه وهنا هم ليسوا فى حاجه الى حمل أطنان الوثائق والمستندات التى تدين النظام لانها متوفره لدى المنظمات الدوليه منذ زمن طويل ولكنهم لم يجدوا من يتحدث بإسم الشعب ويترافع امامها وانا على يقين انهم الان فى دهشه من شعب يفترض أن فيهم السياسى والمثقف ولا يستطيعون ان يقدموا لهم يد العون فى قبر النظام الذى إستمراء سفك دماء شعبه !! وعلى كل حال إذا اردنا كف يد النظام من مثل هذه التصرفات الاستحوازيه التى تطيح بمقدرات البلاد فلا بد من الاسراع لتأسيس مجلس وطنى لكى يعرف العالم أن هناك طرف يتحدث بإسم الشعب ويرفض تبديد أملاك المواطن السودانى وظهور هذا المجلس سيجعل كل من يفكر فى المقامره بأمواله الف مره قبل الاقدام على فعلته أما مكافحة تصرفات النظام الصبيانيه والغير مسئوله بالقلم وحده سيشجع القطرين وغيرهم لشراء السودان بحدوده الجديده0


#384894 [عبدالله]
1.43/5 (12 صوت)

06-05-2012 08:27 PM
2 بليون دى يعنى كم مليار انا مش فاهم ؟؟؟؟؟؟؟؟؟


ردود على عبدالله
United States [عمر جابر] 06-06-2012 12:18 PM
سلام يا عبد الله
الحساب يبدأ هكذا: 10 عشرة، 100 مائة، 1,000 ألف، 1,000,000 مليون، 1,000,000,000 بليون (مليارد بالفرنسية)، 1,000,000,000,000 ترليون. (12 صفرا). 1,000,000,000,000,000 دشليون (أو كوادر بليون) (15 صفراً). والله أعلم.


#384892 [abu ammar]
1.45/5 (13 صوت)

06-05-2012 08:18 PM
انا مغترب لى عشرون سنه غربه عاوز اعرف شىء واحد بس اذا كان الكلام المكتوب دا كلوا حاصل وين السودانيين الاصليين الذين ورسوا هذا البلد من اجدادهم فقط حاله الجنوب هذه استثناء كل هذه الامور البيع التشليع ما هذا انا عاوز واحد يقنعتى بس يجيب اشياء مثبته با الصوره با الورق الاسباتات مادام فى بيع بهذه الطريقه عاوزين سودانيين اصيليين يدفعوا لهؤلاء الناس ويطلعوا للشعب السودانى الحقائق مثبته وشوف الحيحصل شنوا اذا كان هذا صحيح


ردود على abu ammar
United States [جركان فاضى] 06-06-2012 05:09 PM
يا اخى ما ملت عينك الاشياء الباعوها وجاى تسال عن بيع مصفاة الجيلى 0ماذا تسوى هذه المصفاة للاشياء الكبيرة التى بيعت مثل الخطوط الجوية والخطوط البحرية والنقل الميكانيكى والسكة الحديد ومشروع الجزيرة والفنادق العالمية ووووووووووو0 وبعد ما كملوا كل بيع الاشياء الكبيرة قبلوا على بيع الاراضى لكل من يدفع من داخل او خارج السودان 0 وبعد ما كملوا كل شى قبلوا على بيع ميادين الاحياء التى يلعب فيها الاطفال الكرة0
ونصيحتى ليك يا ابو عمر ان لاتاتى للسودان لانى خائف يبيعوك انت ذاتك بعينك المليانة وعينك الفاضية0 خليك فى غربتك والواعى ما بوصوا0

United States [بحث حالة] 06-05-2012 11:20 PM
الحقائق مثبتة (قوقل و شوف)

ممتلكات اي واحد من الفئة اياها كا ضربنا ماهيتو في عشرة و من تاريخ الميلاد ما بتجيب ربع قيمة الممتلكات الداخلية فقط الصور موجودة في النت ،، يعني تعليقات الاخوة دي كلها اي كلام ، خليك من الاخوة المعلقين شوف تصريحات الوزراء و المساعدين ،، والله يكون في العون

United States [سودانيين من وين ؟] 06-05-2012 11:04 PM
1) سياسة التمكين (احتكار السلطة)

2) الصالح العام (الحقيقة الصالح الخاص)

3)المشروع الحضاري (المشروع التدميري العنصري)

4) التحكم في البلاد و العباد (البلد بلدنا)

5) 70% من الميزانية للامن و الجيش و الشرطة

6) قوانين النظام العام (نهب ، سلب ، نط حيط ، اتهام الناس بالباطل)

7) محاكم النظام العام ( يوميا مصدر دخل ثابت كلها دفع قروش)

8) الشرطة ( قلع على عينك يا تاجر خصوصا المرور)

9) السياسة العامة (الارهاب و بيوت الاشباح)

القائمة تطول و الكلام كتير و الفساد مستشري ، من عاليها الى واطيها و الادلة و البراهين على قفى من يشيل و موضوع عوض جادين و الوزير و تتدخل الرئيس ووقف لجان التحقيق ، زوجة الرئيس الثانية اشترت بيت الشيخ مصطفى الامين (عمارة في شكل وردة) وزير الخارجية تاجر خردة و احدى زوجاته سفيرة السودان في ايطاليا ، شارع النيل معروض للبيع ، وبعدين كم رئيس البشير ، نافع ، على عثمان و كرتي و من معهم في نفس الدرجة و بعدين الدرجة الثانية ناس الطفل المعجزة و هكذا الى درجة الشماسة وتم تجنيدهم بحجة وجود مهام لا يقوم بها غيرهم،

وبقية الشعب (سماسرة خصوصا الاراضي)


#384887 [ابراهيم1£2]
1.50/5 (14 صوت)

06-05-2012 08:04 PM
وبيع الشعب كله ،. وانطبق علينا اسم السودان ،، وهو يعنى عند العرب الذين اشترونا( العبيد) ،، لا تستغرب اذا أتاك خليجى او سعودى او حتى يمنى ،، وقدم لك ورقة تثبت انك عبده وقد اشتراك من طغمة الإنقاذ الحاكمة ،، ولا تستغربى ايتها السودانية اذا حاول ان يضاجعك كويتى ، او لبناني مليح،، على انك ما ملكت يمينه،، وقد اشتراكى بثمن بخس دراهم معدودة فى سوق نخاسة الإنقاذ،،
الرق تاريخيا بدا فى السودان ،، والسود هم من باعوا السود للبيض، فى امريكا وأوروبا ،، لم ياتى أى رجل ابيض ،، وقبض السود غصبا عنهم .. وانما باع السود بعضهم البعض للعرب. وللامريكان .. ،
وها هو التاريخ يعيد نفسه،، وباع السودانى الحاكم ( حكومة الإنقاذ ) أخاه السودانى المحكوم ( الشعب ) ، فلننتبه !!!!!
والله يستر.


#384876 [ود الكلس]
1.42/5 (13 صوت)

06-05-2012 07:45 PM
الله يكضب الشينة؟؟؟؟؟


#384869 [عثمان]
2.23/5 (13 صوت)

06-05-2012 07:35 PM
قال سبحانه: ﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ﴿6﴾


ردود على عثمان
United States [الجقر] 06-05-2012 10:21 PM
اها يا اللخو الفاسق هنا منو؟؟
والله انا خائف نقوم الصباح نلقي نفسنا في الصومال وللا ارتريا ..
اكاد ان اجزم بانكم غير مسلمين ولا تمتون للإسلام ب صلة
اعوذ بالله منكم

United States [جركان فاضى] 06-05-2012 08:01 PM
وهل كذب وزير المالية حصوله على الارصدة الكبيرة التى حصل عليها؟ فاذا كان الحال كذلك فلماذا لايوضح مصدرها وغرضها حتى لايصيبه الشعب بجهالة؟


#384866 [مقيم ببريطانيا]
1.57/5 (14 صوت)

06-05-2012 07:32 PM
الشعب عطشان وجعان.. لا كهرباء ولا مواصلات.. اتشردنا في كل بلاد العالم.. نحن صومال ثانيه ولكن دون اعتراف العالم.. انا افتكر انو الفلسطينيين احسن مننا ..على الأقل عارفين البيهم والعليهم..اسوأ الظلم ظلم بني القربى.. رغم اني لا اتشرف بقرب تلك الطغمه الحاكمه..
فعلا لك الله يا وطن الغلابه.. وكل ظالم وله يوم


#384858 [waheed]
1.43/5 (13 صوت)

06-05-2012 07:17 PM
سعادة زير المالية و رئيسه الابله الراق و عابة الاربعين حرامي يمكن ان يبيعوا اي شئ و كل شئ حتى البشر، الم نسمع حضرة زير المالية الملان عذرة ،الم نسمعه مرة يصرح انهم "يصدرون" الاطباء و النبق؟؟ و يبدو انه يصدر نبقا غير النبق الذي يحته الرئيس!


#384856 [سند]
1.43/5 (13 صوت)

06-05-2012 07:13 PM
اقتباس (ففي حديثه لوكالة الانياء القطرية قال الوزير أن بلاده حصلت على مورد مالي أجنبي ضخم من أحد المصادر الخارجية ، رافضا الإفصاح عن حجمه والجهة التي قدمته للحكومة !! ). يا اخوة الراجل لو ولدو ((ده كان قي زمنا غايتو )) خليك من بتو ولا مرتو ظهرت عليهم اثار نعمة مجهولة المصدر الله قال بقولهم من الاستفسار الدقيق عن مصدر تلك النعمة خوفاً من ان يكون قد فرٍٍط احدهم في العده وكده. فيا وزير ماليتنا شكيتك علي الله عملت في السودان شنو!!!. واقول لشعب السودان الفضل الرجالة تطير .


#384855 [رد على الشمالى]
1.47/5 (11 صوت)

06-05-2012 07:11 PM
و كمان تسالونى من اين اتى هؤلاء؟ هؤلاء اتوا منكم انتم. لو لم تكونوا كلكم حرامية و فاقدى ذمه و ضمير و رشد لما حكمكم هؤلاء!!!


من اين اتى هؤلاء ، مقصود بها الشعب ليس الكيزان.

انا اعرف بان اهل حى الوادى فى نيالا من اسوأ ما خلق الله من بشر ، لذا اتى منهم على الحاج. المشكلة ان من اتى منهم البشير و المتعافى و احمد عبدالحمن و علىعثمان و خلافهم ، لا بعترفون بهذا ، بل انهم يحملون السلاح للدفاع عنهم بدوافع قبلية.

نحن اهل الهامش لا نملك شيئا ، فليبعوا كل الوسط ، اراضية و مصانعه و مساجدة و حتى ناسة ، ان كان لهم مشتر. نحن اصلا حاملين سلاح ، لا يوجد من له جساة لبيه الخلاء عندنا و او نحن. فاذا ما بيهع الفندق الكبير او اراضى الشماليه او مشروع الجزيرة او مستشفى العيون او خزان سنار او مصفاة الجيلى او باعوا سودانير او باعوا السكة حديدة ، هذه الاشياء ان ملكها قطري او صينى او شمالى او اسرائيلى او ايطالى او حلبى مشرد او شمالى او غيره ، ماذا استفيد انا او ماذا افقد؟ طبعا لا شيئ.


ردود على رد على الشمالى
United States [جركان فاضى] 06-06-2012 04:48 PM
يا اخى يا رد على شمالى ان اهل الهامش حاليا فى الانقاذ هم اكثر اهلها وهم من افسد الانقاذيين0ومن يحكم اهل الهامش حاليا اليس هم من قادة اهل الهامش الانقاذيين0 وحتى حركات التحرر فى الهامش هدفها مصلحة شخصية للفئة التى تقاتل وليس لاهل الهامش 0 ويستقبل حكام اهل الهامش البشير وعلى عثمان استقبلا لايجدونه فى الشمال0 اصحى يا اخى وشوف الخراب جاى من وين0

United States [زول] 06-06-2012 12:13 PM
يأخي إذا ما بتهمك هذه المناطق لا تأتي اليها, إذا حمت أو مريت ساكت يأخدوا منك رسوم عبور. رأيك شنو؟!!!

United States [Kurbeke] 06-05-2012 08:29 PM
والاهم من ذلك سنردها لعدم وجود عقود بيع بينهم و بين الشعب السوداني


#384850 [رجل شجاع]
1.60/5 (14 صوت)

06-05-2012 06:58 PM
خليهم يبيعونه ما عملوه هم لو ما الإنقاذ كان يتعرفو طعم بترول يا مقطعين


ردود على رجل شجاع
United States [casa] 06-07-2012 09:04 PM
يا اسرار هسه الحيوانات زمبهم شنو تشبهيهم بالكائن ده؟

United States [جركان فاضى] 06-06-2012 04:36 PM
البترول البتقول عليه ظهر فيك انت وامثالك اما الشعب السودانى فما شاف الحبة منه

United States [karlos] 06-06-2012 05:50 AM
فاقد تلعليمى بلا شك هولاء هم من علمتهم الانقاذ بمناهجا الفقيرة

United States [اب هناي] 06-05-2012 10:25 PM
مقطعين مقطعين يا باطل مقطع إنت الجيت مع الإنخاس بتاعتكم دي واتخلعتو ولميتو في البلد سرقة
اصلكم حثالة المجتمع وزبالته يا معفن انت

United States [asrar] 06-05-2012 09:41 PM
(عملوه هم لو ما الإنقاذ كان يتعرفو طعم بترول يا مقطعين)حسبنا الله و نعم الوكيل انت ايه يا اخي ما بتفهم و الا ما عايز تفهم لانك ما من المقطعين يا ابله ... دا شنو دا ؟؟؟ رجل شجاع قال!!!جاتك البلاوي في مخك الهباب يا سجم .... يظهر انك ما عارف الف باء السياسة؟سؤال: ما الفرق بينك و بين الحما مع العلم انكم الاتنين حيوانات ؟؟

United States [عمر جابر] 06-05-2012 08:37 PM
إقتباس
(خليهم يبيعونه ما عملوه هم لو ما الإنقاذ كان يتعرفو طعم بترول يا مقطعين)
بدون الدخول في سفسطة لا طائل من ورائها، كلامك صواب يا رجل شجاع، لكن سؤالنا لك هو:
1- لقد باعوا سودانير فهل هم من أنشأها؟
2- لقد باعوا خط هيثرو اللندني فهل هم من أنشأه؟
3- لقد باعوا الفندق الكبير وفندق السودان فهل هم من أنشأ الفندقين؟
4- لقد باعوا مصلحة النقل الميكانيكي فهل هم من أنشأها؟
5- لقد باعوا مصلحة المخازن والمهمات فهل هم من أنشأها؟
6- لقد باعوا مصلحة النقل النهري فهل هم من أنشأها؟
7- لقد باعوا وزارة التربية والتعليم لولاية الخرطوم فهل هم من أنشأها؟
كفاك ولا نزيدك يا رجل يا جبان؟!

United States [الأرباب] 06-05-2012 08:23 PM
ما اغباك....


#384849 [ود عويضة]
1.43/5 (12 صوت)

06-05-2012 06:55 PM
اللهم لا تؤاخذنا بما فعل السفهاء منا - اللهم اجعل تدميرهم في تدبيرهم واجعل كيدهم في نحرهم اللهم بحق المصطفي عجل لنا بالنصر وبالفرج


#384840 [سند]
1.43/5 (15 صوت)

06-05-2012 06:47 PM
شعب يستاهل اكثر من كده برغم هذه الماسي والمهازل نجده يتراقص طربا و غباءً مع انغام دخلوها و صقيرا حام . و رحم الله رجلاً عرف قدر نفسه.


#384834 [زعلان من الامام]
1.46/5 (12 صوت)

06-05-2012 06:38 PM
والله ان ما حدث في السودان جريمة كبرى لن تغفرها لنا الاجيال القادمة كما لن نغفرها نحن للاجيال التي سبقتنا ولخيالات المآتة التي سرنا من خلفها حينا من الدهر كامثال الصادق المهدي والميرغني ومن قصى نحبه اضاعونا ووطنوا انفسهم مع ثلة النظام الفاسدة الفاجرة الخائنة للوطن الا لعنة الله عليه الا لعنة الله علي كل من فرط في تراب واقيم واخلاق واموال هذا البلد


#384831 [نشأت عوض]
1.49/5 (9 صوت)

06-05-2012 06:33 PM
انا لله وانا أليه لارجعون ونقول الحمدلله علي ماارده الله وحسبنا الله ونعما والوكيل ولاعدوان الا علي الظالمين قدرالله وماشاء فعل
وبحبك يا وطن الجدودبلا حدود
اناسوداني سوداني انا
الهم اضرب الظالمين
بالظالمين وخرجنا
منهم سالمين
امين امين
يارب العالمين


#384828 [زول نصيحه سااااكت]
1.43/5 (13 صوت)

06-05-2012 06:32 PM
قالو كان غلبك تسدها وسع قدها ... ياما جايي وسااااااااااااااااااااااااع


#384825 [جركان فاضى]
1.66/5 (14 صوت)

06-05-2012 06:27 PM
من اين تاتى الحكومة بالدولار ومعظم ايرادات الدولة تاتى من المصادر التالية:-
رسوم يومية على اى درداقة حايمة فى البلد
رسوم يومية على كل ست شاى براكوبة وبدون راكوبة
رسوم الزبالة
الجمارك على العناقريب والبنابر وسروج الحمير
بطاقة ورسوم يومية لكل بائع متجول
قيمة رسوم كبون لكتابة الاسم ونوع المعاملة فى جميع دوائر الدولة
تكاليف الطباشير وورق الامتحانات وطباعته وتكاليف الكهرباء والصيانة من طلاب المدارس الحكومية
تذاكر زيارات المرضى فى المستشفيات الحكومية وجميع العمليات والاقامة فى العنابر
تراخيص الكوارو العادية وبصهريج
رسوم مغادرة ودخول لكل سيارة ماشة من ولاية لولاية اخرى

والقائمة تطول


ردود على جركان فاضى
United States [ودكنانة] 06-05-2012 10:06 PM
وماتنسى رسوم دخول الحمامات الحكومية فى الاوسواق للتصريف


#384824 [عوض المبارك]
1.75/5 (19 صوت)

06-05-2012 06:27 PM
في مرة سألت أحد الزملاء في العمل من سوريا الشقيقة طبعا ً دا كان قبل الثورة والمظاهرات الاخيرة عن التعليم عندهم فذكر لي أن الدولة عندهم مسئولة عن التعليم من الحضانة إلى الجامعة وحتى الدارسات العليا للمتميزين ، وعرجت وسألته عن الصحة فذكر لي أن الدولة كذلك مسئولة عن العلاج وهو مجاني للجميع ،وسالته عن أسعار بعض المواد الغذائية كالسكر مثلا فذكر لي أن السعر ثابت وفي متناول الجميع انتهي جواب زميلي السوري . ومع ذلك اشتعلت سوريا وانتفض شعبها الأبي الكريم .
وفي مصر الكنانة نعلم المشهد من بدايته إلى انهيار نظام مبارك والانتهاء به الى السجن المؤبد

وفي السودان عفوا لقولي وليعذرني فيه الجميع : الشعب جعان لكنو جبان ولا استنثني منكم أحدا ً حتى انا


#384819 [عمرابي]
1.45/5 (16 صوت)

06-05-2012 06:19 PM
باعوا سودانير

باعوا حديقة الحيوان

باعوا فندق السودان

باعوا مرافق شارع النيل العامة باستثناء القصر الجمهوري

باعوا مشروع الجزيرة وما ادراك ما مشروع الجزيرة

باعوا فندق قصر الصداقة

باعوا اراضي المقرن الزراعية

باعوا سكنات سجن كوبر ( الملازمين )

باعوا سكنات السكة حديد ( كبري الحرية )

باعوا الشركة السودانية للهاتف ( موبيتل )

باعوا الجنــــــــــــــــــوب

و ماخفي اعظــــــــــــــــم


#384804 [النيل الأبيض]
1.59/5 (10 صوت)

06-05-2012 05:47 PM
أسرار دولة؟؟؟؟

-- نعم هذا الكلام منطقي جداً , قياساً بقراءة سلوك الحكومة منذ 1989 وأزمتها المالية وامتناع الحكومة عن الكشف عن طبيعة هذا المال ومصدره وشاهدت لفاء مع وزير المالية مع دو البلال سأله عن المصدر فقال (هذه أسرار دولة).. هذا مصطلح غريب للتعامل مع القضايا المالية , أسرار دولة ( هل هي حاجة عسكرية- فحتى الصفقات العسكرية احياناً يعلن عنها) !!!

... من خصائص الحوكمة الراشدة ( good governance) - (الشفافية).. وعشان كدا ترتيب السودان دائماً عالى جداً في قائمة الدولة الفاسدة(ثاني دولة فاسدة في العالم)
.وعشان دكا نحن دولة فاشلة !!!


.. بيع مصفاة لدولة أخرى - أسرار دولة ؟؟؟؟؟ سياسة البيع الكتامي من سياسات النظام المحفوظة !!!

.. الغريب كيزان السجم بفتكروا دا ذكاء وشطارة , فتأمل !!!

.. نعم من أين أتى هؤلاء ؟؟؟


#384797 [مهود]
1.42/5 (9 صوت)

06-05-2012 05:41 PM
الحقيقة طقت قطر حاتدينا فلوس دي حقيقة ، واتلكلم صحفي اظنه راشد عبدالرحيم في نفس الفترة تقريبا وذكر بأن المبلغ كبير ولابد ان قطر سوف تطلب ضمانات ,معقول بس الضمانات تكون المصفاة , علي اي حال بكرة الحقيقة،


#384772 [whiteniless]
1.45/5 (11 صوت)

06-05-2012 05:17 PM
والله ما تمه بيعه فى خلال العشرين سنه فى ظل الانقاذ شئ لايصدق بيعت شركات ومؤسسات قائمه بحجه انها خاسره للنخبة الحكم وعملائهم من الخارج
بيع الفندق الكبير رمز اثرى من رموز السودان فندق لايشبهه فندق فى العالم
والان بيعت مصفاة الجيلى انه لشئ عجيب وغريب يحكى فشل حكومه باكملها عديمه الضمير وغير حريصه على مكتسبات البلد
للعنه الله عليكم يا شرذمه فاشله نسال الله ان يرسل عليكم زلازل تدمركم فى كراسيكم بحوله الله وقوته من اجل الذين شردتوهم ومن اجل الايتام والارامل من اجل المساكين الذين يفتشرون الارض ويلتحفون السماء
لكن بعون الله نصر الله قادم فقط انظروا الى تونس ولليبيا ومصر بل الى رومانيا والى العراق ؟؟؟؟؟


ردود على whiteniless
United States [رايسنا الشحاد] 06-05-2012 05:57 PM
تستاهلوا شعب جبان ان شاء الله يطلعوا زيتكم زاتوا


#384758 [داير العرس]
2.29/5 (17 صوت)

06-05-2012 05:06 PM
اه يا بطنى ...اه يا مغصتى .... بس ما بلوم زول ... انا اللى جبت ده كلو لنفسى ... جلست اعاين و قلت الحال يمكن ينصلح .... و الحرامية اولاد الحرامية كاسرين بيتى .... لكن لا ... من اليوم ...من اللحظة .... انا فى ابو جنزير ..... اموت ...و ما اخلى بيتى ينباع .... اموت و ما اخلى بلدى تتهان ... مين اللى راح يجى معاى .... انا من الحين فى ابو جنزير


#384756 [kumatsu]
1.52/5 (11 صوت)

06-05-2012 05:03 PM
خليهم يبيعوا زي ما دايرين ، بس المِنخس ما يتباع ، يأيها أب زيطة أمسك المِنخس بقوة لأن في المِنخس سيكون مصيرك ;;;العصا التي يحملها البشير،،،، تنبأ البشير بأهمية المِنخس منذ ٢٢ عاماً وإلى الآن


#384750 [بت الخرطوم]
1.44/5 (12 صوت)

06-05-2012 04:51 PM
اسالك الله يا استاذ عبدالرحمن كلامك البتقول فيه دا اكيد ومن مصدر موثوق حسبنا الله ونعم الوكيل معنى كدا مديونية اقامة المصفأة دين على البلد يظل المواطن المسكين يسدد فاتورة ديون المصفاة وهى مملوكة لدولة اخرى يا اخ33وانى دا اسمو شنو البتعمل فيه حكومة بنى كوز الله لا كسبهم دنيا واخرة


ردود على بت الخرطوم
United States [عمر جابر] 06-05-2012 08:45 PM
يا بنت الخرطوم المسألة ليست بيعاً فورياً، ربما يكون بيع مؤجل بما معناه؛ إقترض السودان من قطر 3 مليار دولار، وصلت منها للحكومة 2.7 مليار – الفرق هو 10% عمولة توفير القرض- ولكن هذا القرض بضمان المصفاة. فإن سدد السودان القرض بعد المدة المتفق عليها – وأشك في ذلك- تعود المصفاة للسودان، وإلا فإن ملكيتها ستؤول إلى قطر التي ستبيعها لدولة أخرى أو شركة صهيونية مملوكة لإسرائيل عن طريق أشخاص آخرين، لأنها لا تحتاج لمصفاة صينية قديمة.
بخصوص العمولة في توفير القروض الكبيرة فإنها لا تتعدى نسبة 0.5% وربما تنزل حتى 0.25% ولكن ناسنا تماسيح ما بعرفو الكسر الأقلّ من الواحد الصحيح.


#384744 [هاشم]
1.46/5 (12 صوت)

06-05-2012 04:42 PM
فليتخذ الشعب قراره ان سكت ممثلوه فيي البرلمان والذين هم ابعد من يكونون عن الشعب ولتتحرك الدبلوماسية الشعبية محذرة كل العالم من شراء اي اصول سودانية من هؤلاء اللصوص ونقول للذين تلطخت اياديهم بشراء ممتلكات الشعب السسوداني سيأتي اليوم الذي سيصادر منكم هذا الشعب جميع ما شاركتم في نهبه ابتداء من سودانير وانتهاء بمصفاة الجيلي


#384734 [abusafarouq]
1.55/5 (12 صوت)

06-05-2012 04:31 PM
هؤلاء المرتزقة قبيلة الكيزان قد سرقو البلد وعرضو المواطنين للخطر خطر الجوع وفقدان الارض تحالفو الكيزان مع الشيطان حلفو وحرمو وطلقو اللا يتركو مصدر دخل من أى مؤسسة حكومية وهم يغادرو البلد مجبرين يعنى أى حكومة جاية تكون مكسورة الجناحين لاحول لها لاقوة سوف تبحث عن مليارات الدولارات لاحياء مشروع الجزيرة المدمر والسكة حديد والطيران والنقل النهرى وموانىء البحر الاحمر نهايتهم تكون بإنتهاء كل شيىء لاثابت لامتحرك جفاف تام وبيع كل ما غلية ثمنه وخف وزنه وكل ما هو ثقل وزنه وقل ثمنه يعنى دمار شامل للوطن والمواطنين والفرار الى ماليزيا والصين وسنغفورة وأندنيسياواللحاق بأسرهم الذين هم متواجدون هناك من زمن طويل منتظرين هذا اليوم السيىء على الشعب السودانى وهم قد عرفو أن مستقبلهم الى الجحيم أناس أتفقو جميعا الى أكل مال الشعب لن تنفع معهم أى مال لأنهم مسعورين فى أكل المال الحرام وللأسف الدقون المتدلية بمظاهر الزهد فى الدنيا وهم للدنيا قد عملو وأخرتهم قد باعوه بالقصور والفارهات والزوجات مثنى وثلاث ورباع ويمكن زيادة مسيار وهلم جر سفهاء القوم قد تمكنو فى حكم السودان وضيعوه اللهم أرحمنا برحمتك وأخرجنا سالمين غانمين من بين الظالمين ولاتهلكنا معهم رب أمين ..


#384731 [جركان فاضى]
1.83/5 (14 صوت)

06-05-2012 04:25 PM
الناس ديل شلعوا قطيتنا وببيعوا فى حطبا الحقووووووووونا



خدمات المحتوى


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2020 alrakoba.net - All rights reserved

صحيفة الراكوبة